1 Njɔyn 4:1 - Ŋwàʼlè ə̀ Fèzhə̀ Mkâyn Mə̂ Fèm

¹ Ghɔ nyì ghɨm ghe kɔ̂ŋə̀, kə ghàyn ə pomə se nâʼàpî ndè vɛ ə è pìə nə zhi nyîə kyi sè Zuʼ, pîza ghàyn mom ghənə se fe nə zuʼ sɛ ə ghənə kyi ndo pə̂yn tê se Zhə̀fè ə. Kûmə̀ nə fɨ̀aʼtè sə akaŋse tsɨəse nyi ndô ə mbi.

1 Njɔyn 4:1 Iomraidhean Croise

Ŋwàʼlè ə̀ Mâk 13:21

Fumə mtuʼ, ə wùə pì sê ghàyn nə, ‘Ghàyn fe kə, Vɛ Zhə̀fè chɔʼ ndə̂m, È vɨ̀nə fàyn!’ kə è pi pî nə, ‘Fe kə, È vîə fɛ̂!’ kə ghàyn pomə ghɛ zɛ ə è pìə.

Tom èchùŋ kè kə Lûk tè nyaʼ 12:57

Pɔ̀m ghè ə ghàyn fe kê va sə̂ ghàyn ngɨŋ nə ghàyn kyi sə̂ nə̂ eghɛ èchûŋ èkè e?

Tom èchùŋ kè kə Lûk tè nyaʼ 21:8

È və piə nə, “Ghàyn tɔ̂ʼnə̀, kə wùə nə̂ kyiŋsè ghàyn. Ghɨ tə nə̂ ə pə̂, tsɨ̀ə kə nyi, ghe nə nə̂ ə ghe ə pə̀ ə mi ezə. Ə pə̀yn pi ndè piə nə, ‘Ə̀ nyi ke nâʼà mi nə vɛ nyi!’ fɨnə piə nə, ‘Shîŋə̀kè ə kwəyn zôyn!’ Ghàyn zɨ za, kə wùə ndù ə ghənə epàm.

Ətefɨ̂aʼ 17:11

Ghɨ ghɛ ə ghe tè nyi fu tè nyi əghɨ, kɔ̂ŋɔ̀ se zɨtə eghɛ tsɛ̂ ə̀ghɨ ə Tèsàlonikà. Ghənə tè kɔ̂ŋɔ̀ nâʼà àchûŋ se zɨtə tom èchùŋ ə faŋa sè tɔŋɔ ə̀ghɛ ə Ŋwàʼlè ə̀ Fèzhə̀ kè tûʼmè m̀kɨ̂m kyiŋə se fe nə ghɛ ghɛ ə Pɔ̂l tè ndàʼa tè nyì səmɔʼ ə.

Ətefɨ̂aʼ 20:29

M ke ndô nə ə nə̀ pə ezhoghɛ m ndô, ə nyam sə epɨase pəyn nji ə ghàyn ə fètəyn, ə se tàʼa zà ə ghɨə pomə nə ghɨ̂yn.

1 Kɔlìŋ 12:10

Zuʼ nə sɨ̂nə̀ fo se wùə èmɔ̀ʼ, tyaʼke nə è və nə̂ ə̀ghɛ əkayntəghe, se wùə vîvè, sə̂ fo àtyaʼ nə è və tsâ ə̀ghɛ mə ghe ndo sê Zhə̀fè, sê wùə vîvè, sə nə̀ nə è və ke sə nɨŋ nə Zuʼse ndo sê Zhə̀fè mə se paʼà ndò chi se Zhə̀fè ə, sê wùə vîvè, sə̂ nə̀ nə è və ke se wâmnè ə tewâmnè ndɔ̀ʼɔ è zaʼle, sê wùə vîvè, sə̂ nə̀ nə è və zɨə kê tèwâmnè tə təynte, tsâ èghɛ zɛ ə te pîə.

1 Kɔlìŋ 14:29

Ə fɨ̀aʼtèsè nyì se wàmnè, sə wamnə̀ kə sè pɛ̀ kɨ̀sə sè ta, mə ghənə wâmnə̀, fɨ̀aʼtè sə mɔ̀ʼɔse e fɛtə̂ kyàʼsə̀ naynə̂ eghɛ zɛ ə ghənə pîə.

1 Tèsàlonikà 5:20

kə ghàyn nə kɔ̂psè tom zɛ ə ghɨə ndaʼà sê ghàyn mə è ndò sê Zhə̀fè.

1 Tèsàlonikà 5:21

Ghàyn e pɨlə kyâʼsə̀ ə̀ghɛ ə̀kɨ̂m ghɛ ə ghɨə pîə nə Zuʼse Ŋwaʼase ə tyə̀yn se ghənə se fe nə sə tyə̀yn mə se paʼà tyə̀nə. Ə ze nyi səmɔʼ, ghàyn pomə̂ sê ghənə,

2 Tèsàlonikà 2:2

kə ghàyn nə za nə ghɨə fəʼ tu kaynke ezhoghɛ ə ghənə pîə nə tuʼ fɛ ə Pɛ̂pɛ nyi se pə̀yn ətəyn se nyi mə fə kàynè kwəyn. Ghɨə kaʼa kwaʼtə̀ nə ghàs tè pì zɨnə ashìŋə̀ kɛ ə ghàs tè tsâ ghɛ ghɛ Zhə̀fè tyə̀yn sê ghàs, pi ashìŋə̀ kɛ ə ghàs tè ndàʼa tom ə̀ Fèzhə̀, è kɨsè nə ə̀ kàʼa nyi mə ghàs tè nyaʼ zəynze ə ŋwàʼlè.

1 Timotì 4:1

Zuʼse Ŋwaʼase tyə̂nə̀ paynsə̂ nə, ə̀ tə nə̂ ə nyi ə mtuʼ me kwùŋsə̂m, ə ghɨ mɔ̀ʼɔ kwiynse ə tàʼa fɨnə pomə̂ ezaʼlê zɛ ə ze nyi səmɔʼ kûmə̀ Klâys Njisə̀s, ghənə tə pɨlə zɨə se zuʼsə akaŋse, ə ghənə ə nə̂ ə̀ghɛ ghɛ ə pamə̂ tə satàyntè fo.

2 Timotì 3:13

Ghɨ piə è ghɨ ghɛ ə ghe tyə̀nə̀ nə ghe nyi afɨa, pîza va, ə pofə ndùə kə èshike, kyîŋsə̀ ə̀ghɨ, ghɨə mɔ̀ʼɔghe e pɔŋɔ kyîŋsə̀ kəpî ghənə.

2 Pità 2:1

Tyə̀ynsè sə akaŋse ə tə fɨ ə ghɨghe ə fètəyn kèpî kə se tə pə̂ ə sə nyi ə ghàyn ə fètəyn. Ghənə tə nyaʼtə̂ pə̂ è zaʼlêzè mə ze va səmɔʼ se pofsə teluʼ, ə ghənə tə pî pɛ̀ àpɨəyn vɛ ə tè sɔ̀zâ ghənə, ə zɨnə mə pfɨ̀ŋə̀ pəyn è pofsêzè ə ghənə ə tu.

1 Njɔyn 2:18

Ghɔyn ghɨm ghe kɔ̀ŋə̀, ə̀ zo nyi ə mtuʼ mə èkwùŋsə̂m. Ghàyn ə zɨ nə pàyn sə Klaysè tə pə̂, ghənə setsɨ̀ nyì zôyn mə ə pə̀yn. Zɨnə mə tyə̂nə̀ sê ghâsènì nə tuʼ me kwùŋsə̂ mə pə̀yn.

1 Njɔyn 2:7

M nyâʼà va lâŋa feke sê ghàyn ə soyn ghɨmə. M nyâʼà alâŋə mɨke, mə ghàyn tè nyîə kyi ə zhə̀te. Lâŋ ə mɨ nə kɨnə̀ nyi tom zɛ ə ghàyn nyi mə ə zɨ

2 Njɔyn 1:7

Ghɨə akaŋ ghə fɨ kwîə tsɛ̂ ə mbi, tsɨ̀ə kə nyi, pomə̂ va nə Njisə̀s Klâys ə tə pə̀ ə chi ewiyn ə wûəvè. Nâʼàpî ndè əfètə̂ ə̀ ghɨ nə ghɨyn nyi pàyn ə Klâys, lesə̂ əghɨ.

3 Njɔyn 1:11

Kə ò tə səyne èghɛ epi ə soyn vɨm ve èkɔ̂ŋ, ò pɨlə səynə kə ze chûŋzè. Nâʼàpî ndè vɛ ə è nə̂ ghɛ e chuŋè nyi vayn sê Zhə̀fè. Vɛ ə è nə̂ ghɛ ə pighe ke va Zhə̀fè.

Etyə̂yn ə paynsêzè 2:2

M nyiə ke èfɨaʼ zɛ ə ò nyi mə o nə̀yn. M nyiə ke kə ò fɨ̂aʼà è tyaʼa è kol ə təmze. M nyîə ke nə ò zà va ghɨ ətəm e piə mɔŋ. M nyiə ke kepî nə o mɔ̀m ghɨ ghɛ ə ghənə pîə nə ghənə nyi əghɨtom ə Njisə̀sghè pîza vachi, ò vɛ ə ò fe kê nə ghənə nyi əghɨ akaŋghe.