Ngàleshyà 1:16 - Ŋwàʼlè ə̀ Fèzhə̀ Mkâyn Mə̂ Fèm

¹⁶ se tyə paynsə̂ Va vəyn sê mi, kə mə ndaʼà tom èchùŋ se ghɨ ghɛ ə̀ vachi ə̀ghɨ Njûsghè, m tè paʼà ndù nə wùə təfte mi.

Ngàleshyà 1:16 Iomraidhean Croise

Matyò 16:17

Njisə̀s ə pə̀ynsə̀ se vəyn nə, “Pɔsê nyì sê ghò ə Shimùyn va Njonà. Ə vachi wùə m̀sɔ̀ŋ kə è tsàyn zɨnə mə sê ghò, pîza ə nyi Pɨ̀a vɨm vɛ ə è nyi ekwùtwəyn kə è nə̀yn nə ò pi zamə.

Matyò 26:41

Ghàyn e kyaʼà, tsə̂mə̀ kə mɔ̂mè pəyn sê ghàyn. M ke nə ə̀ nyi ə ghàyn ekwâʼtè, ghàyn kɔ̀ŋɔ̀ ndò se nə̀yn kə m pî, pîza njà èwìyn e pɔylə̂.”

Ətefɨ̂aʼ 22:21

Pɛ̂pɛ ə pìə sê mi nə, ‹Nduə, kûmə̀ nə M nə̀ tomə ghò nâʼà sə aghaf sê ghɨ ghɛ ə̀ vachi ə̀ghɨ ə Njûsghè.›”

Ətefɨ̂aʼ 5:42

Tuʼ mè m̀kɨ̂m ghənə e ndûə ə ndɛ̂ ètsə̀mə, è kɨsè ə ghɨghe ə sendɛ zaʼlə̂ ə̀ghɨ fɨnə ndaʼà tom èchùŋ ə̀ Njisə̀s vɛ ə chɔʼ ndə̂m.

Ətefɨ̂aʼ 9:15

Pîza Pɛ̂pɛ ə pìə sê Ànàniyàs nə, “Nduə, kûmə̀ nə mə chɔʼ wùə nə vɨ̂yn nə è fɨ̂aʼ sê mi. È nə nə̂ ə ghɨ atumə è fɔ̂yntə ghənə̂tè, è ghɨə Isìlâyghè, ke Mi.

Ətefɨ̂aʼ 9:20

È və ndò ə chəmə ndùə kə ə sendɛ sə atsɨ̀yntese ə shɨŋ nə zɛ ə zhə̀tə̀ sè ndàʼà tom èchùŋ nə Njisə̀s nyi Vâ ə̀ Fèzhə̀.

Ŋwàʼlè ə̀ Pɔ̂l sê ghɨə Lûmghè 1:5

Ə̀ nyi ə Vəyn ezə kə Zhə̀fè nyi mə fə fo mi èfùʼkè ə ndə̀mə̀ mi nə mə nyi wùətom kə ghɨ ghɛ ə̀ va əghɨ ə Njûsghè pomə ə zɨ sê Klâys.

Ŋwàʼlè ə̀ Pɔ̂l sê ghɨə Lûmghè 11:13

Ghɛ zɛ m kyiŋə se pì zôyn nyì se ghàyn ghɨ ghɛ ə̀ vachi ə̀ghɨ ə Njûsghè. M nyi wùətom se ghɨ ghɛ ə̀ vachi ə̀ghɨ Njûsghè, nyiəmə ndə̂mə̀ àtu ə mì efɨaʼ nâʼà sə ŋaŋ.

1 Kɔlìŋ 15:50

Ghɛ zɛ m pîə ə ghɔnyì ghɨmə nyi nə, ə fɨa kɛ ə ke fîə ə kiva ghɛze se nə̀yn yî kɛ ə ke fîə va.

2 Kolìŋ 4:6

Zhə̀ fɛ ə Fe tè pi nə, “Payn tə panə əfètə̂ àlɨm.” Ə̀ nyì kepî Fezhə̀ Fə təynfe ə Fe nə̂ nə payn ə Vəynze ə panə ə ghâsènì ətəm, kə ze pəyn ghâsènì è tɔf ə epomsê ə Fezhə̀zè mə ze panə ə Klâys ekyàʼ.

2 Kolìŋ 5:16

Se zhə̀tè zôyn, ghàs nə fɨnə njìə va wùə endom vɛ ə ghɨ mbi njìə ətəyn. E nyi ke nâʼà səmɔʼ nə, ə tè nyi ə shɨŋ zhîzè, ghàs e njiə Klâys zamə, pîza se zhə̀tè zôyn, ghàs fɨnə njîə va vəyn za.

Ngàleshyà 2:1

Ə̀ tè nyi epàm ə sèpìŋ njòse kyàʼ, mə fɨnə kɔʼɔ ə Njèlusalɛ̀m ghâsè Pànapàs. Mə tə njì kepî Taytùs.

Ɛfesùs 3:1

Ə̀ nyi ke kûmə̀ ètsɨ̂yntè ə ghâsènì nə zɨ̂nə̀ ə m tsə̂mə̀ sê Zhə̀fè kûmə̀ ghàyn. M nyi wùə ə ndɛ̂ chaʼ kûmə̀ èfɨ̀aʼ zɛ ə Klâys Njisə̀s fo sê mi nə mə ndàʼà tom èchùŋ sê ghàyn ghɨ etumə.

Ɛfesùs 6:12

Ghàyn nəyn nyi kûmə̀ nə ghâsènì nô va ghɨghe. Ghâsènì pɨlə nô sèzu se pi sɛ ə se tàyntə̀ tsɛ̂ ekwùtwəyn è twɔʼ vɛ ə ve saʼa mbi zɨ̀yn nâʼà èkɨ̂m è zhə̀ mə mbimè.

1 Tèsàlonikà 2:16

Endom nə vɨ̂yn ghənə tè mɔ̀msə se tàsè nə kə ghàs wamne sê ghɨ ghɛ ə tè vachi ə̀ghɨ ə Njûsghè kə Zhə̀fè sɔza ghənə. Kûmə̀ zɨnə mə, ghənə ə nə̀yn ke pise nyiə se sɛ se kɔʼ kwəyn. Zhə̀fè nyîə nyɔʼsə̀ ètɔŋ sê ghənə zôyn, shîŋə̀kè kɛ ke kwəyn se fo etsôs sê ghənə!

1 Timotì 2:7

Ə̀ za nyi eghɛ zɛ ə tè tom mi kə wùətom è wùə èzaʼlə ə̀ghɨ ghɛ ə tè va əghɨ Njûsghè, nə m zaʼle tom èkyî epomə̂ zɛ ə e nyi səmɔʼ sê ghɨ ghɛ ə̀ vachi ə̀ghɨ ə Njûsghè. M wamə chîəva kaŋke, m lotə̂ pîə kə nâʼà èghɛ səmɔʼ!

2 Timotì 1:11

Zhə̀fè ə chɔʼ mi nə mə nyi wùətom, è wùə èzaʼlə, nə m ndaʼa tom èchùŋ.

Ipilù 2:14

Ghɔyn nə ghɨyn ə è tè pìə, nyi ke nâʼà ə̀ghɨ, kyi sènjyàse wìynse è ndə̂mə̀m. Ə̀ za nyi eghɛ zɛ ə ze tè nəyn, Njisə̀s è ngɨŋə̂ vəyn e sè nyi kepî wùə kə ghənə kə è kwu ə è pofse vəyn vɛ ə è nə̂ nə ghɨ ghə kwuə, mə za nyi ndə̂plè.