Ngàleshyà 2:4 - Ŋwàʼlè ə̀ Fèzhə̀ Mkâyn Mə̂ Fèm

⁴ Ghɛ ese nə nam nə zɨnə mə tè fɨ mə ə̀ ndwìse əghɨ ə pomə akaŋ yîghe fu, kə ə pə̀yn nji ə ghàs əfètəyn se fe kə ghàs va ekɔ̂s ə Klâys Njisə̀s, se nə̀yn nə ghàs ə nyi èkɔ̂s.

Ngàleshyà 2:4 Iomraidhean Croise

Tom èchùŋ kè kə Lûk tè nyaʼ 5:38

Ə kyi ke se ndə̀m mlɨ mê pɔ̂m ə tə̂ m̀shɔʼ mê fêm.

Ətefɨ̂aʼ 15:1

Ghɨ yîghe ə ndò apàs endaʼ ə Njòndyâkè ə tso pə̂ ə Antyòk. Ghənə ə ə zhə̀tə̀ se zaʼlə̂ ə̀ghɨ pomə nə, “Ə tàʼa se ənam ghaynghe, kè eghɨ kə Saʼ ə Mosîszè tè tyə̂nə̀, ə ghàyn tə tàʼa kyi esɔzaze.”

Ətefɨ̂aʼ 15:24

Ghàs ə zɨ nə ghɨə mɔ̀ʼɔ ə ghàs əfètəyn ə pə̀yn wàmnè ghɛze, ghe fo ètsôs ə ghàyn ətəm nâʼà sə ŋaŋ. Ghənə tè wamne zamə, mə ə̀ paʼà fo ghàs ètyaʼke sê ghənə.

Ətefɨ̂aʼ 20:30

Shɨ̂ŋə̀ kè tə pə̂, ə ghɨ yîghe ə ghàyn anɔ̀yn tə wamə àkaŋ se nə̀yn nə ghɨə poməghe chumte ghənə.

Ŋwàʼlè ə̀ Pɔ̂l sê ghɨə Lûmghè 8:15

Kûmə̀ nə zuʼ sɛ ə Zhə̀fè nyi mə fə fo se ghàyn nə̀ chîəva nə ghàyn ə nyi èkɔ̂s, pi se nə̀yn nə ghàyn ə fânə̀. Se pɨlə nə̂ nə ghàyn ə nyi ə̀ghɔ Fezhə̀ghè, famə atyaʼ ə sezuʼke, ghâsènì chìə fɨsə̂ ndûə se Zhə̀fè nə, “Pɨ̀a! Pɨ̀a Vɨ̂mvè”

2 Kolìŋ 11:13

Ghɨ nə ghɨnə wamə ndò nə ghənə nyi ə ghɨ tomə, ghənə nyi ə ghɨətom akaŋ ghɛ ə ghe wamə kaŋke kûmə̀ èfɨaʼ ə ghənə̂zè, pîə nə ghənə nyi əghɨtom ə Klâysghè.

2 Kolìŋ 11:17

Ndom vɨ̀nə ə m pfɨnə̀ ngàŋtèkè kûmə̀ ngɨŋ zɨ̂mzè, m nə̂ kə kə ango, ə̀ vachi èghɛ zɛ ə Zhə̀fè pì nə mə nə̂.

2 Kolìŋ 11:20

Ghàyn ə kol təmə, ə zà nə ghɨghe ə njîə ghàyn kə ekɔ̂s, zhiə ə ghàyn ewìyn, chɔŋtə̂ ghàyn, nə̂ kəpiə ə tsɛ̂ ndò ghàyn, fɨnə sôylə̀ ghàyn kə piə ghàyn nyi sepu.

2 Kolìŋ 11:26

Kwuŋ kə ndɛtê se njìə mi nâʼà shîŋə̀tè setsɨ̀ kə m ndùə kwîzè, mə fɨnə shwîtə̀ èkwu əghɨ chɔŋəghə gho. Mə shwìe kwuze əghɨ ghasghe ndaʼ ghə gho, ə shwìe əghɨghe əgho ghɛ ə̀ va əghɨ ə Njûsghè. Mə shwìe kwuze ə tendaʼ te ghaʼâtè, ə shwìe ətelùʼ tə ashəshəte. Mə shwìe kwuze ə enjwì ə fengwaŋ eghaʼâvè, ə shwìe əgho ə ghɨ̀ə kə kaŋa nə̂ nə ə pomə.

2 Kolìŋ 3:17

Zôyn, Pɛ̂pɛ nyi Sezuʼ, mə nâʼàpî ghayn ə Zuʼsə Fezhə̀sè nyi, ghɨghe fɨyn va èkɔ̂s.

Ngàleshyà 1:7

Se pì səmɔʼ, ‘tom èchùŋ zhîzè kɛse va,’ pîza m pîə zɨnə̀ kûmə̀ nə ghɨ yîghe nyiə nyi ə ghe mômsə̀ se sàʼtè atu kaynke se kwiynê ə tom ə̀ Klâys ə ghàyn ətəm.

Ngàleshyà 4:25

Angà vɛ ə è nyi kə pfɨ̀ynə̀ Sinày endaʼ ə Àlapyà, njìə èluʼə Njèlusalɛ̀m zɛ ə è nyì zôyn, zɛ ə è fɨaʼà kɔ̂skè yî ghə̀ ghɨə vəyn ghəkɨ̂m.

Ngàleshyà 4:3

E za nyi kepî èghɨ kə ghâsènì tè pa tsɨs ndɔ̀ʼɔ nyiəm tɔʼ kê ə̀ghɛ ghɛ ə ghe nyi səmɔʼ, fɨaʼà kə ekɔ̂s sê zuʼ sɛ ə se saʼa mbi.

Ngàleshyà 5:1

Klâys ə fɨse ghâsènì efɨ̀aʼ akɔ̀szè kə ghâsènì ə fɨyn va èkɔ̂s. Ghàyn fɛte tyə̂m kə ghɨ ghɛ ə ghe va ekɔ̂s, kə wùə tə tàʼa fɨnə ndzɨse ghàyn efɨ̀aʼ akɔ̀szè.

Ngàleshyà 5:10

M ke ndô səmɔʼ tɔynə̂ ə Pɛ̂pɛ nə, ghâsènì tsɨ̂ynte nyi sə eghɛ èmɔ̀ʼ, nə ghàyn chùmtə̀ va zaʼlê ə mɔ̀ʼɔ zhîze. Zhə̀fè nə̀ fo ètsôs sê wùə vɛ ə è fɨmsə̂ ghàyn, kɨ̀sə ə̀ nyì pîndè.

2 Timotì 3:6

Ghɨ mɔ̀ʼɔ nyi ə ghənə əfètəyn, kwîə njiə əghɨghe ə sendɛ, lesə̂ ə̀zəyn ghɛ ə ghe nyi mə nə̀yn tsɛ̂sè ghɛ piə sè kyi va təmghe se tɛ faŋ eghɛ, sè nyi mə ə̀ kwaʼtè tə ghənə̂tè chisə̂ kə pi.

Njə̂m 1:25

Pîza wùə vɛ ə è tɔ̀ʼɔ̀ zaʼlə lâŋ ə Fezhə̀ kɛ ə ke kyi va ləʼke mə ke njîə fɨsə̂ ə̀ghɨ ə ndɛ ə̀ chaʼ, è və kolə ə̀təm əfètə̂ təyn nə̂ èghɛ zɛ ə è zaʼle, lɛ̂sə̀ va, ə Zhə̀fè pɔse vəyn eghɛ zɛ ə è nə̀.

1 Pità 2:16

Ghàyn e ndamə èndam zaynze kə əghɨ ghɛ ə va ekɔ̂s sê wùə vîvè, pîza kə ghàyn nji zɨnə mə se ndə̀tè ə pi ə ghàyn ə tendam; ghàyn pɨl ndam kə ekɔ̂s sê Zhə̀fè.

2 Pità 2:19

Ghənə tsɨ̂nə̀ se ghɨ nə ghɨ̂yn nə ghənə fɨyn va èkɔ̂s, pîza nyi èkɔ̂s è ngɨŋ sə ghənə̂sè sê ghɛ ghɛ ə njà sewìyn sə ghənə̂sè kyiŋə. E nyi nyî kûmə̀ nə nâʼàpî àkè kɛ ə ke chisə wùə, è nyi akɔ̂s se fɨa nə kɛ mə.

1 Njɔyn 4:1

Ghɔ nyì ghɨm ghe kɔ̂ŋə̀, kə ghàyn ə pomə se nâʼàpî ndè vɛ ə è pìə nə zhi nyîə kyi sè Zuʼ, pîza ghàyn mom ghənə se fe nə zuʼ sɛ ə ghənə kyi ndo pə̂yn tê se Zhə̀fè ə. Kûmə̀ nə fɨ̀aʼtè sə akaŋse tsɨəse nyi ndô ə mbi.

Njût 1:4

Kûmə̀ nə ghɨ yîghe mə ghe ke va Zhə̀fè ə nyaʼtê nji ə ghâsènì ə fètəyn, ə̀ nyi ə̀ghɨ mə ghə fəʼtê tomə̀ àfùʼ ə Fezhə̀kè pîə nə fùʼ ətəynke nyîə pomə̂ nə ghɨghe ə ndamə tèndam tenyələte, Ŋwàʼlè ə̀ Fèzhə̀ se nyi mə è zə tə wàmnè nâʼà sə mɨ kûmə̀ ə̀ kyì ə ghɨ nə ghɨ̂nə̀ ə tsà nə Zhə̀fè tə saʼa pofsə̂ ghənə kûmə̀ nə ghənə ə tə pɛ̀ apɨəyn emɔ̀ʼ vɛ ə ghâsènì kyi ə̀ nyi Pɛ̂pɛ Njisə̀s Klâys.