Filemùyn 1:22 - Ŋwàʼlè ə̀ Fèzhə̀ Mkâyn Mə̂ Fèm

²² Se kwəynse, m chyatə̂ nə ò fɛte luʼ e ndaməve ə ghò ndɛ sê mi kûmə̀ nə m kwaʼtə̀ lɨmtə̂ ndò nə, Zhə̀fè nə̀ zɨə ètsə̂m zayn əkɨ̂m ə è nə̀yn ə fɨse mi əchaʼ kə m fɨyn pə̀yn fe ghàyn.

Filemùyn 1:22 Iomraidhean Croise

Ətefɨ̂aʼ 27:24

Tsɨ̀ ə̀təyn ə pìə sê mi nə, ‘Pɔ̂l, kə ò fayn. Ò kyi se tyə̂m ə Kaysà əshi. Fe ə ndə̀m kèpi nə nâʼà wùə nə̀ kwu va əfètəyn ə̀ghɨ ghɨ̀yn ə ghâynghə̀ ghənə kwîə əmɔʼ nyi, kûmə̀ ətəm əchûŋ ghɛ ə fe kyi sê ghò.’

Ətefɨ̂aʼ 28:23

Ghənə ə ndə̀mə̀ etuʼ se pə zɨtê se Pɔ̂l. Tuʼ ətəynve ə kwəynə, ghənə ə fɨə nâʼà setsɨ̀ ə pə̀ elùʼ vɛ ə Pɔ̂l tè ndamə ətəyn. È və pɨsə̂ zhə̀tə̀ se wàmnə̀ sê ghənə, ə nə̀ wàmnə̀ kə nyi ə ndùə tânə̀ ashìŋə̀ ezhwikwɨləke, ə fɛtə̂ tsâ paynsə̂ èghɛ zɛ ə è tè kyi se tsàyn sê ghənə kûmə̀ èfɔyn ə Fezhə̀vè. È və mɔ̀msə̀ se nə̀yn nə ghənə ke Njisə̀s. È və fɨnə pîə ə̀ghɛ ghɛ ə ghe fɨ ə ŋwàʼlè Àlâŋ zɛ ə Mosîs tè pə̀yn è zə̂yn è kɨ̂sè ə ŋwàʼlè ə̀ sèfɨ̀aʼtè kə ghənə pomə nə Njisə̀s nyi Klâys.

Ŋwàʼlè ə̀ Pɔ̂l sê ghɨə Lûmghè 15:24

M kwaʼtə̀ se nə̂ zɛ mə zôyn. M nə̀ nə̂ m mə kɔ̂ŋə̀ se fe ghàyn ezhoghɛ ə m ndûə endaʼ ə Sɨ̀pênzè, ə ghàyn tsamte mi kə m ndu fu. Pîza m tə môtə̀ ghâsènì sə fendîŋə̀ fə ashìŋə̀fè kə ghâsènì zɨne təm ə ghasènìghe.

2 Kolìŋ 1:11

kə ghàyn tè tsàmte ghàs tɔynə̂ ə ghàyn etsə̀m se ghàs. E za nyi nə tsə̂m te tsɨə tɛ ə ghàyn tsə̀mə̀ se ghàs tə pə̂ ə tə nyi mə Zhə̀fè ə zɨ ə pə̀ynsə̀, ə Zhə̀fè pɔse ghàs, ə tsɨ̀tsɨ̂ kɔʼse kyə̀ sə ghənə̂sè se fo àzɔ̀ŋnè sê Zhə̀fè sê ghâsènì.

Filìpây 1:19

M saŋnə̂ kûmə̀ nə m ke ndô nə tsə̂m zaynze, è Zuʼsə Njisə̀s Klaysè nə̀ nə̂ mi nə m kyi sɔzaze.

Filìpây 2:24

M samsə̂ se Pɛ̂pɛ nə mi è ngɨŋ zɨ̂mè nə̀ kwuʼtə̀ pə̂ fe ndò ghàyn.

Ipilù 13:19

M chyatə̂ è təm ghɨm ghəkɨ̂m nə ghàyn ə tsə̂mə̀ sê mi kə Zhə̀fè nəyn kə m kɛse zàŋsè pəyn fe ghàyn.

Ipilù 13:23

Ghàyn e ke nə ə fɨse ànyìə ghâsènì Timotì ə ndɛ̂ chaʼ. Ə è zàŋsè pə̂yn, ə ghasè vəyn pəyn əmɔʼ se fe ghàyn.

Njə̂m 5:16

Nyiəmə, ghàyn e tsâ sèpi saynse sê ngɨŋ saynse, tsə̂mə̀ sê ngɨŋ saynse kə Zhə̀fè ə tsuʼə ghàyn. Tsə̂m ə wûə ə̀ chichize nyîə kyi kàyntè àtyaʼ, nə̂ ghɛ ə kayntəghe e kyânə̀.

2 Njɔyn 1:12

M kyi əghɛ se pì sê ghàyn, ghe tsɨ̂ə kə nyî, pîza kɔ̂ŋɔ̀ va se nyàʼ ndò. M pɨlə kwâʼtə̀ se pə fe ghàyn shwi m̀shwi kə saŋnê ə ghasènìze ə nyi mə zə kɔʼ kwəyn.

3 Njɔyn 1:14

M kwàʼtə̀ se pə fe ghô kè fa mtuʼlə̂. M pə̂, kə ghasè ghò fe shwi m̀shwi, ə kâte kɔʼ ndu ə̀ghɛ ətəynghe.