Ɛfesùs 2:2 - Ŋwàʼlè ə̀ Fèzhə̀ Mkâyn Mə̂ Fèm

² Ghàyn tè ndamə kə ə sepi nə sɨ̂yn kə ghàyn tè pa chûmtə̀ ə̀ghɛ ə mbiə, zɨə sê fɔ̀yn vɛ ə è saʼa zuʼse pi sɛ ə se tàyntə̀ tsɛ̂ ekwùtwəyn, ə nyi sèzuʼ sɛ ə se chisə ghɨ ghɛ ə ghe zɨə va sê Zhə̀fè.

Ɛfesùs 2:2 Iomraidhean Croise

Matyò 11:19

Va wùə ə pə̀, zhiə èfɨazhiəu, mɨə m̀lɨ, ə piə nə è vɛ è zhiə tsɛ̂sə̀, mɨə tsɛ̂sə̀, fɨyn nyi è soyn yî ghɨ ghɛ ə ghe tənə tâksè è ghɨ piə mɔ̀ʼɔ̂! Pîza, Zhə̀fè tyə̀nə̀ nə tɔf eghaʼâ ə vəynze nyi ke nâʼà səmɔʼ tɔynə̂ əghɛ ghɛ ə Fe nə̂ ə ghənə tendam.”

Matyò 13:22

Ngwàʼ zɛ ə è tè tàynte əfètə̂m m̀sòlèndzɔŋ nyi kə wùə vɛ è zɨə ghɛ ə Fezhə̀zè, ghɛ mbiə è kɔŋè kûmə̀ èghaʼ ə mbize ə lwiynsə̂ ə̀təm ə vəynghe. Zɨnə mə ə nə̀ vəyn è vayn kaʼa è kwiyne ə və sepi.

Matyò 13:38

Fûʼ ətəynke e nyi mbi, ngwàʼ èchùŋ zɛ e nyi əghɨ ghɛ ə ghe nyi etyə̀ èfɔ̀yn ə Fezhə̀vè, yîyn epike e nyi ə̀ghɨ ghɛ ə ghe nyi ə̂ ndə̂plè etyə̀.

Ŋwàʼlè ə̀ Mâk 4:19

pîza fɨmsê ə mbize è kɔ̂ŋ zɛ ə ghənə kyi sê ghaʼtə mbite, è ghɛ mbi ə mɔ̀ʼɔ ə pə̀ ghâŋtə̀ ə̀təm ə ghənə̂ghè, zə tàʼa mu etwɔm ə ghənə endam.

Tom èchùŋ kè kə Lûk tè nyaʼ 16:8

Pɛ̀ èfɨ̀aʼ ə fe eghɛ zɛ ə wùfɨ̀aʼ è wamə nə vɛ nə̀yn ə tsìtə̀ endom etɔf vɛ ə è fè fɛte ghɛ vəynze ətəyn.” Njisə̀s ə wàmnə̀ za, ə ke pi nə, “Ghɨə mbiə nə̂ tɔfə ə tendom tɛ ə ghənə fɛtə̂ ghɛ ə ghənə ətəyn tsɛ̂ ə̀ghɔyn epanə.

Tom èchùŋ kè kə Lûk tè nyaʼ 22:31

Njisə̀s ə fɨnə tɔŋtə Shimùyn ə piə nə, “Shimùyn, Shimùyn, o kɛ nə Satàyn ə ndɔyn ndom se shə̀ʼ ə ghô kə ə nə̂ shə̀ʼə̀ m̀pfɨ̂ŋ,

Njɔyn 12:31

Shîŋə̀ kə pə̀yn kə Zhə̀fè saʼ mbi zɨ̀nə̀, ə tyaʼa fɔ̀yn vɛ ə è saʼa mbi zɨnə pfɨ.

Njɔyn 13:2

Ə nə̀ kwɨlə̂ sè zhiə ashìŋə̀ ezhwikwɨləke, ə̀ nyi zâ mə ndə̂plè ə fo kwâʼtè epize sê Njondàs Èskalɔ̀t, ə va Shimùyn, nə è pəʼle Njisə̀s.

Njɔyn 13:27

Kè kə Njondàs fi mɨ̂sə̀ pə̂yn payn ə kwaŋ ətəynke nyî, Satàyn ə njiə mɨ̀sə̀ kə ndò ə vəyn ewìyn. Njisə̀s ə pìə sê vəyn nə, “Zàŋse nə̀yn ghɛ zɛ ə ò kyiŋə se nə̀yn.”

Njɔyn 14:30

M nə̀ fɨnə wàmnə̀ va sê ghàyn zôyn sə aghaf kûmə̀ nə vɛ ə è chisə mbi zɨ̀nə̀ pə̀ ndò. È kyi va tyaʼ kyîke, ke tsɛ̂ kɨmke,

Njɔyn 15:19

Ə ghàyn fè nyi kə əghɨ mbiə mə ghənə kɔ̂ŋɔ̀ ndò ghàyn kə ghɨə ghənə̂ghè. Ə̀ zo se nyi mə mə tə chitê fɨse ghàyn ə mbi, ghàyn e sè fɨyn va ə̀ghɨə mbiə. Ə̀ za nyi eghɛ zɛ ə ghɨ mbiə panə̀ ghàyn sətəyn.

Njɔyn 16:11

Ə è fɨyn tyəyn èndom vɛ ə Zhə̀fè tə saʼa ghɨghe ətəyn, kûmə̀ nə fɔ̀ynə̀ mbi vɨ̀nə nyi mə ə kàynè saʼ vəyn.

Njɔyn 7:7

Ghɨə mbighe vayn kaʼa payn ghàyn, pîza panə̀ Mi kûmə̀ nə M tyə̀nə̀ paynsə̂ tèndom tə ghɛ ə pi ə ghənə̂tè.

Njɔyn 8:23

Njisə̀s ə pìə sê ghənə nə, “Ghàyn nyi əghɨ mə ghàyn ndò fa chi, pîza M ndo pə̂yn ekwùtwəyn. Ghàyn nyi əghɨ mə ə ndo pə̂yn fa mbi, pîza M vachi wùə ə̀ mbi zɨ̀nə̀.

Njɔyn 8:44

Ghàyn nyi əghɔ pɨ̀a vâynvè, ndə̂plè, kɔ̂ŋɔ̀ kə sə chûmtə̀ tè kwaʼtè tə vəynte. È tè zhwiə əghɨ kè ə zhə̀te, wàmnə̀ va ghɛze səmɔʼ kûmə̀ nə è kyi va səmɔʼ. Shîŋə̀ kɛ ə è wamə kaŋke, è lotə̂ wamnə̀ kə èwâmnè ə vəynze, kûmə̀ nə è nyi wùə àkaŋ, nyi pɨ̀a sê kwaŋve.

Ətefɨ̂aʼ 19:35

Epàm ətəyn, wùə vɛ ə è tè nyàʼa ghɛ fɨnə tɔ̂ʼnə̀ è tɔ̂ŋ nə zɛ ə nə̀, ghɨghe ə kɨmə̂ mɔŋ, è və ke pì sê ghənə nə, “Ghɨghe əkɨ̂m nyîə ke nə ghàyn ghɨ Ɛfesùsə̀ kyi sə̂ tɔ̂ʼnə̀ è ndɛ ètsə̀mə ə̀ Atemìs, fɨnə tɔ̂ʼnə̀ è chi zɛ ə ghâsènì kɔʼsə zâ, mə ze tè ndò ekwùtwəyn ə tânə̀ ə chi.

Ətefɨ̂aʼ 5:3

Pità ə pfɨfə nə, “Ànàniyàs, ò za nə Satàyn nji ə ghò ətəm kûmə̀ ghè? Zôyn satàyn ə nə̀yn nə ò wam sê Zuʼse Ŋwaʼase ə ò ndətə pɨaʼa kɛ kɛ ə ò pəʼle fɨa vɛ ve ətəyn.

Ŋwàʼlè ə̀ Pɔ̂l sê ghɨə Lûmghè 12:2

Kə ghàyn nə ndamə kə njà saynse wìynse kyiŋə, pîza ghàyn pɨl za ə Zhə̀fè fo kwàʼtè efe sê ghàyn, kə ghàyn ə kyi tsɨnè èfe. Zɨnə nə̀ nə̂ ə ghàyn ə ke, nə̂ ə̀ghɛ ghɛ ə Zhə̀fè kyiŋə. Ghàyn nyìə ke chùŋ, ke ə̀ghɛ ghɛ ə ghe nə̂ nə Zhə̀fè ə saŋnə̂, ke ghɛ ə ghe nyi chichi.

1 Kɔlìŋ 5:10

M tè pìə chîə va kûmə̀ ə̀ghɨ fa mbi ə ghe ndamə ndam enyɨŋə nə ə zəynghe è ndômnèghè, è ghɨ ə shiə fɨəghe, è ghɨ ə chɔŋə, è ghɨ ghɛ ə ghe ngɨmnə fɨ̂aʼsèvè, kûmə̀ nə ə wùə nyì se tə əghɨ ə mbi nə ghɨynə̀, ə è laynse za ke ndò mbi zɨ̀nə̀.

1 Kɔlìŋ 6:11

Yîghe ə ghàyn ə fètəyn tè nyì kepî za, pîza zôyn e sè nyi mə ə shù tsɨ̂sè pi saynse ə nə̀ nə ghàyn ə nyi èŋwaʼze, ə fɨnə nə̂ nə ghàyn ə nyi chichi ə Zhə̀fè əshi tɔynə̂ ə Pɛ̂pɛ Njisə̀s Klâys, tɔynə̂ kɨ̀sə ə Sezuʼ sə Fezhə̀ fə ghasènìfe.

2 Kolìŋ 4:4

Ghənə pomə va pɔ̀m nə kwaʼtè tə ghənə̂tè nyi mə Zhə̀fè epi fə mbi fɨnə fe ə ndə̀m ə alɨm. Fe nyi mə fə ndə̀tè nə kə ghənə ə fe èpayn zɛ ə ze nyi ə ghənə ewìyn, mə nyi epayn zɛ ə ze ndô pə̂ ə Tom Èchùŋ zɛ ə è tsà kûmə̀ èpomsê ə Klâyszè, mə È lote nyi kə Fezhə̀.

Ngàleshyà 1:4

Klâys ə tə fo ngɨŋ ə vəyn ə kwuə kûmə̀ sèpi sə ghasènìse se sɔza ghâsènì fa ə mbi èpi, se nə̀yn eghɛ zɛ ə Zhə̀fè pɨ̀a ə̀ ghâsènì tè kyiŋə.

Ɛfesùs 1:21

È ve tsɨs fumə zôyn, saʼa nâʼà sèzuʼ sèkɨ̂m è twɔʼve ekɨ̂m, ngaŋtə tsɛ̂ nâʼàpî fɔ̀yn èkwə̀ ə mbiə zôyn è mbi zɛ ə è tə pə̂.

Ɛfesùs 2:11

Ghàyn ghɨ ghɛ ə̀ vachi ə̀ghɨ ə Njûsghè, kə ghàyn lɛse ghɨ ghɛ ə ghe tè nyì sə shi. Ghàyn nyi əghɨ ghɛ ə̀ vachi ə̀ghɨ Njûsghè epîə, ghɨə Njûsə̀ tɔŋtə̂ ghàyn nə, “Ghɨ ghɛ ə tàʼa se ənam əghənə̂ghè,” tɔŋtə̂ sèngɨŋ sə ghənə̂sè nə, ghɨ ghɛ ə nyi mə ə se namə ghənə̂ghè. Ghənə tɔŋtə̂ nyi pîza namə nyi nyî, ə̀ se va Zhə̀fè, ə̀ se ə̀ghɨ è gho.

Ɛfesùs 2:13

Ghàyn tè tyəm nâʼà sə aghaf, paʼsə̂ va sê Zhə̀fè, pîza zôyn e sè nyi mə ghàyn ə pə̀yn paʼsê tɔynə̂ ə Klâys Njisə̀s, kûmə̀ m̀ndəm mɛ ə è tè sɨs ə ghâsènì ətu tsɔ̀fə kə è kwu.

Ɛfesùs 2:3

Ghâsènì əkɨ̂m tè ndamə kə kə ghɨ ə pi nə ghɨ̂yn sə shi, nə̂ kə əghɛ pi ghɛ ə njà sewìynse ə ghasènìse kɔ̂ŋɔ̀, ə̀ fɔmə pî ghè, e nə̂ kə ndò. Ndamə senjà se wìyn nə sɨ̂yn tè tyə̀nə nə ghâsènì nyîə kwəynə̂ kə se tə kyî etsôs eghaʼâvè sê Zhə̀fè kə ghɨ mɔ̀ʼɔ.

Ɛfesùs 4:17

M pîə sê ghàyn ezə ə Pɛ̂pɛze fɨnə kwəynsə̂ nə kə ghàyn fɨyn ndam kə ghɨ etumə. Ghənə kyi ke tèkwâʼtè tə azùŋə zuŋte.

Ɛfesùs 4:22

Ə tè zaʼle nə ghàyn maʼa ndam emɨ zaynze kûmə̀ nə kwâʼtè tepite taynte tè nyîə pofsə̂ ghàyn.

Ɛfesùs 5:6

Kə wùə tə lesê ghàyn èwâmnè ezomze. Ə̀ nyi kûmə̀ ə̀ghɛ nə ghɨ̂nə̀ ə Zhə̀fè nyɔ̂ʼsə̀ tɔŋ sê ghɨ ghɛ ə ghe zɨə va vəyn.

Ɛfesùs 5:8

Ghàyn nyi nyî mə ghàyn tè nyì kepî əfètə̂ àpɨəyn efɨma nyi kə ghɨ nə ghɨyn, pîza sè nyi zôyn mə ghàyn ə nji əfètəyn èpayn ə Pɛ̂pɛ. Ghàyn e ndamə kə əghɔyn epanə.

Ɛfesùs 6:12

Ghàyn nəyn nyi kûmə̀ nə ghâsènì nô va ghɨghe. Ghâsènì pɨlə nô sèzu se pi sɛ ə se tàyntə̀ tsɛ̂ ekwùtwəyn è twɔʼ vɛ ə ve saʼa mbi zɨ̀yn nâʼà èkɨ̂m è zhə̀ mə mbimè.

Kòlosè 1:21

Shîŋə̀kè tè nyì ndô kɛ ə ghàyn tè nyì ndu sə aghaf sê Zhə̀fè, nyi sèpàyn sə Vəynse kûmə̀ əghɛ əpi ghɛ ə ghàyn tè nə̂, è ndom vɛ ə ghàyn tè kwàʼtə ətəyn.

2 Timotì 4:10

Kûmə̀ nə Ndemàs nyîə kɔ̂ŋə̀ èfɨa ə mbi ə̀ zôynvè, ə tə za mi, ə ndùə ə Tèsàlonikà. Kɨ̀lisèns ə ndù ə Ngàleshyà, Taytùs ve ndù ə Ndàlàmatyà.

Njə̂m 1:27

Ghɛ zɛ ə Zhə̀fè mə nyi Pɨ̀a njìə nə ə̀ nyi endom vɛ ə ve zo, kwəynə̂ se chùmtè ə Fezhə̀ ətəyn nyi nə, ə tɔ̀ʼnə̀ è ghɔkwuə, è zhwiə kwughe ə ghənə ezə ngəʼze, fɨnə tɔ̂ʼnə̀ è ngɨŋə̂ vəyn nə kə ghɨ ə mbighe tə nəyn vəyn nə è və nə̂ ə̀ghɛ ə nyələ ghɛ ə ghənə nə̂.

Njə̂m 1:7

E lote nyi ndò nə wûə ətəyn kyi va se kwàʼtè nə zhi kaʼa ə zhi kyi fɨa kyîke sê Pɛ̂pɛ.

Njə̂m 4:4

Ghàyn ghɨ ghɨ̀nə̀ ə nyi mə ə zà Zhə̀fè nyi! Ghàyn ke va nə ə ghàyn nyi sesoyn sê mbi, ə ghàyn ə nyi sèpàyn se Zhə̀fè ə? m pîə kwəynsə̂ nə ə ghàyn kyiŋə sə̂ nyi èsoynve sê mbi, ə ghàyn nəyn ngɨŋ saynse sə̂ nyi sèpàyn se Zhə̀fè.

1 Pità 1:14

Ghàyn e zɨə Fèzhə̀. Kə ghàyn fɨyn nəyn əghɛ ghɛ ə njà sewìynse tè kyiŋə nə ghàyn ə nə̂ kə ghàyn tè nyìəm ke va Zhə̀fè.

1 Pità 4:3

Ghàyn se nyi mə ghàyn ə pofsê shîŋə̀ tsɨəke sə mɨ, ndamə kə ghɨ ghɛ ə̀ vachi ə̀ghɨ Njûsghè. Ghàyn tè ndamə tendamte nyələte, shi ghaynghe e tsɨlə, ghàyn mɨə m̀lɨ̂ m̀ me ko ghàyn ə ndùə elùʼ azhi, ghàyn e nə̂ kə kə sepu, səynə̂ èwiyn èlɨ̀ mə èmɨəm, è ngɨmnê èfɨaʼsèzè ə tendom teghoməte lâŋ ə Fezhə̀kè e pomə̂ va.

2 Pità 2:14

Ghənə kyiŋə kə fèzhəmə̂ nə fe payn ə ghənə nyiŋə è zhwi ə̀ wùə, chɨ̀ŋ ə̀ ghənə̂ se nə̀yn ə pi pɔ tsɛ̂ va. Ghənə lə̂ŋtə̀, ghɨ ghɛ ə pɔ ə ghənə epomə̂ ə pfɨ̂ə njiə atam. Wùə vîvè vayn kàʼa è tsɛ ghənə è shiə fɨəghe. Ndi ə̀ Fèzhə̀ nyi ə ghənə ə tu!

1 Njɔyn 3:10

Zôyn ghàs kàʼa tsayn ghɨ ghɛ ə̀ nyi ə ghɔ Fezhə̀ghè, è ghɛ ə nyi ə ghɔ ndə̂plèghè. Nâʼàpî ndè vɛ ə è ndamə va chichi, kɔ̂ŋə̀ va ghɨ epomə̂ ə mɔ̀ʼɔghe, è paʼà ndò pəyn chi se Zhə̀fè.

1 Njɔyn 3:8

Pîza, nâʼàpî ndè vɛ ə è nə̀yn pi nyi vayn sê ndə̂plè, kûmə̀ nə ndə̂plè tè zhə̀te se nə̀yn ə pi kè ə zhə̀te ə̀ mbi. Ghɛ zɛ ə ze tè nəyn kə Vâ Fèzhə̀ pəyn tè nyì se pofsê ə tefɨaʼ tə ndə̂plètè.

1 Njɔyn 4:4

Pîza ghàyn nyi ə ghɔ Fezhə̀ghè ə ghɔyn ghɨmə mə ghàyn ə nò zhi fɨ̀aʼtè sə akaŋse, kûmə̀ nə zuʼ sɛ ə se nyi ə ghàyn ewìyn nyîə kyi àtyaʼ ke tsɨ̂ə tsɛ̂ kə ghɨ̀ kɛ ə ghənə nyi ə mbi.

1 Njɔyn 5:19

Ghâsènì nyiə ke nə ghâsènì nyi əghɔ Fezhə̀, ke kepî nə wùə èpi nyi wùə vɛ ə è kyi ghɨ ghɛ ə ghe ke va Zhə̀fè.

1 Njɔyn 5:4

kûmə̀ nə nâʼàpî va Fezhə̀ èkè nyi mə è və tɨm zhi mbi. Ə̀ nyi ekyî epomə̂ ə ghasènìze ə ze nə̂yn nə ghâsènì tɨm zhi mbi.

Etyə̂yn ə paynsêzè 12:9

Ə màʼà fɨsə̂ nyàm èghaʼâ zɛ ə tè tɔŋtə nə ndlangɔ̀yn ə chi. Ə̀ tè nyi mbam ètuʼ əshi zɛ ə tè tɔŋtə nə ndə̂plè, fɨnə tɔŋtə̂ kəpî Satàyn. Ə̀ tè nyi zə̂yn zɛ ə è tè lɛsə ghɨ mbiə əkɨ̂m. Ə màʼa tsosə̂ zə̂ynzè ə chi yî tsì sə zə̂ynsè kè sekɨ̂m.

Etyə̂yn ə paynsêzè 13:14

Tɔynə̂ ə sechwìə sekayntə sɛ ə tè za nə è zə nə̂ ə nyàm èpamə ə̀shi zɛ əshi, è zə lesə̂ ə̀ghɨ ə̀kɨ̂m ghɛ ə tè ndamə əchi. Nyàm èpamə ə̀təyn ə tsà se ghənə nə ghənə fɛte fɨ̂aʼsèkè sə̂ kɔʼsə̂ nyàm èpamə ə̀shi zɛ ətəyn ə tè ndəmse è fɛ̂ eghɔ̀ŋze pîza è pa ndamə zâ.

Etyə̂yn ə paynsêzè 13:8

Nâʼà ə̀ghɨ ə̀ kɨ̂m ə chi tə ngɨmnə̂ zə̂ynzè, ə̀ tsɛ̂ kə va ghɨ ghɛ ə tè nyi mə ə nyàʼ zɨə ghənə̂zè tsɔ̀fə kə pom mbi əfètə̂ ŋwàʼlè ə̀ghɨ ndaməghe mə ə̀ ghənə kyi Vâ Ndzè vɛ ə tè zhwi.

Etyə̂yn ə paynsêzè 16:17

Tsì ə̀mɔ̀ʼɔ̂ nə se ndu esɛ̀mbɛ ə waŋə m̀lɨ mɛ ə m̀ tè nyi ə zə̂ynzè akaŋ awulə. Kyə̀ ètɛ zhîzè ə fɨə pə̂ əfekyə̀ fə efɔ̀ynfè ə ndɛ̂ ètsə̀mə nə, “Ghɛghe əkɨ̂m ə mì!”

Etyə̂yn ə paynsêzè 20:2

È zə ko nyàm èkwə̀mnə zɛ ə tè tɔŋtə nə ndlangɔ̀yn ə è tè nyi mbam è mɨ za, e tɔŋtə̂ kəpî vəyn nə satàyn ə kolə zə̂yn sə sepìŋ kam.