Ngàleshyà 2:9 - Ŋwàʼlè ə̀ Fèzhə̀ Mkâyn Mə̂ Fèm

⁹ Shîŋə̀ kɛ ə Njə̂m, pità è Njɔyn, ghɨ ghɛ ə tè fe sə etu, kə ghənə tè fe kê nə Zhə̀fè ə fo fɨaʼə m̀kɔʼnè kɨnə se mi, ghənə ə tɔŋtə̂ mi ghasè Pànapàs se tyə̀yn nə ghasè ghə̀ ghənə fɨaʼà sə eghɛ èmɔ̀ʼ. Ghâsè ghənə ə ke ndə̂m nə, ghàs nə ndàʼà tom èchùŋ sê ghɨ ghɛ ə̀ vachi ə̀ghɨ ə Njûsghè, ghənə e ndàʼà sê ghɨ Njûsə̀.

Ngàleshyà 2:9 Iomraidhean Croise

Matyò 16:18

M pîə sê ghò Pità nə, ò nyi anayn, mə fa etûə anayn M nə̀ pɛ ndɛ àtsɨ̂ynte zɨ̂mzè. Mə pî àtyaʼ ekwuke vayn kaʼa ə ke nəʼse zə̂ynzè.

Tom èchùŋ kè kə Lûk tè nyaʼ 22:8

Njisə̀s ə tomə pità yî Njɔyn ə piə nə, “Ghàyn ndu fetê efɨazhiə ezaʼa tsɛve kə ghâsènì zhi.”

Njɔyn 1:42

Andɨ̀lò ə ke njìə ndùə è Shimùyn sê Njisə̀s. Njisə̀s ə naynə̂ vəyn ə pìə nə, “Zə zɛze nyi Shimùyn, ə va Njɔyn, pîza ə nə̀ nə̂ ə tɔŋtə̂ ghò zôyn nə Sefàs.” (Sefàs è Pità nyì ke è zə èmɔ̀ʼ, ze tyə̂nə̀ nə, anayn.)

Ətefɨ̂aʼ 12:17

È və kɨmsə̂ ghənə è ghoke ə fɛte tsâ sê ghənə kə Pɛ̂pɛ fè pə̀yn nji fɨ è vəyn ə ndɛ̂ chaʼ. È və tsà se ghənə nə, “Ghàyn tsayn ghɛ nə zɨ̂nə̀ sê Njə̂m è ghɨə mɔ̀ʼɔ ghɛ ə ghe pomə Njisə̀s ghɛ nə zɨ̂yn.” È və wàmnə̀ mɨ̂sə̀ zâ, ə ndò ndûə elùʼ ə ndôvè.

Ətefɨ̂aʼ 15:13

Ə pə̀ kə ghənə wâmnè mɨ̂sè, Njə̂m ə ndwìə pîə nə, “Ghàyn zɨte sê mi ə soyn sɨmse.

Ətefɨ̂aʼ 15:7

Ə pə̀ kə ə saʼne ghɛ ətəyn sə aghaf etyâkè, Pità ə ndwìə tyəmə ə piə nə, “Ghɔnyì ghɨmə, ghàyn ke ndô səmɔʼ nə Zhə̀fè ə tə chɔʼ mi ə ghàyn əfètəyn ə shɨŋ zhizè nə mə tsà tom èchùŋ sê ghɨatumə kə ghənə zɨ Pɛ̂pɛ ə pomə Vəyn.

Ətefɨ̂aʼ 4:36

Ə̀ nyi zamə kə Njosɛ̀f, ə wùə èsas ə ndɛ Levìzè mə ə tè piə vəyn endaʼ ə Sàypulòszè, tè nəyn. Ghɨətom ə Njisə̀s ghè tè tɔŋtə vəyn nə Pànapàs, (Ə wùə vɛ ə è tè nə̂ nə ghɨ ghə kyi ə̀təm etɛ.)

Ŋwàʼlè ə̀ Pɔ̂l sê ghɨə Lûmghè 1:5

Ə̀ nyi ə Vəyn ezə kə Zhə̀fè nyi mə fə fo mi èfùʼkè ə ndə̀mə̀ mi nə mə nyi wùətom kə ghɨ ghɛ ə̀ va əghɨ ə Njûsghè pomə ə zɨ sê Klâys.

Ŋwàʼlè ə̀ Pɔ̂l sê ghɨə Lûmghè 12:3

Kûmə̀ àfùʼ ə Fezhə̀ kɛ ə è fo sê mi, m pîə se ghàyn əkɨ̂m nə kə ghàyn nə nji sèngɨŋ saynse ekwùtwəyn endom vɛ ə ghàyn kwàʼtə̀ ətəyn, ghàyn e pɨlə njîə sèngɨŋ saynse ə chi ə ghàyn ekwâʼtè. Nâʼàpî ndè kyi se fe ngɨŋə̂ vəyn əfètə̂ èpomə eghɨ kûmə̀ èfo zɛ ə Zhə̀fè nyi mə fə fo sê vəyn.

Ŋwàʼlè ə̀ Pɔ̂l sê ghɨə Lûmghè 15:15

Pîza fa ŋwàʼlè, mə nyàʼ ghɛ ghɛ mə m ndəʼə̀ fânə̀ va. Ə̀ nyi kûmə̀ àfùʼ kɛ ə Zhə̀fè fo sê mi ə m nyâʼà ghɛ nə ghɨ̂yn.

1 Kɔlìŋ 15:10

Pîza kûmə̀ àfùʼ ə Fèzhə̀kè, m nyi wùə vɛ m nyi vəyn. Mə fùʼ nə kɨ̂yn paʼà njìsè sə ndô. Mə pɨl fɨ̂aʼ nâʼà sə ŋaŋ, ə fɨaʼa tsɛ̂ nâʼàpî ndè əfètəyn ə ghɨətomə nâʼàpî kə ə̀ tè laynsə fɨaʼà va mi, ə̀ tè fɨ̂aʼ afùʼ ə Fèzhə̀ nə kɛ ə mì ewìyn.

2 Kolìŋ 11:5

Ghɨətom nə̂ ghɨynə ə ghàyn njì nə ə nyi nâʼà ə̀ ghɨətom ə tɛ tsɛ̂ va mi nâʼà eghɛ zhîze.

2 Kolìŋ 12:11

M nə̂ kə ango pîza mə ə̀ nəyn ghàyn nə mə nə̂ zamə. Ə̀ tè nyi ghàyn se pomsə mi kûmə̀ nə m tətə̂ kwûŋsə̀ va endom vɛ ghɨ ghɨ̀yn ə lesə ngɨŋsə ghənə̂sè nə ə nyi əghɨtom ə ghaʼlə̂ pì, pî kə m va nâʼà àfɨa.

2 Kolìŋ 8:4

fo zâ chyatə̂ ghàs nə ghàs fo zhəmke, ə ghənə fo ə pɔŋ tsâmtè ə̀ghɨə Fezhə̀ ghɛ ə ghe ndamə ə Njòndyâ.

Ngàleshyà 1:16

se tyə paynsə̂ Va vəyn sê mi, kə mə ndaʼà tom èchùŋ se ghɨ ghɛ ə̀ vachi ə̀ghɨ Njûsghè, m tè paʼà ndù nə wùə təfte mi.

Ngàleshyà 1:18

M tè kɔʼ ə Njèlusalɛ̀m epàm mə sèpîŋ sèta sè wàmnè ghasè Pità, ghasè vəyn ə ndamə sə mtuʼ njòse tâyn.

Ngàleshyà 2:1

Ə̀ tè nyi epàm ə sèpìŋ njòse kyàʼ, mə fɨnə kɔʼɔ ə Njèlusalɛ̀m ghâsè Pànapàs. Mə tə njì kepî Taytùs.

Ngàleshyà 2:2

M tè kɔʼ fu kûmə̀ nə Zhə̀fè tè tyə̀yn paynsê sê mi nə m kyi se kɔʼ. Ə̀ tè nyi kə m nyi fu, mə nyaʼtə̂ wâmnə̀ kə epàm ghasè ghɨ ghɛ ə ghe tè nyi tuve, ə tsâ tom è chûŋ zɛ ə m tè tsâ sê ghɨ ghɛ ə ə̀ va əghɨ ə Njûsghè. M tè nə̂ zamə kə fɨ̂aʼ zɛ ə m nə̂ zôyn è zɛ ə m tè nə̂ tàʼa njìsè səndô.

Ngàleshyà 6:3

Ə̀ kwâʼtə̀ pîndè nə e nyi afɨa, pîza va kəynke, ə è və lesə̂ kə ngɨŋə̂ vəyn.

Ɛfesùs 2:20

Ghàyn nyi ndɛ mə ə ndɔm achiə ətəynke è zaʼlê zɛ ə ghɨətom ə Njisə̀sghè è fɨ̀aʼtèsè tè zaʼlə kûmə̀, èchi epòlə̀ ə ndɛ nə zɨ̂yn nyi ke nâʼà Klâys Njisə̀s è ngɨŋ ə̂ vəyn.

Ɛfesùs 3:8

M nyi ke nâʼà wùə vɛ ə è tətə kwûŋsə̀ əfètə̂ əghɨə Fezhə̀, pîza mə fə tɔ̀ʼnə̀ è mi nyi ə nə̀ nə mə wâmnə̀ sê ghɨ ghɛ ə̀ vachi ə̀ghɨ ə Njûsghè, ndâʼà èghaʼ ekayntə zɛ ə ghɨ ghɛ ə ghe pomə sê Klâys kyi,

Kòlosè 1:29

Se fe nə ghɛ nə ghɨ̀yn ə nyi mə ə nə̀yn, ə̀ za nyi eghɛ zɛ ə m mɔ̂msə̀ se fɨ̂aʼ è tyaʼa. Tyaʼa Klâys kɛ ə ke nyi ə mì ewìyn, ə̀ nyi kəynke ə ke chiyntə mi nə mə fɨaʼà è tyaʼke.

1 Timotì 3:15

mə ghɛ nə̂yn nə m laynte, ə ŋwàʼlè zɨ̀nə tsamte kə ghàyn ke ndom vɛ ə ghàyn kàʼa ə ghàyn ə ndamə ə ndɛ ə̀ Fèzhə̀, mə za nyi ndɛ ə̀ Fèzhə̀ fɛ ə fe ndamə, ə̀ nyi àtɔ̂ʼ, è chi ə ndɛ kɛ ə ke tɔ̂ʼɔ̀ səmɔʼ.

1 Njɔyn 1:3

Ghàs tsà ə̀ghɛ ghɨ̀nə̀ sê ghàyn, ə ghɛ ə ghàs nyi mə ə fe ə fɨnə zɨə, kə ə ghâsènì tsɨynte faŋ ke sə afɨa àmɔ̀ʼ ə ghâsènì è Pɨ̀a yî Va Vəyn Njisə̀s Klâys.

Etyə̂yn ə paynsêzè 3:12

Ə̂ nò zhi nâʼàpî ndè pi, ə m nəyn ə è və nyi àtɔ̂ʼ ə Zhə̀ fɨmfe ə ndɛ, ə è tə tàʼa fɨnə fɨə ətəyn. M tə nyâʼà èzə Fezhə̀ fɨmfe ə ghənə ewìyn, ə m fɨyn nyaʼ èzə ə tɔ̂ŋ èghaʼâ ə Fezhə̀ fɨmfe, mə za nyi Njèlusalɛ̀m èfe, zɛ ə è tə ndô sê Zhə̀ fɨmfe ekwùtwəyn ə è tso pəyn. M tə nyâʼà kəpi èzə zɨmze feze ə ghənə ewìyn.