Tom èchùŋ kè kə Lûk tè nyaʼ 1:3 - Ŋwàʼlè ə̀ Fèzhə̀ Mkâyn Mə̂ Fèm

³ Mə fe nə ze tsɔ̀fə̀ ndò ə Pɛ̂ àpɨəyn èghaʼâ, kə mî mi pɔŋ nyaʼ tsayn ə̀ghɛ tə kə mbaŋə mbaŋə sê ghò kûmə̀ nə mə fɨ̀əytè kɔʼɔ ndu ghəynghe kè kə ghe tè zhə̀te se kyànə̂ kɔʼɔ pə̂.

Tom èchùŋ kè kə Lûk tè nyaʼ 1:3 Iomraidhean Croise

Tom èchùŋ kè kə Lûk tè nyaʼ 1:1

Pɛ̀ apɨəyn Tyofilùs: Tsɨ̀tsɨ̂ se nyi mə ghənə mɔ̀msè sè nyàʼə tsàyn əghɛ ghɛ kə ghe tè kyànə kɔʼɔ ndùə ə ghàs əfètəyn.

Ətefɨ̂aʼ 1:1

Pɛ̀ apɨəyn Tyofilùs: Ə̀ tè nyi ə ŋwàʼlè zɨm ə zə shi sê ghò, mə nyàʼà ə̀ghɛ ə̀kɨ̂m ghɛ Njisə̀s tè nə̂, è ghɛ ə È tè zaʼlə̂ ghɨghə təyn. È tè nəyn əghɛ ghɨ̀yn se zhə̀tè ashìŋə̀ kɛ ə È tè zhə̀te fɨaʼa Vəynke

Ətefɨ̂aʼ 11:4

Pità ə tsà nâʼà ə̀ghɛ ə̀kɨ̂m ghɛ ə ghe tè kyâyn kè ə zhə̀te. È və tsà se ghənə nə.

Ətefɨ̂aʼ 15:19

Njə̂m ə ndùə eshike se pì nə, “M kwàʼtə̀ nə ghâsènì kyi va sə̂ fo ètsôs se ghɨ ghɛ ə̀ vachi ə̀ghɨ ə Njûsghè mə ghənə pomə sê Zhə̀fè.

Ətefɨ̂aʼ 15:25

Zɨnə mə ə nə̀yn ghàs ghɛ ə kwəyne kaʼke amɔ̀ʼ ə pomə̂ se chɔʼ əghɨə yîghe se tom se ghàyn. Ghənə nə̀ ndûə yighə̀ soyn sas sɛ ə ghàs kɔ̀ŋə̀ nâʼà sə ŋaŋ mə ə̀ nyi Pànapàs yî Pɔ̂l.

Ətefɨ̂aʼ 15:28

Zuʼ se ŋwaʼase ə nə̀yn nə ghàs pomə se tàʼa fo ngəʼ sê ghàyn è ghɛ ə mɔ̀ʼɔghe ə̀ tsɛ kə va ghɛ ghɛ ə ghe tsɔ̂fə̀.

Ətefɨ̂aʼ 18:23

Ə pə̀ kə è tsɛ̀sè shîŋə̀ kyîke fumə, è və ndò ə tsɛ̀ tɔynə̂ apàs endaʼ ə Ngàleshyàkè è Filinjyà, tsâmtə̀ se nə̀yn nə ghɨ epoməghe ə tɔ̂ʼɔ̀ tɛ ə ghənə epomə̂.

Ətefɨ̂aʼ 23:26

Ə̀ nyâʼ mi Klondiyùs Lìsiyàs è ŋwàʼlè zɨ̀nə sê ghò tu apàs endaʼke Felès. M tomə ètɔŋtê sê ghò.

Ətefɨ̂aʼ 24:3

Nâʼà pi ghayn, è nâʼà pi endom èkwə̀ ə pɛ̀ àpɨəyn Felès, ghàs lotə̂ saŋnə̂ ndò se ghò.

Ətefɨ̂aʼ 26:25

Pɔ̂l ə pə̀ynsə̀ sê vəyn nə, “Fɔ̀yn tu kɨma pâʼà fɨ səʼ ə, m wàmnə̀ ə̀ghɛ ghe nyi səmɔʼ.

1 Kɔlìŋ 16:12

Sê ànyìə ghâsènì Àpolòs, mə chatê vəyn nâʼà sə ŋaŋ kə teshìŋə̀ teshìŋə̀ nə, yî ghɔnyiə mɔʼɔ pəyn môtè ghàyn pîza è nyîəmə̀ kɔ̂ŋɔ̀ va se pə̀yn zôyn. Pi zɨ̂yn ə è tə kyiə zhəmke, ə è pəyn.

1 Kɔlìŋ 7:40

Ə nyì ə mi ekwaʼtè, ə wùzhɔyn ətəyn kaʼa è və saŋnə̂ tsɛ̂ ashìŋə̀ kɛ è faŋ ke za. M kwàʼtə̀ nə Zuʼsə Fezhə̀sè chisə̂ kəpî ndò mi.

1 Timotì 4:6

Ə ò zaʼlə ghɨə poməghe è ghɛ nə ghɨnə ə m pîə nyî, ə ò nyi ke nâʼà wùə è fɨ̀aʼa èchùŋ sê Klâys Njisə̀s, ə Zhə̀fè nə fe pɔŋ zaʼlê ghò tɔynə̂ ekyî epomə̂zè, è zaʼlê echûŋ zɛ ə ò nyi mə o ndə̀m zəynze.