Ngàleshyà 2:7 - Ŋwàʼlè ə̀ Fèzhə̀ Mkâyn Mə̂ Fèm

⁷ Ghənə tè pɨl fe nə Zhə̀fè ə fo fɨaʼè se mi nə m ndaʼa tom èchùŋ sê ghɨ ghɛ ə tè va əghɨ ə Njûsə̀, kèpi eghɨ kə fe tè fo sê Pità nə è ndaʼa sê ghɨ Njûsə̀.

Ngàleshyà 2:7 Iomraidhean Croise

Ətefɨ̂aʼ 15:12

Nâʼà pîndè ə kɨmə̂ mɔŋ, zɨtə kə se Pànapàs è Pɔ̂l. Pànapàs yî Pɔ̂l e tsâ sèchwìə è ghɛ kayntə ghɛ ə Zhə̀fè nə̀yn əghɨ ghɛ ə̀ vachi ə̀ghɨ ə Njûsghè əfètəyn tɔynə̂ ə ghənə.

Ətefɨ̂aʼ 18:6

Ə pə̀ kə ghənə kwiynse ghɛ zɛ ə è pìə, è və pə̀ynsə̀ tsɨ̀m sê ghənə ə pìə nə, “Ə ghàyn njìsè, ə nyi ke ghàyn se ghàm ə sengɨŋ saynse! Gho kɨmke va ətəyn. Se zhə̀tè zôyn se ndù əshi, m nə̀ ndûə se ghɨ ghɛ ə̀ vachi ə̀ghɨ ə Njûsghè.”

Ətefɨ̂aʼ 28:28

Pɔ̂l tè wàmne ə piə è mɨ̂sə̀ ndò ə piə nə, “Ghàyn e ke nə, tom èsɔza zɛ ə Zhə̀fè tom, È və tom zə̂ynzè zôyn se ghɨ etumə, mə ghənə nə̀ zɨtə̂ zə̂ynzè.

Ətefɨ̂aʼ 9:15

Pîza Pɛ̂pɛ ə pìə sê Ànàniyàs nə, “Nduə, kûmə̀ nə mə chɔʼ wùə nə vɨ̂yn nə è fɨ̂aʼ sê mi. È nə nə̂ ə ghɨ atumə è fɔ̂yntə ghənə̂tè, è ghɨə Isìlâyghè, ke Mi.

Ŋwàʼlè ə̀ Pɔ̂l sê ghɨə Lûmghè 1:5

Ə̀ nyi ə Vəyn ezə kə Zhə̀fè nyi mə fə fo mi èfùʼkè ə ndə̀mə̀ mi nə mə nyi wùətom kə ghɨ ghɛ ə̀ va əghɨ ə Njûsghè pomə ə zɨ sê Klâys.

Ŋwàʼlè ə̀ Pɔ̂l sê ghɨə Lûmghè 11:13

Ghɛ zɛ m kyiŋə se pì zôyn nyì se ghàyn ghɨ ghɛ ə̀ vachi ə̀ghɨ ə Njûsghè. M nyi wùətom se ghɨ ghɛ ə̀ vachi ə̀ghɨ Njûsghè, nyiəmə ndə̂mə̀ àtu ə mì efɨaʼ nâʼà sə ŋaŋ.

1 Kɔlìŋ 9:17

Ə m nə̂ fɨ̂aʼ zɨmze mə ə̀ kɔŋ mi sə̂ nə̂, ə nyi nə ə kyi sə̂ ndàʼà mi; pîza m nə̀ nə̂ kə kûmə̀ nə ə̀ nyi eghɛ, m kyi ke se nə̀yn, mə ə̀ fo Fezhə̀ èfɨaʼ ətəynze nə mə nə̂.

Ngàleshyà 1:16

se tyə paynsə̂ Va vəyn sê mi, kə mə ndaʼà tom èchùŋ se ghɨ ghɛ ə̀ vachi ə̀ghɨ Njûsghè, m tè paʼà ndù nə wùə təfte mi.

Ngàleshyà 1:18

M tè kɔʼ ə Njèlusalɛ̀m epàm mə sèpîŋ sèta sè wàmnè ghasè Pità, ghasè vəyn ə ndamə sə mtuʼ njòse tâyn.

Ngàleshyà 1:6

M nyi è kaynze nə ghànə kàynè fɨl tsɨ̀m sê wùə vɛ ə è tè tɔŋɔ ghàyn tɔynə̂ ə Klâys afùʼ, sè pomə̂ se tom ə̀ ndò.

Ngàleshyà 2:11

Ə̀ tè nyi kə Pità pə̀yn ə Antyòk, mə tsà se vəyn ə ghɨghe əshi nə è və nə̀yn pofsê kûmə̀ nə ze tè nyîə panə ə ndayn nə è və nə̀yn pofsê.

Ngàleshyà 2:14

Ə pə̀ kə m fe nə ghənə nə̂ ə̀ghɛ, ghe va chichi kə səmɔʼ zɛ ə tom èchùŋ zaʼlə, mə wàmnə̀ sê Pità kə ghɨghe əshi ə̀kɨ̂m ə pìə nə, “Ò kwì zayn sə̂ nyi wùə Njû, ndamə kə wùə vɛ ə vachi wùə ə Njûs ə. Ò kàʼa o kâynə̀ zàyn nə ghɨ ghɛ ə̀ vachi ə̀ghɨ ə Njûsə̀ nə ghənə ə ndamə kə ghɨə Njûsghə?”

Ngàleshyà 2:9

Shîŋə̀ kɛ ə Njə̂m, pità è Njɔyn, ghɨ ghɛ ə tè fe sə etu, kə ghənə tè fe kê nə Zhə̀fè ə fo fɨaʼə m̀kɔʼnè kɨnə se mi, ghənə ə tɔŋtə̂ mi ghasè Pànapàs se tyə̀yn nə ghasè ghə̀ ghənə fɨaʼà sə eghɛ èmɔ̀ʼ. Ghâsè ghənə ə ke ndə̂m nə, ghàs nə ndàʼà tom èchùŋ sê ghɨ ghɛ ə̀ vachi ə̀ghɨ ə Njûsghè, ghənə e ndàʼà sê ghɨ Njûsə̀.

1 Tèsàlonikà 2:4

Ghàs pɨlə wàmnə̀ kə kə Zhə̀fè kyiŋə kûmə̀ nə è və kyàʼsè naynê ghàs ə fe nə ghàs nyi ə ghɨ ə è kàʼa è samse nə ghàs ndaʼa tom èchùŋ, nyiəmə ghàs e ndàʼà va endom vɛ əghɨ kyiŋə, pîza se nə̀yn nə Zhə̀ fɛ fe kyaʼsə̀ naynə təm ghasghe ə saŋnə̂.

1 Timotì 1:11

Ghɛ nə ghɨ̂yn nyi əfètə̂ tom èchùŋ zɛ ə fo nə m ndaʼa. Zaʼlê ə səmɔʼ nə zɨnə mə nyi eghɨ è tom èchùŋ kûmə̀ èpomsê ə Fezhə̀ fə ghâsènìfe kayntəfe.

1 Timotì 2:7

Ə̀ za nyi eghɛ zɛ ə tè tom mi kə wùətom è wùə èzaʼlə ə̀ghɨ ghɛ ə tè va əghɨ Njûsghè, nə m zaʼle tom èkyî epomə̂ zɛ ə e nyi səmɔʼ sê ghɨ ghɛ ə̀ vachi ə̀ghɨ ə Njûsghè. M wamə chîəva kaŋke, m lotə̂ pîə kə nâʼà èghɛ səmɔʼ!

2 Timotì 1:11

Zhə̀fè ə chɔʼ mi nə mə nyi wùətom, è wùə èzaʼlə, nə m ndaʼa tom èchùŋ.

2 Pità 3:15

Ghàyn ke nə Pɛ̂pɛ ə̀ ghâsènì kolə ə̀təm nyi, fo èndom sê ghàyn kə ghàyn kyi sɔzaze. Ànyìə ghâsènì Pɔ̂l vɛ ə ghâsènì kɔ̀ŋɔ̀ ə tə nyàʼ kepî ghɛ ghɨ̀yn sê ghàyn è tɔf eghaʼâzè mə ə̀ fo Fezhə̀ sê vəyn,