Ngàleshyà 3:5 - Ŋwàʼlè ə̀ Fèzhə̀ Mkâyn Mə̂ Fèm

⁵ Zhə̀fè tè fo Sezuʼ sə vəynse sê ghàyn ə fɨnə nə̀ ə̀ghɛ ə kayntəghe ə ghàyn ə fètəyn kûmə̀ kə ghàyn ndə̀mə̀ Lâŋà mə, mə kûmə̀ kə ghàyn zɨ tom è chùŋ ə pomə̂ ə?

Ngàleshyà 3:5 Iomraidhean Croise

Ətefɨ̂aʼ 14:3

Pɔ̂l yî Pànapàs ə ndamə kɔʼɔ fumə nâʼà sə aghaf etyâkè, wàmnə̀ əghɛ ə chûŋ ghɛ ə Pɛ̂pɛ nyi mə è və nə̀yn se ghɨ fànə va nâʼà səkɔs. Pɛ̂pɛ Njisə̀s ə nə̀ ghənə ə tyə̀nə̀ chwìə, ə nə̀ ə̀ghɛ əkayntə ə tsɨəghe, se tyə̀yn nə ghɛ ghɛ ə chùmtè èpàm sə vəynse piə kûmə̀ èfo eghaʼ Vəynze nyi səmɔʼ.

Ŋwàʼlè ə̀ Pɔ̂l sê ghɨə Lûmghè 10:17

E za tyə̀nə̀ nə, pomə̂zè pə̀ ashìŋə̀ kɛ ə wùə zɨ tom ə̀ Fèzhə̀, mə ghɨghe kyi se ndàʼà tom èchùŋ ə̀ Klâys kə ghɨ pomə sê vəyn.

Ŋwàʼlè ə̀ Pɔ̂l sê ghɨə Lûmghè 15:19

M tè nəyn əghɛ nə ghɛ mə, atyaʼ ə sechwîəke, è ghɛ əkayntəghe, è kɨsè atyaʼ ə sezuʼ sə Fezhə̀sè. Zɨnə mə ə tə nə̀yn me ndaʼà tom e chùŋ ə̀ Klâys àchûŋ, kə m tè ndò ə Njèlusalɛ̀m se ndùə tàyn apàs endaʼ ə Ìlilikùmkè. Mə ndàʼà tom èchùŋ èkɨ̂m kûmə̀ Klâys.

1 Kɔlìŋ 12:10

Zuʼ nə sɨ̂nə̀ fo se wùə èmɔ̀ʼ, tyaʼke nə è və nə̂ ə̀ghɛ əkayntəghe, se wùə vîvè, sə̂ fo àtyaʼ nə è və tsâ ə̀ghɛ mə ghe ndo sê Zhə̀fè, sê wùə vîvè, sə nə̀ nə è və ke sə nɨŋ nə Zuʼse ndo sê Zhə̀fè mə se paʼà ndò chi se Zhə̀fè ə, sê wùə vîvè, sə̂ nə̀ nə è və ke se wâmnè ə tewâmnè ndɔ̀ʼɔ è zaʼle, sê wùə vîvè, sə̂ nə̀ nə è və zɨə kê tèwâmnè tə təynte, tsâ èghɛ zɛ ə te pîə.

2 Kolìŋ 10:4

Fɨa eghɔ̀ŋ vasve nyi mə ə̀ paʼà fɛtê wùə. Pîza ə̀ nyi efɨa eghɔ̀ŋ ə Fezhə̀ vɛ ə è fo nə ghâsènì fɨ̂aʼ ətəyn se pofsê ə te luʼtə atyaʼte.

2 Kolìŋ 12:12

Mə tè kol təmə, ə njìə àshîŋə̀ se tyə̀ynə sèchwìə sə wùətom ə səmɔʼse, paʼsə̂ è chwìəse, è ghɛ ə cho zoməghe, è fɨ̂aʼ te kayntəte.

2 Kolìŋ 13:3

Kə ghàyn sè pfɨfə chwìə se tyə̀yn nə Klâys wàmnə̀ tɔynə̂ ə mi, ghàyn nə̀ fe zə̂ynzè. È pɔylə̂ va endom vɛ ə è fɨaʼà ətəyn ghâyn ghə̀ ghənə, pîza è fɨaʼa è tyaʼe tsɨəke ə ghàyn ə fètəyn.

2 Kolìŋ 3:8

ə pomsê ətəyn tə nəyn ə zə pəynə̀ ghaʼa zàyn ezhoghɛ ə Zuʼse fɨaʼà zə!

2 Kolìŋ 9:10

Ə̀ fo Fèzhə̀ ngwàʼ sê ghɨ nə zho, ə̀ fo kəpi Vəyn payn ə kwaŋke nə ə zhi, nyi kepî se nə fo kwəynsə̂ ə ngwàʼ sê ghàyn kə ghàyn zho ə ghàyn ə nə̂ ndûə kə chùŋ eshike.

Ngàleshyà 3:2

Ghàyn tsayn ghɛe se mi. Ghàyn tsayn se mi nə̂, ghàyn tè kyi Sezuʼ sə Fezhə̀sè kûmə̀ kə ghàyn ndə̀mə̀ Laŋà mə ghàyn tè kyi kûmə̀ nə ghàyn zɨ tom èchùŋ ə pomə ə?

Filìpây 1:19

M saŋnə̂ kûmə̀ nə m ke ndô nə tsə̂m zaynze, è Zuʼsə Njisə̀s Klaysè nə̀ nə̂ mi nə m kyi sɔzaze.