Ɛfesùs 2:3 - Ŋwàʼlè ə̀ Fèzhə̀ Mkâyn Mə̂ Fèm

³ Ghâsènì əkɨ̂m tè ndamə kə kə ghɨ ə pi nə ghɨ̂yn sə shi, nə̂ kə əghɛ pi ghɛ ə njà sewìynse ə ghasènìse kɔ̂ŋɔ̀, ə̀ fɔmə pî ghè, e nə̂ kə ndò. Ndamə senjà se wìyn nə sɨ̂yn tè tyə̀nə nə ghâsènì nyîə kwəynə̂ kə se tə kyî etsôs eghaʼâvè sê Zhə̀fè kə ghɨ mɔ̀ʼɔ.

Ɛfesùs 2:3 Iomraidhean Croise

Ŋwàʼlè ə̀ Mâk 4:19

pîza fɨmsê ə mbize è kɔ̂ŋ zɛ ə ghənə kyi sê ghaʼtə mbite, è ghɛ mbi ə mɔ̀ʼɔ ə pə̀ ghâŋtə̀ ə̀təm ə ghənə̂ghè, zə tàʼa mu etwɔm ə ghənə endam.

Njɔyn 1:13

Ghənə tè pâʼà pə̀yn chi ghɔ Fezhə̀ endom vɛ ə wùə èwàmnə piə vayn ətəyn, kə ə̀ nyi ə̀ghɔ pɨ̀a wùə m̀sɔ̀ŋə; Zhə̀fè è ngɨŋə̂ Vəyn tè nyi pɨ̀a ə̀ ghənə̂.

Njɔyn 8:44

Ghàyn nyi əghɔ pɨ̀a vâynvè, ndə̂plè, kɔ̂ŋɔ̀ kə sə chûmtə̀ tè kwaʼtè tə vəynte. È tè zhwiə əghɨ kè ə zhə̀te, wàmnə̀ va ghɛze səmɔʼ kûmə̀ nə è kyi va səmɔʼ. Shîŋə̀ kɛ ə è wamə kaŋke, è lotə̂ wamnə̀ kə èwâmnè ə vəynze, kûmə̀ nə è nyi wùə àkaŋ, nyi pɨ̀a sê kwaŋve.

Ətefɨ̂aʼ 14:16

Ə tè nyì sə shi, Zhə̀fè ə zà ə̀ghɨ ə̀kɨ̂m nə ghənə ə nə̂ nâʼàpî èghɛ èkè zɛ ə ghənə kɔ̂ŋɔ̀.

Ŋwàʼlè ə̀ Pɔ̂l sê ghɨə Lûmghè 1:24

Zhə̀fè ə zàmaʼà nə ghənə ə nə̂ ə̀ghɛ enyələ ghɛ ə wiyn mə ghənə̂m kyiŋə, mə ghe pə̂ ghənə è ghomə̂zè.

Ŋwàʼlè ə̀ Pɔ̂l sê ghɨə Lûmghè 11:30

Sê ghàyn ghɨ ghɛ ə̀ vachi ə̀ghɨ ə Njûsghè, ghàyn tè zɨə tsɛ̂ va Zhə̀fè, pîza zôyn e nyi mə Fə kose səyn sê ghàyn kûmə̀ nə ghɨ Njûsə̀ ə tè tə se zɨ sê Vəyn.

Ŋwàʼlè ə̀ Pɔ̂l sê ghɨə Lûmghè 13:14

Pîza ghàyn e pɨl kyi ètsɨsə̂ ə Pɛ̂pɛ Njisə̀s Klâyszè. Kə ghàyn ndəm tuke əghɛ ghɛ ə njà ewìyn kyiŋə, kə ghàyn tə nəyn kə wiyn vɛ ə ve chiyntə ghàyn nə ghàyn nəyn pi kyiŋə.

Ŋwàʼlè ə̀ Pɔ̂l sê ghɨə Lûmghè 2:14

Ghɨ ghɛ ə va əghɨ Njûsghè kiva lâŋkè, pîza nâʼà ashìŋə̀ àkè kɛ ə ghənə nə̂ ghɛ zɛ ə lâŋkè pìə tɔynə̂ ə ghənə ekwâʼtè, zɨnə mə e tyə̂ nə pî kə ghənə keva lâŋkè, ə ghənə əfètə̂ ə̀təm, ghənə nyîə ke sənɨŋ eghɛ echûŋzè è kɨsè èghɛ epize.

Ŋwàʼlè ə̀ Pɔ̂l sê ghɨə Lûmghè 5:10

Pi kə ghâsènì tè nyi se pàyn sə Fezhə̀sè, È və pa nə̂ kə ndò nə ghâsènì ə nyi choze emɔ̀ʼ è vəyn, kûmə̀ èkwu ə Vâ vəynze. Kə ghâsènì se nyi choze mɔ̀ʼ ghasènyìə ghə̀ Zhə̀fè, kə Vâ Vəyn nyi etwɔ, ə̀ tə nə ə nyi ə mɨ̀se ə È sɔza ghâsènì.

Ŋwàʼlè ə̀ Pɔ̂l sê ghɨə Lûmghè 5:9

Ghâsènì nyi achûŋ ghasènìə ghə̀ Zhə̀fè kûmə̀ m̀ndəm mə Njisə̀s mɛ ə m̀ tè sɨ̀sə ə ghâsènì elùʼ. Ə ndəm mɛ ə m̀ tè sɨ̀sə ə ghâsènì elùʼ ndəm ghâsènì achûŋ ə Zhə̀fè əshi, piə zɨnə mə chwîtə̀ sê ghâsènì nə Klâys tə sɔzâ ndò ghâsènì ə Zhə̀fè enyɔ̀ʼsè etɔŋve ə È tsɨ tsɛ piə?

Ŋwàʼlè ə̀ Pɔ̂l sê ghɨə Lûmghè 6:12

Kə ghàyn fɨyn za nə pi ə kyi àtyaʼ ə ghàyn etûə èwìyn achaʼ mchike. Zɛ mə nə̀ nə̂ ə ghàyn ə fɨyn va chùmtè əghɛ ghɛ njà ewìynse kyiŋə.

Ŋwàʼlè ə̀ Pɔ̂l sê ghɨə Lûmghè 7:18

M kendô nə ghɛ echûŋ zhîze va ə mì əfètə̂ təm, zɛ mə tyə̂nə̀ nə ə mì əfètə̂ ewìyn ə wûə m̀sɔ̀ŋve. Pi kə təm ghɨmghe chiyntə mi nə m nəyn chùŋ, e tɛ ghaʼa ndò mi se nə̀yn.

Ŋwàʼlè ə̀ Pɔ̂l sê ghɨə Lûmghè 9:22

E nyi kepî eghɨ səmɔʼ kə Zhə̀fè nə̀yn. Fe tè kɔ̀ŋ se tyə̀yn nə Fe nyɔʼsə̀ etɔŋ ə fɨnə kɔ̂ŋɔ̀ se nə̀yn nə ghɨ fe tyaʼa Vəynke. Ə̀ za nyi eghɛ zɛ ə Fe tè ngəse kol ə̀təm è ghɨ vəyn ghɛ ə ghe tè nəyn nə è və nyɔʼsə̀ ètɔŋ. Ghɨ nə ghɨnə mə tè kyi ndô sə kyi èpɔynsê.

1 Kɔlìŋ 4:7

Ə̀ pi nde sê ghò nə ò tsɛ̀ ndò ghɨ mɔ̀ʼɔ ghə? Ò kyi nâʼà ghè mə ə paʼà fo Zhə̀fè se ghò ə? Ò nyiə kàʼa o kyi àfɨa mə ə fo ndô, ghaŋsə̂ èwiyn ətəyn kəpiə ə pâʼà fo ndô kûmə̀ ghè?

2 Kolìŋ 7:1

Zôyn kə Zhə̀fè tsɨ̂nè ghɛ nə ghɨ̂yn sê ghâsènì ə soyn sɨm sechûŋsè, e tsɔ̂fə̀ nə ghâsènì mɔmse se kɛse epàm əghɛ ghɛ ə ghe pə̂ è lɨŋze ə senjyà se ewìynse, fɨnə pə̀ è lɨŋze ə sezuʼ. Ghâsènì nyì sə̂ lotê nyi èŋwaʼze mə za nyi endom sə̂ ngɨmnə̂ Fèzhə̀.

Ngàleshyà 3:22

Pîza Ŋwàʼlè ə Fèzhə̀ pìə nə nâʼà èkwaʼtè ə ghɨ̀zè əkɨ̂m fa ə mbi nyi ke se nə̂ pi. E kyayn nyiə kə Zhə̀fè fo fɨa kɛ ə fe tè tsɨ̂nè sê ghɨ pomə, tɔynə̂ ekyî epomə̂ zɛ ə ghənə tè kyi.

Ɛfesùs 2:2

Ghàyn tè ndamə kə ə sepi nə sɨ̂yn kə ghàyn tè pa chûmtə̀ ə̀ghɛ ə mbiə, zɨə sê fɔ̀yn vɛ ə è saʼa zuʼse pi sɛ ə se tàyntə̀ tsɛ̂ ekwùtwəyn, ə nyi sèzuʼ sɛ ə se chisə ghɨ ghɛ ə ghe zɨə va sê Zhə̀fè.

Ɛfesùs 4:22

Ə tè zaʼle nə ghàyn maʼa ndam emɨ zaynze kûmə̀ nə kwâʼtè tepite taynte tè nyîə pofsə̂ ghàyn.

Kòlosè 1:21

Shîŋə̀kè tè nyì ndô kɛ ə ghàyn tè nyì ndu sə aghaf sê Zhə̀fè, nyi sèpàyn sə Vəynse kûmə̀ əghɛ əpi ghɛ ə ghàyn tè nə̂, è ndom vɛ ə ghàyn tè kwàʼtə ətəyn.

1 Tèsàlonikà 4:13

Ghɔnyiə, ghàs kyiŋə nə ghàyn ə ke èghɛ zɛ ə ze nyi səmɔʼ kûmə̀ ə̀ghɨ ə kwuə. Ghàs kyiŋə nə ghàyn ə ke èghɛ nə zɨ̂yn kə ghàyn ə chîə va kə ghɨə mɔʼɔ ghɛ ə ghe kwaʼtə̀ lɨmtə va se tə zòmə̀.

1 Tèsàlonikà 5:6

Kə ghɛ ətəyn se nyi nyî, ghâsènì kyi va sə̂ tsɨ̂ynə̀ pɨənə̂ kə kə ghɨ mɔʼɔ, ghâsènì kyi sə̂ pɨl tsɨs pfɨ̂tə̀, fɨnə kyîə sèngɨŋ sə ghasènìse.

1 Timotì 6:9

Pîza ghɨ ghɛ ə ghe kɔ̂ŋɔ̀ sə̂ nyi ə̀ghɨ kɛghe pfɨ̂ə njiə ndò əfètə̂ èmɔ̀m, ə ko ghənə əfètə̂ àtam əghɛ ngô tsɨəghe, è kɨsè əfètə̂ àtam əghɛ ə tsɨə ghɛ ə ghe kaʼa ə ghe ndəmse ghənə, nyiəmə ə ghənə zɨ tsôsvè nâʼà sə ŋaŋ.

Taytùs 3:3

Ə̀ tè nyì sə shi, ghâsènì tè nyîə ngô kəpi, tɛ ètuve, nə̂ pofsə̂ kəpi ə̀ghɛ. Ə tə chwìtè pofsê ghâsènì, ze ə nə̀ ghâsènì e nyi èkɔ̂s se ghɛ ə tsɨə ghɛ ə ghâsènì tè kyiŋə, è kyì əghɛghe əkɨ̂m ghɛ ə wiyn ə ghasènìve tè tyə̀nə nə ve nyîə tsɔ̂fə̀. Ndam ə ghasènìze tè nyîə kyi pi setsɨ̀, ghâsènì e kyiŋə sə̂ kyi èfɨa vɛ ə ghɨə mɔ̀ʼɔghe kyi, fɨnə pânə̀ sèngɨŋ sə ghasènìse.

1 Pità 1:14

Ghàyn e zɨə Fèzhə̀. Kə ghàyn fɨyn nəyn əghɛ ghɛ ə njà sewìynse tè kyiŋə nə ghàyn ə nə̂ kə ghàyn tè nyìəm ke va Zhə̀fè.

2 Pità 2:14

Ghənə kyiŋə kə fèzhəmə̂ nə fe payn ə ghənə nyiŋə è zhwi ə̀ wùə, chɨ̀ŋ ə̀ ghənə̂ se nə̀yn ə pi pɔ tsɛ̂ va. Ghənə lə̂ŋtə̀, ghɨ ghɛ ə pɔ ə ghənə epomə̂ ə pfɨ̂ə njiə atam. Wùə vîvè vayn kàʼa è tsɛ ghənə è shiə fɨəghe. Ndi ə̀ Fèzhə̀ nyi ə ghənə ə tu!

2 Pità 2:18

Ghənə nyîə ghaŋsə wàmnə̀ èwâmnè ze kyi va tɔfze, ghənə njîə ə̀ghɛ ə nyələ ghɛ ə njà sewìynse kyiŋə lesə̂ ə̀ghɨ ghɛ ə ghe pa tə fɨə pə̂ əfètəyn ə̀ghɨ ghɛ ə ghənə ndamə kə sə̂ nə̂ ə̀ghɛ ə pighe.

1 Njɔyn 2:16

kûmə̀ nə nâʼàpî akè kɛ ke nyi afɨa ə mbike nyi afɨa kɛ ə wiynə ghasènìve kɔ̂ŋə̀, ə̀ nyi ə̀ghɛ ghɛ ə shiə kɔ̂ŋɔ̀ se fe, è ghɛ ghəkɨ̂m ə mbi ghɛ ə ghe nə̂ nə ghɨghe ə ghaŋsə̂ èwiyn. Ə̀ ghɨnə mə vachi ə̀ghɛ ghɛ ə ghe ndô pə̂ sê pɨ̀a, pîza mə ghe pɨl ndô pə̂yn ə mbi.

1 Njɔyn 2:8

Pîza lâŋ nə kɨ̂yn ə m nyâʼà sê ghàyn ndam nyi ke àfe, mə səmɔʼ zɛ ə è nyì famə ətə̂ àlâŋ nyi mə fe tɔynə̂ Klâys endam, è kɨsè ətə̂ zaynze. Zɨnə mə nyi kûmə̀ nə lɨmke ə ndò ndu, payn ə səmɔʼ zɛ ze kâynè zhə̂tè se payn.