Ngàleshyà 1:6 - Ŋwàʼlè ə̀ Fèzhə̀ Mkâyn Mə̂ Fèm

⁶ M nyi è kaynze nə ghànə kàynè fɨl tsɨ̀m sê wùə vɛ ə è tè tɔŋɔ ghàyn tɔynə̂ ə Klâys afùʼ, sè pomə̂ se tom ə̀ ndò.

Ngàleshyà 1:6 Iomraidhean Croise

Ŋwàʼlè ə̀ Mâk 6:6

Njisə̀s ə fe kə ghənə tè kyi va pomə̂zè nyi è kaynze. Njisə̀s ə ndò kwîə zaʼlə̂ ndûə ə̀ghɨ ə setə̀ʼ shise sɛ ə se paʼsə̂ fu.

Njɔyn 9:30

Wùə ətəyn ə pə̀ynsə̀ nə, “Ə̀ nyi eghɛ ekaynəze nə ghàyn ke va nə è ndò ghayn, pîza mə È və tsuʼ mi ə mìə afòf!

Ətefɨ̂aʼ 15:11

Ngaŋ! Ghâsènì tè pomə ə sɔza ghâsènì tɔynə̂ afùʼ ə Pɛ̂pɛ Njisə̀s kèpî kə tè sɔ̀zâ ghənə.”

Ŋwàʼlè ə̀ Pɔ̂l sê ghɨə Lûmghè 10:3

Ghənə ke va ndom vɛ ə Zhə̀fè njìə ghɨ sə ghɨə chichiə ətəyn. Ghənə pɨlə kyiŋə èndom sə nyi chichi ə Zhə̀fè əshi. Nyiəmə, ghənə njîə va ngɨŋ sə ghənə̂sè əchi se chùmtè endom vɛ ə Zhə̀fè nyi mə Fe ə fɛtê kə ghɨghe ə nyi chichi ətəyn ə Fəynfe əshi.

Ŋwàʼlè ə̀ Pɔ̂l sê ghɨə Lûmghè 5:2

Ə̀ chwi vəyn èndomve sê ghâsènì ətə epomə̂ zɛ ə ghâsènì kyi, ze nə̂ nə ghâsènì ə ke àfùʼ ə Fezhə̀kè. Nyiəmə ghâsènì saŋnə̂ nâʼà sə ŋaŋ kûmə̀ nə ghâsènì kyi ndô kwâʼtèzè nə ə tə kyîə èpomsê ə Fezhə̀zè.

Ŋwàʼlè ə̀ Pɔ̂l sê ghɨə Lûmghè 8:28

Ghâsènì kendô nə nâʼà pi èghɛ èkè zɛ ə ze kyâynə̀, Zhə̀fè nə̀ zəynze sə chùŋ ə̀ghɨ̀ ghɛ ə kɔ̂ŋə̀ Fəynfe. Ə ghənə ghɛ è nyi mə È və tɔŋɔ nə ə nəyn kə È kyiŋə.

Ŋwàʼlè ə̀ Pɔ̂l sê ghɨə Lûmghè 8:30

Nyiəmə, ghɨ ghɛ Zhə̀fè tè nyi mə fe ə kàynè chitê ndəm, È və tə tɔŋɔ ghənə nə ə nyi ə̀ghɨ ə vəynghe. Ghɛ ə È nyi mə È və tɔŋɔ, È pi nə ə̀ nyi ghɛ ə ghe nyi chichi ə zhi shi. È və fo pomsê ə vəynze sê ghɛ ə ghe nyi chichi ə və shi.

1 Kɔlìŋ 4:15

Ə nyì pî nə ghàyn kyi əghɨ ghe tsɨ̂ə nâʼà pi zàyn se chwìtè əghɛ kûmə̀ Klâys se ghàyn, ghàyn e ke tso nə ghàyn kyi ke pɨ̀a emɔ̀ʼ. Ə ghàyn endam kə əghɨ ə poməghe se Klâys Njisə̀s, m nyi pɨ̀a sê ghàyn tɔynə̂ ə tom èchùŋ zɛ ə m tè zaʼle ghàyn ətəyn.

2 Kolìŋ 11:4

M pîə zɨnə̀ kûmə̀ nə mə fe nə tyə̀ynsè sə akaŋse nə̀ pə̂ zaʼlə̂ ghàyn kûmə̀ Njisə̀s ə̀ ndò, ə̀ va chi vɛ ə ghàs tè zaʼle ghàyn kûmə̀ vəyn, ə ghàyn za ke ndò. Wùə nə̀ pə̂, ə ghàyn fi ke ndò zuʼse sê vəyn, ə̀ va chi Sèzuʼ se Ŋwaʼa sɛ ə ghàs tè fo sê ghàyn, ə fɨyn pomə̂ ke ndò tom zɛ ə è ndâʼà, ə̀ vachi tom è chùŋ zɛ ə ghàs tè ndàʼa sê ghàyn.

2 Kolìŋ 2:17

Ghàs va kə tsɨ̀tsɨ̂ ə̀ ghəmɔ̀ʼɔ ghɛ ə ghe nji ghɛ Fezhə̀ sə afɨa ezhɔynke, pəʼlə̂ sə ekɛ. Ə̀ tom Fèzhə̀ ghàs nə ə nə̂ èfɨ̂aʼ nə zɨ̂nə̀, ghàse ndàʼà kə nâʼà səmɔʼ ə Zhə̀fè əshi kə əghɨ efɨaʼa ə Klâysghè.

Ngàleshyà 1:11

Ghɔnyì ghɨmə, m kyiŋə nə ghàyn ə ke nə tom èchùŋ zɛ m ndaʼà pâʼà ndò sê wùə.

Ngàleshyà 1:15

Pîza, Zhə̀fè tɔynə̂ ə və afùʼ, ə chɔʼɔ mi tsɔ̀fə kə piə mi, ə tɔŋɔ mi sə wûə èfɨ̀aʼa ə̀ vəyn. Kə è chɔʼne

Ngàleshyà 1:7

Se pì səmɔʼ, ‘tom èchùŋ zhîzè kɛse va,’ pîza m pîə zɨnə̀ kûmə̀ nə ghɨ yîghe nyiə nyi ə ghe mômsə̀ se sàʼtè atu kaynke se kwiynê ə tom ə̀ Klâys ə ghàyn ətəm.

Ngàleshyà 2:14

Ə pə̀ kə m fe nə ghənə nə̂ ə̀ghɛ, ghe va chichi kə səmɔʼ zɛ ə tom èchùŋ zaʼlə, mə wàmnə̀ sê Pità kə ghɨghe əshi ə̀kɨ̂m ə pìə nə, “Ò kwì zayn sə̂ nyi wùə Njû, ndamə kə wùə vɛ ə vachi wùə ə Njûs ə. Ò kàʼa o kâynə̀ zàyn nə ghɨ ghɛ ə̀ vachi ə̀ghɨ ə Njûsə̀ nə ghənə ə ndamə kə ghɨə Njûsghə?”

Ngàleshyà 2:2

M tè kɔʼ fu kûmə̀ nə Zhə̀fè tè tyə̀yn paynsê sê mi nə m kyi se kɔʼ. Ə̀ tè nyi kə m nyi fu, mə nyaʼtə̂ wâmnə̀ kə epàm ghasè ghɨ ghɛ ə ghe tè nyi tuve, ə tsâ tom è chûŋ zɛ ə m tè tsâ sê ghɨ ghɛ ə ə̀ va əghɨ ə Njûsghè. M tè nə̂ zamə kə fɨ̂aʼ zɛ ə m nə̂ zôyn è zɛ ə m tè nə̂ tàʼa njìsè səndô.

Ngàleshyà 2:5

Ghàs tè pâʼà pomə̂ ghɛ ghənə nə zɛ nâʼà səkɔs kûmə̀ nə ghàs tè kyiŋə nə səmɔʼ zɛ ə è nyi ə tom èchùŋ faŋ sê ghàyn.

Ngàleshyà 2:7

Ghənə tè pɨl fe nə Zhə̀fè ə fo fɨaʼè se mi nə m ndaʼa tom èchùŋ sê ghɨ ghɛ ə tè va əghɨ ə Njûsə̀, kèpi eghɨ kə fe tè fo sê Pità nə è ndaʼa sê ghɨ Njûsə̀.

Ngàleshyà 5:14

Nâʼà elwɔ̀ŋ èkɨ̂m tsɨ̀yntə̀ pə̀ fɨə kə alàŋ amɔ̀ʼ nə, “Kɔ̀ŋ kɔ vɛve eghɨ kə ò kɔ̂ŋɔ̀ ngɨŋ zɛ̂zè.”

Ngàleshyà 5:4

Ghàyn ghɛ ə ghàyn kyiŋə sə̂ nyi chichi ə Zhə̀fè əshi tɔynə̂ endə̀m ə alàŋzè, ə ghà ke nə, ghànə chyâsè ngɨŋ saynse ghâynghə̀ Klâys. Ghàyn ə fɨ̀l tsɨ̀m sê fùʼ ə Fezhə̀kè.

2 Tèsàlonikà 2:14

Zhə̀fè tè tɔŋɔ ghàyn tɔynə̂ ə tom èchùŋ zɛ ə ghàs tè ndàʼa sê ghàyn kə ghàyn pəyn sə̂ pɔŋ kyi èpomsê zɛ ə Pɛ̂pɛ ə̀ ghâsènì Njisə̀s Klâys kyi.

1 Timotì 1:14

Pɛ̂pɛ ə ghâsènì tè nyîə kyi ə̀təm ə chûŋə̀ sê mi. È və tə nə̀yn kepî nə m pomə sê vəyn è kɨsè sə kɔ̂ŋə̀ ə̀ghɨ ə mɔ̀ʼɔghe kûmə̀ nə m tè nyì sə afɨa àmɔ̀ʼ ghasè Klâys Njisə̀s.

1 Timotì 1:3

M kyiŋə nə ò faŋ ə Ɛfesùs, kè kə m tè pì sê ghò kə m tè ndo ndûə endaʼa Màsèndonyàzè. Ghɨ ə mɔ̀ʼɔghe ə Ɛfesùs zaʼlə̂ èzaʼlê akaŋze, ò kyi se tyəmsə ghənə.

2 Timotì 1:9

Zhə̀fè tè sɔ̀zâ ghâsènì ə tɔŋə ghâsènì nə ə nyi ə̀ghɨ Vəynghe ŋwaʼaghe, ə̀ vachi kûmə̀ èghɛ zhîze kə ghâsènì nə̀yn, pîza e nyi ke kə È nyi mə È və ndə̀m ə vəyn afùʼ. È tè fo afùʼ nə kɨ̂yn tɔynə̂ ə Klâys Njisə̀s tsɔ̀fə kə mbi zhəte.

2 Timotì 2:1

Ə̀ ghô ə vayn vɨ̂mvè Timotì, ò tɛ tɔynə̂ afùʼ kɛ ə ghâsènì kyi sə afɨa àmɔ̀ʼ è Klâys Njisə̀s.

1 Pità 1:15

Ghàyn ke nə Zhə̀ fɛ ə fe tè chɔʼ ghàyn nə ghàyn ə nyi ə̀ghɨə Vəynghe nyîə zo. Ghàyn e pɔŋɔ zo ə ghàyn ə tendam,

2 Pità 1:3

Zhə̀fè ə fo nâʼàpî ghè vɛ ə ghâsènì kyi sə̂ kyi kə ghâsènì ə ndamə èndam e zo zɛ ə ze kwəynə. Fe fo efɨa nə vɨ̂yn tɔynə̂ atyaʼ kɛ ə è kyi kə Fezhə̀, è kɨsè kûmə̀ nə ghâsènì nyîə ke vəyn. È tè tɔŋə ghâsènì tɔynə̂ ə vəyn epomsê è chùŋ ə̀ vəyn.

Etyə̂yn ə paynsêzè 22:21

Ə Pɛ̂pɛ Njisə̀s tyən fùʼ ə vəynke sê ghɨə fe Zhə̀ghè. Ə zə nyi ke zamə.