Ɛfesùs 1:4 - Ŋwàʼlè ə̀ Fèzhə̀ Mkâyn Mə̂ Fèm

⁴ Tsɔ̀fə kə è pom mbi, ə̀ tè se nyi mə è və chɔʼtê ghâsènì tɔynə̂ ə Klâys nə ghâsènì tə pə̂ ə nyi əghɨ zoghe, kyi va tsasze ə Zhə̀fè əshi.

Ɛfesùs 1:4 Iomraidhean Croise

Matyò 24:22

Pîza Zhə̀fè nyi mə è və fàftè tuʼ mə ètsòs nə mɨ̂yn. Ə È tè tàʼa nə̀yn zamə, mə wùə vîvè tə sɔ̂ fɨə va. Kûmə̀ kə ə̀ghɨ və kə È chɔʼ ndə̂m È tə fâftə̀ mtuʼ nə mɛ.

Matyò 24:24

Kûmə̀ nə ghɨə etsɨə tə fɨə pə̂ ə tsâ nə ə nyi vɛ ə chɔʼ ndə̂m è fɨ̀aʼtè sə akaŋse ə sə tyə̂nə̀ sèchwìə sekwə̂mnəse, mɔ̂mə̀ əghɛ kayntə kè se mɔ̀msè se fe nə ghənə nyiə kaʼa ə kyiŋse nâʼàpi ə̀ghɨ ghɛ Zhə̀fè se nyi mə fe ə chɔʼ se sɔzà.

Matyò 24:31

Ə tə tɔŋə èsɔŋ, ə è tom fɨsê sètsì sə vəynse ə tepòlə̀ tembi tekɨ̂m tèkyàʼ nə se kwi zûŋtè ə̀ghɨ ghɛ Zhə̀fè chitê se zhə̀tè apàs ə mbike amɔ̀ʼ se nduə tàyn ə kə mɔ̀ʼɔke.

Matyò 25:34

Ə Fɔ̀yn ke pì sê ghɨ chichighe ə vəyn ekɔyn twɔve nə, ‘Ghàyn pəyn, ə ghàyn ghɨnə ə Pɨ̀a vɨm pɔse nyi! ghàyn nji pəyn ə kyi pɔsə efɔ̀yn ə Fezhə̀ vɛ ə nyi mə ə pɨaʼtê se ghàyn nâʼà kə tè pom mbi.

Njɔyn 10:16

Ndzè sə mɔ̀ʼɔse nyi ndô mə ə̀ kyi Mi mə se va fa mbàynə̀ sèndzè. M kyi se pə kəpì è səynse. Se nə zɨtə̂ kyə̀ zɨ̂mzè, ə se pəyn sə̂ nyi ə mbàyn èmɔ̀ʼ, kyi ke ngyəyn èmɔ̀ʼ.

Njɔyn 15:16

Ghàyn tè pâʼà chɔʼ Mi, ə̀ tè chɔʼ Mi ghàyn ə tomə ghàyn nə ghàyn nəyn ghɛ ghɛ ə ghe muə twɔm echûŋvè. Kyì tə ghɛ nə tɨnə mə ə ndam faŋ ke ndò. Ə ghàyn nə̀yn zamə, ə Pɨ̀a vɨm fo nâʼàpî ghè vɛ ə ghàyn pfɨfə sê vəyn tɔynə̂ ə mì ezə.

Njɔyn 17:24

Pɨa Vɨm! M kyiŋə nə ghɨ ghɛ ə Ò fo sê Mi tə nəyn ə nyi ghasè ghənə elùʼ vɛ ə M nyi ətəyn, kə ə fe pomsê ekayntə zɨme, ə zɛ ə Ò tè fo sê Mi kûmə̀ nə Ò tè kɔ̀ŋɔ Mi, tsɔ̀fə kə pom mbi.

Ətefɨ̂aʼ 13:48

Kə ghɨ ghɛ ə̀ tè vachi ə̀ghɨ ə Njûsghè zɨ ghɛ ətəynze, saŋnə̂ nâʼà sə ŋaŋ, tsîtə̀ tom ə̀ Fèzhə̀. Ghɨ etsɨəghe ə pomə sê Pɛ̂pɛ Njisə̀s, ə̀ nyi ghɛ ə Zhə̀fè chitê nə ghənə kyi ndam zɛ ə ze tə mîə va.

Ətefɨ̂aʼ 15:18

Ə̀ tè nəyn mi kə ghɨghe ə ke ə̀ghɛ nə ghɨ̂yn nâʼà sə mɨ.›”

Ətefɨ̂aʼ 18:10

kûmə̀ nə M nyi ghâsè ghò. Wùə vayn nə̀yn eghɛ sê ghò. Ò zaʼlə̂ kə ndò kûmə̀ nə ghɨ ghɨmə tsɨ̂ə kə fayn endaʼ nyi.”

Ŋwàʼlè ə̀ Pɔ̂l sê ghɨə Lûmghè 8:33

Ə̀ tə pîə ndè nə ghɨ ghɛ ə Zhə̀fè chitê nyi mə ə pfɨ̀ saʼa? Ə̀ pi Fezhə̀ è ngɨŋə̂ vəyn nə ghâsènì nyi əghɨ ghɛ ə ghe nyi chichi ə və shi.

1 Kɔlìŋ 1:8

È nə̀ tsâmtə̀ nə ghàyn ə kyi ke èpomə̂ sê vəyn se zaʼâ ə kwùŋse, kə ghàyn tə nəyn ə kiva ghâmzè ə ezhoghɛ ə Pɛ̂pɛ ə̀ ghâsènì Njisə̀s Klâys kɛse pə̂yn.

Ngàleshyà 5:13

Zhə̀fè ə chɔʼte ghàyn ə ghɔnyì ghɨmə nə kə ghàyn ə fɨyn nyi èkɔ̂s se lâŋkè pîza, kə zɨnə nəyn nə ə ghàyn ə nə̂ ə̀ghɛ ghɛ ə wiyn vaynve kyiŋə. Ghàyn pɨl nəyn, ə kɔ̂ŋ zɛ ə ghàyn kyi, ə ze nəyn ə ghàyn ə fɨaʼà sê ghɔnyì ghayn ghəmɔ̀ʼɔ.

Ngàleshyà 5:22

Pîza Zuʼse ŋwaʼase muə ètwɔm echûŋvè kə, ekɔ̂ŋ, saŋnêzè, pɔ̂ynè, wəynsê ewìynze, tɔ̂ʼnə̀, nə̂ chùŋ, nə̂ ə̀ghɛ è təmghe əkɨ̂m,

Ngàleshyà 5:6

E nyi nyî kûmə̀ nə ə ghâsènì se nyi ghasènìghə̀ Klâys Njisə̀s, kɨ̀sə wùə se nam ə vəynghe kə è tàʼa se zemə kwiynə̂ va ghɛ zhîze. Ghɛ etɛ zɛ ə ze nyi, nyi se tyə̀yn ekyî epomə̂zè tɔynə̂ ekɔ̀ŋ.

Ɛfesùs 2:10

Ghâsènì nyi efɨaʼ ə Fezhə̀ zə ghoze. Fe fɛtə̂ ghâsènì tɔynə̂ ə Klâys Njisə̀s nə ghâsènì nə ndamə èndam echûŋ zɛ ə è tè se nyi mə è və tè pɨaʼtê ndəm nə ghâsènì ə ndamə.

Ɛfesùs 3:17

kə kyî epomə̂ zaynze nəyn ə Klâys ə fɛtə ndamə kə nâʼà ndò ə ghàyn ə təm. M tsə̂mə̀ nə ghàyn ndəmə əfètəyn èkɔ̀ŋ, fɨnə tɛ,

Ɛfesùs 4:2

Ghàyn nə ngɨmnə̂ sengɨŋ saynse, pɔynə̂ fɨnə wəynsə̂ èwiyn, lɛ̂sə̀ sètsas saynse kûmə̀ èkɔ̂ŋ.

Ɛfesùs 5:2

Ghàyn kyi sə̂ kɔ̂ŋɔ̀ ə̀ghɨ mɔʼɔ kè shîŋə̀ tekɨ̂m kè eghɨ kə Klâys tè kɔ̀ŋɔ̀ ghâsènì ə fo ngɨŋ ə vəyn sə efo, ze lɨ̂mtə̀ tsɔ̂fə̀ kə nyî sê Zhə̀fè ə ghâsènì elùʼ.

Ɛfesùs 5:27

È tè nəyn nyi kə è tə pi è njìə ndɛ ə̀ Fèzhə̀ sə zhwiə ndom, ə è zə nyi chichi, zo, kyi va liŋze, kyi va tsas zhîze.

Filìpây 2:15

Kə wùə ə vayn kàʼa è pi nə ghàyn ə nə̀yn pofsê ghɛze, kɨ̀sə ghàyn kyi ndô ləʼke; kûmə̀ nə ghàyn nyi əghɔyn ə Fezhə̀ ə Ŋwaʼa ghɛ ghe ndamə ə mbi əfètəyn ə̀ghɨ̀ epi ghɛ ə ghe kɔ̂ŋə̀ sə̂ nə̂ ndûə kə pi shîŋə̀ tekɨ̂m. Ghàyn nyi ə ghənə əfètəyn ə mbi kə mlî mɛ m̀ panə.

Kòlosè 1:22

Pîza zôyn, tɔynə̂ ekwu zɛ ə Va vəyn Klâys tè kwu kə wùə m̀sɔ̀ŋ ə awâmnè, Zhə̀fè ə nə̀yn nə ghàyn ə nyi sèsoyn sə vəynse. Zhə̀fè tè nəyn zamə kə ghàyn ə nyi elùʼ vɛ ə è nyi, nyi ə̀ghɨ eŋwaʼghe, kyi va ndi ə̀ pi zhizè ə ghàyn ewìyn, vayn ko ghàyn è tsas zhîze.

Kòlosè 2:2

M nə̂ nyiə mə se fo ghənə è təmghe, kə kɔ̂ŋ zɛ ə ze nyi ə ghàyn ə fètəyn, ə ze nəyn ə ghàyn ə nyi kə wùə èmɔ̀ʼ. M kyiŋə nə ghâynghə̀ ghənə əkɨ̂m ndəm təm ghaynghe əkɨ̂m, kə ghɨ ghɛ ə ghe ke ghɛ ə Fezhə̀ghè mə ghɨə tè paʼà kê. Ghɛ nə zɛ mə nyi Klâys è ngɨŋə̂ vəyn.

Kòlosè 3:12

Ghàyn nyi əghɨ ə Fezhə̀ghè, È və tə kɔ̀ŋ ghàyn ə chɔʼɔ ghàyn sə Vəyn əghɨ̀. Ghàyn kyi sə̂ tyə̂nə̀ èsəyn ekoze, tɔ̂ʼnə̀ è ghɨghe, njiə sèngɨŋ saynse ə chi, pɔynə̂, fɨyn kyi ə̀təm.

1 Tèsàlonikà 3:12

Ghàs tsə̀mə̀ kəpî nə Pɛ̂pɛ nəyn ə kɔ̂ŋ zɛ ə ghàyn kyi sê ngɨŋ saynse, è kɨsè sê ghɨə mɔ̀ʼɔghe əkɨ̂m ə ndəmə̂ ndûə kə ndò, kèpî kə zɛ ə ghàs kyi sê ghàyn.

1 Tèsàlonikà 4:7

Kûmə̀ nə Zhə̀fè tè paʼà tɔŋə ghâsènì nə ə nə̂ ə̀ghɛ ə nyələghe è wiyn ə ghasènìve. Pîza Fe tè tɔŋɔ nə ghâsènì ə ndamə èndam eŋwaʼze.

2 Timotì 1:9

Zhə̀fè tè sɔ̀zâ ghâsènì ə tɔŋə ghâsènì nə ə nyi ə̀ghɨ Vəynghe ŋwaʼaghe, ə̀ vachi kûmə̀ èghɛ zhîze kə ghâsènì nə̀yn, pîza e nyi ke kə È nyi mə È və ndə̀m ə vəyn afùʼ. È tè fo afùʼ nə kɨ̂yn tɔynə̂ ə Klâys Njisə̀s tsɔ̀fə kə mbi zhəte.

2 Timotì 2:10

Ə̀ za nyi eghɛ zɛ m kolə təmə nâʼàpî ə tə ghè kè kûmə̀ ə̀ghɨ ghɛ ə Klâys nyi mə È və chɔʼtê, kə ghənə tə pɔŋ kyî èsɔza zɛ ə ze pə̂ tɔynə̂ ə Klâys Njisə̀s, pə̂ è pomsê zɛ ə ze tə mîə va.

2 Timotì 2:19

Pîza ze tɛ se nə̀ʼsè achi ə ndɛ kɛ ə Zhə̀fè se nyi mə Fə ndə̀m, ə nyàʼà etûə ə̀təyn nə, “Pɛ̂pɛ nyîə ke ə̀ghɨ ghɛ ə̀ nyì ghə və, mə nâʼà ə̀ghɨ ə̀kɨ̂m ghɛ ə pîə nə ə nyi sê Pɛ̂pɛ, kyi se kə̀mnè epàmə ə̀ghɛ ə piə.”

Njə̂m 2:5

Ghàyn zɨte ə ghɔnyì ghɨm ghe chûŋə̀! Piə ghàyn ke ndô nə Zhə̀fè ə tə chɔʼ ghɨ ghɛ ə ghɨ ə mbighe njîə nə nyi əghɨ afɨfə, ə nə̀ nə ghənə ə kyi èkyî èpomə̂ eghaʼâzè, ə ghənə kyi luʼ efɔ̀yn vɛ ə Zhə̀fè tè tsɨ̀nè sê ghɨ ghɛ ə ghe kɔ̂ŋə̀ vəyn.

1 Pità 1:2

Zhə̀fè, Pɨ̀a tè nyîə ke ghàyn, ə chɔʼ ghàyn nâʼà sə mɨ sə ghɨ̀ ezo ə vəynghe tɔynə̂ efɨaʼ ə Sezuʼ se Ŋwaʼase. Fe nəyn nyi kə ghàyn ə zɨə Njisə̀s Klâys, ə ndə̂m mə Və̂ynmè shu zose ghàyn. Ə Zhə̀fè fo fùʼ ə vəynke è pɔ̂ynè se ghàyn nâʼà se tsɨ̀.

1 Pità 1:20

Zhə̀fè tè nyi mə fe ə kàynè chɔʼ vəyn ə ndə̀mə̀ tsɔ̀fə kə fe pom mbi, pîza ə tyə̀nə̀ paynsə̂ vəyn fa mtuʼ mə èkwùŋsə̂m sə ghàyn ə chùŋ.

1 Pità 2:9

Pîza, sê ghàyn, ghàyn nyi əghɨ kə Zhə̀fè chɔʼ ndəm. Ghàyn nyi əghɨ ə kɔʼsə nə eshyə̀ghè ə ndɛ̂ Fèzhə̀, fɨ̂aʼà sê Zhə̀fè mə è nyi fɔ̀yn. Ghàyn nyi endaʼ əghɨ̀ eŋwaʼaze. Ghàyn nyi kàyntè əghɨ̀ ə Fezhə̀ ghɛ ə è chɔʼ nə ghàyn ə ndâʼà ə̀ghɛ kayntə ə Fezhə̀ fɛ ə Fe tè tɔŋɔ fɨsê ghàyn ə fètəyn àlɨm ə njìə ndzɨsə̂ ghàyn ə fètəyn èpayn ekayntə ə vəynze.

2 Pità 3:14

E za nyi ə soyn sɨm sechûŋsè nə, kə ghàyn lɨmtə tuʼ nə vɛ, ghàyn mɔmse nâʼà è tyaʼa sə̂ zo, kyi va tsasze ə Zhə̀fè əshi, fɨnə ndamə è pɔ̂ynè sê vəyn.

1 Njɔyn 4:16

Nyiəmə, ghâsènì ke ndô, fɨnə pomə̂ nə Zhə̀fè nyîə kɔ̂ŋə̀ ghâsènì. Zhə̀fè nyi ekɔ̂ŋ, mə ghɨ ghɛ ə ghe ndamə ekɔ̀ŋ, ndamə sə afɨa àmɔ̀ʼ yî ghə̀ Zhə̀fè, Zhə̀fè endamə sə afɨa àmɔ̀ʼ yî ghə̀ ghənə.

Etyə̂yn ə paynsêzè 13:8

Nâʼà ə̀ghɨ ə̀ kɨ̂m ə chi tə ngɨmnə̂ zə̂ynzè, ə̀ tsɛ̂ kə va ghɨ ghɛ ə tè nyi mə ə nyàʼ zɨə ghənə̂zè tsɔ̀fə kə pom mbi əfètə̂ ŋwàʼlè ə̀ghɨ ndaməghe mə ə̀ ghənə kyi Vâ Ndzè vɛ ə tè zhwi.

Etyə̂yn ə paynsêzè 17:8

Nyàm èpamə nə zɨ̀yn ə ò tè fe tè nyiə nyi ètwɔ ə shɨŋ ə̀mɔʼɔ̂, pîza zôyn è kɛse va ètwɔ. Zə̂yn tə fɨə kɔʼɔ pə̂ ə epə zɛ ə ze lɔŋɔ tso ndùə za se ndù nə ə pofse zə̂yn. Ghɨ ghɛ ə ndamə ə mbi mə ə tè paʼà nyàʼ zə ghənə ghè ə ŋwàʼlè ə̀ghɨ̀ endamə tsɔ̀fə kə pom mbi tə pə̂ ə nyi èkaynze ezhoghɛ ə nayne nyàm èpamə ə̀təyn kûmə̀ nə zə̂yn tè nyîə nyi ètwɔ ə shɨŋ ə̀mɔʼɔ̂, zôyn è kɛsə̂ va ètwɔ, pîza nyi se tə kɛsə pə̀yn.