Filemùyn 1:24 - Ŋwàʼlè ə̀ Fèzhə̀ Mkâyn Mə̂ Fèm

²⁴ Ghɨ ghɨnə tomə kəpi ètɔŋtê sê ghò. Ə̀ nyi Mâk è Àlistakùs è Ndemàs è Lûk. Ə̀ nyi əghɨ ghɛ ə m fɨaʼà ghasè ghənə sə̂ ndaʼà tom èchùŋ.

Filemùyn 1:24 Iomraidhean Croise

Ətefɨ̂aʼ 12:12

Kə Pità tè ke ghɛ zɛ ə ze nyi mə zə kyàyn se vəyn, è və ndò ndûə ə Mèli ə ndɛ, ə̀ nyi nyìə Njɔyn Mâk. Ghɨə tsɨəghe tè nyi mə ə zùŋtè fumə tsə̂mə̀.

Ətefɨ̂aʼ 12:25

Pànapàs yî Sɔ̂l ə mɨ̀sə̀ èfɨ̂aʼ ə ghənə̂zè ə Njèlusalɛ̀m, ə kɛsə pə̀ ə Antyòk yî ghə̀ Njɔ̀yn Mâk.

Ətefɨ̂aʼ 13:13

Pɔ̂l yî soyn sə vəyn sɛ ə yî ghə̀ ghənə tè kwìə, ə njiə ə ngwùʼ ə Pafòs ə ndùə tânə̀ ə endaʼ ə Pengàzè, apàs endaʼ ə Pàmfilyàkè. Njɔ̀yn Mâk ə za ghənə fu ə kɛse ndûə ə Njèlusalɛ̀m.

Ətefɨ̂aʼ 19:29

Pɨaytê nə zɨ̂nə̀ ə waŋa kə tə̀ʼ ekɨ̂m. Nɔ̂yn ətəynke ə shɨŋə kyîə Ngayùs yî Àlistakùs, ə̀ nyi ə̀ghɨ Màsèndonyà ghə pɛ̀ ghɛ ə tè kwìə tsɛ̂ yî ghə̀ Pɔ̂l, ə ndùə è ghənə sê tsɨynte ə tə̀ʼke.

Ətefɨ̂aʼ 27:2

Ghàs ə ndùə ə njiə ə ngwùʼ èghaʼâ kwəynə endaʼ ə Andɨ̀làmityumzè. Ngwùʼ èghaʼâ kwəynə nə zɨ̂yn tè kàyne nyi èpɨaʼtêzè se ndo ndù etipì ə sòlə̀ wàta apàs endaʼ ə Esiyàkè. Ghàs tè piə ə ndô, ə njìə Àlistakùs. Àlistakùs tè nyi wùə àpàs èndaʼ ə Màsèndonyàkè, mə è ndò pə̂yn endaʼ ə Tèsàlonikàzè.

2 Kolìŋ 8:23

Sê Taytùs, ə̀ nyi wùə vɛ ə ghasè vəyn fɨaʼà əmɔʼ se tsàmtè ə ghàyn. Sê ghɔnyì əmɔ̀ʼɔ ghɛ ə ndûə yighə̀ vəyn, ghənə nyi ə ghɨ ghɛ ə chɔʼte ə sendɛ sə Fezhə̀sè. Ghənə nyîə pə̂ èpomsêzè sê Klâys.

Filìpây 2:25

Mə fe nə e tsɔ̂fə̀ kəpi nə m kɛse tiynsê ànyìə ghâsènì Èpàfàlonditùs sê ghàyn. Ghâsè vəyn fɨ̂aʼà əmɔʼ, fɨnə nô kəpî ə̀ghɨ ghɛ ə ghe tâsə̀ nə kə tom èchùŋ zham. Ə̀ nyi ndùətom vâynvè kə ghàyn tè tiynse nə è pəyn tsâmtè mi e fɨ̂aʼ nə zɨ̂yn.

Filìpây 4:3

M wamnə̀ kəpî sè ghò soyn vɨm vɛ ə ghasè vəyn fɨaʼà əmɔʼ, m kyiŋə nə ò tsamte zəyn ghɨ̀nə ə ghənə ə nyi sə eghɛ èmɔ̀ʼ mə ə zɔ̂ va. Zəyn nə ghɨnə mə əpɛ̀, è Klimə̀yn, è ghɨ fɨ̀aʼa ə mɔ̀ʼɔghe tè nyi ə mì etipì. Ghasè ghənə ə fɨ̂aʼ nâʼà sə atyaʼ se ndàʼa ə tom èchùŋ. Zə ə ghənə̂ghè əkɨ̂m nyi ə ŋwàʼlè èndam.

Kòlosè 4:10

Àlistakùs vɛ ə ghasè vəyn nyi ə ndɛ̂ chaʼ pi nə m tɔŋte sê ghàyn, Mâk ə ànyìə Pànapàs pîə kəpi za. Ghàyn se nyi mə ghàyn ə zɨ nə ghàyn fi ndzɨsê Mâk nâʼà àchûŋ ezhoghɛ ə è pə̀yn se fe ghàyn.

Kòlosè 4:14

Lûk, mə za nyi wùə èfù vɛ ə ghàs kɔ̀ŋɔ̀ nâʼà àchûŋ za yî Ndemàs tomə ètɔŋtê ə ghənə̂zè sê ghàyn.

1 Pità 5:13

Ndɛ ə̀ Fèzhə̀ zɛ ə è nyi ə Papilɔ̀yn, mə za nyi kə ànyì vâyn ve zəyn vɛ ə Zhə̀fè tè chɔʼ kepî kə è chɔʼ ghàyn, tomə ètɔŋtê sê ghàyn. Mâk, mə za nyi vayn vɨ̂m ve èpomə, tomə kəpî ètɔŋtê sê ghàyn.

3 Njɔyn 1:8

E za tyə̀nə̀ nə ghâsènì ghɨ ə pomə kyi sə̂ tsâmtə̀ tèkì tə ghɨ nə tɨnə nâʼà àchûŋ kə ghâsènì ghə̀ ghənə ə fɨaʼà se ndaʼà tom zɛ ə è nyì səmɔʼ.