1 Njɔyn 3:3 - Ŋwàʼlè ə̀ Fèzhə̀ Mkâyn Mə̂ Fèm

³ Ə ghɨghe əkɨ̂m ghɛ ə ghe ndə̂mə̀ təmə ghənə̂ghè se vəyn, ndəm ngɨŋ sə ghənə̂sè è ŋwâʼe kèpî kə è nyi è ŋwaʼze.

1 Njɔyn 3:3 Iomraidhean Croise

Matyò 5:48

Ghàyn kyi sə̂ nyi chichi kè kə pɨ̀a vâyn ve ekwùtwəyn nyi chichi.

Tom èchùŋ kè kə Lûk tè nyaʼ 6:36

Ghàyn e kosə̂ èsəyn sê ghɨ kè kə Pɨ̀a vâynvè.

Njɔyn 17:19

Kûmə̀ ghənə, Mə fo ngɨŋ zɨm sê Ghò kə ghənə pɔŋ fo sèngɨŋ sə ghənə̂sè sê Ghò səmɔʼ.

Ətefɨ̂aʼ 15:9

Fe paʼà tyə̀yn sə nɨŋ sê ghâsènì è ghənə. Fe ə lɛ̀sè fo pisə ghənə̂sè kûmə̀ nə ghənə ə pomə̂.

Ŋwàʼlè ə̀ Pɔ̂l sê ghɨə Lûmghè 15:12

Fɨ̀aʼtè Èsayà ə tə pì kepî kə nyi mə ə nyàʼ nə, “Wùə tə fɨə etɔ̀ŋ ə ndɛ ə Njesì mə è tə pə̂ ə è və kyi àtyaʼ etûə ə̀ghɨ ghɛ ə̀ vachi ə̀ghɨ ə Njûsə̀, ə nyì se vəyn ə ghɨ ghɛ ə vachi ə̀ghɨ ə Njûsghè tə ndə̂mə̀ təm ə ghənə̂ghè əkɨ̂m.”

2 Kolìŋ 7:1

Zôyn kə Zhə̀fè tsɨ̂nè ghɛ nə ghɨ̂yn sê ghâsènì ə soyn sɨm sechûŋsè, e tsɔ̂fə̀ nə ghâsènì mɔmse se kɛse epàm əghɛ ghɛ ə ghe pə̂ è lɨŋze ə senjyà se ewìynse, fɨnə pə̀ è lɨŋze ə sezuʼ. Ghâsènì nyì sə̂ lotê nyi èŋwaʼze mə za nyi endom sə̂ ngɨmnə̂ Fèzhə̀.

Kòlosè 1:5

Ghàs ke ndô nə ghàyn nə̀ zamə kûmə̀ nə, ghàyn kwàʼtə̀ ndò ə ghàyn ətəm nə ghàyn tə kyîə ndò pɔsê zɛ ə Zhə̀fè tè ndə̀m sê ghàyn ekwùtwəyn. Ghàyn ə tə kàynè zɨ ghɛghe kûmə̀ èpɔsê nə zɛ mə, kə tè ndàʼa tom èchùŋ, è səmɔʼ sê ghàyn sə shi.

2 Tèsàlonikà 2:16

Ə Pɛ̂pɛ ə ghâsènì Njisə̀s Klâys nâʼà è ngɨŋ ə vəyn yî Zhə̀fè Pɨ̀a ghâsènì vɛ ə è tè kɔ̀ŋə ghâsènì ə fo ghâsènì è təmə tɛghe, è kwaʼtè elɨmtə zɛ ə ze tə mîə va tɔynə̂ ə vəyn afùʼ.

Taytùs 3:7

Kûmə̀ àfùʼ Zhə̀fè ə tə nə̀yn nə ghâsènì ə nyi chichi, è kɨsè nə ghâsènì ke səmɔʼ nə ə tə kyîə èndam zɛ ə ze tə mîə va.

Ipilù 12:14

Ghàyn mɔmse nâʼà è tyaʼke sə̂ ndamə è pɔ̂ynè ghayn ghɨghə ə̀kɨ̂m fɨnə mɔ̀msə̀ nâʼà è tyaʼa sə̂ nyi è ŋwâʼzè kûmə̀ nə ə wùə va è ŋwâʼzè ə vəyn endam, ə è tə tàʼa fe Pɛ̂pɛ.

Ipilù 6:18

Ghɛ nə ghɨ̂nə̀ ə̀ pɛ̀ nyîə nyi, mə ghe vayn kaʼa ə ghe kwiyne, Zhə̀fè e va se wam kûmə̀ ghəynghe, kə ghe tɨmse ghâsènì ghɛ ə tə ndû ndə̂tè ə Zhə̀fè ngùŋ ə nə̀ ghâsènì e tɛ, ke səmɔʼ nə ə tə kyîə àfɨa kɛ ə naynə ndùə kəynke.

Ipilù 7:26

Ə̀ nyì ke Njisə̀s wùə kɔʼsə nə èshyə̀ èngaŋtə kwəynə vɛ ə è kwuəynə se tsàmtə ghâsènì. È nyiə nyi èŋwaʼze, kyi va tsasze, zo, ndɔ̀ʼɔ è tyəm nəyn pi mə Zhə̀fè ə fɨse vəyn əfètəyn ə̀ ghɨ̀ ə pighe ə njì kɔʼɔ è vəyn ekwùtwəyn.

Njə̂m 4:8

Ghàyn pə̀yn paʼse sê Zhə̀fè kə fe pə̀yn paʼse sê ghàyn. Ghɨ əghɛ piə ghɨyn! Ghàyn shù gho ghaynghe əghɛ piə! Ghàyn ghɨ kaŋkaŋə nəghe, ghàyn e kwâʼtə̀ kə ə̀ghɛ ə chûŋghè!

1 Pità 1:15

Ghàyn ke nə Zhə̀ fɛ ə fe tè chɔʼ ghàyn nə ghàyn ə nyi ə̀ghɨə Vəynghe nyîə zo. Ghàyn e pɔŋɔ zo ə ghàyn ə tendam,

1 Pità 1:3

Ə ghâsènì ə tsɨ̂tə̀ Fèzhə̀, Pɨ̀a Pɛ̂pɛ ə̀ ghâsènì Njisə̀s Klâys! Fe ə kose səyn sê ghâsènì nâʼà sə ŋaŋ ə fo èndam e fe sê ghâsènì endom nə Fe ə tə zòmsè Njisə̀s Klâys ekwu, zɨnə mə nə̂ ghàs ə kyi ekwâʼtè elɨmtə zɛ ə ze vayn kàʼa ə ze pfɨse ghàs,

2 Pità 1:4

Ə̀ nyi èndom nə vɨ̂yn ə Zhə̀fè lwiynse tsɨ̂nè tɛ ə fe tè tsɨ̀ne nə fe tə fo tèfo tə m̀kɔʼnètè mə kɛve vayn kàʼa ə ve zhɔyn, ə te tsamte ghâsènì kə ə tə fɨ ə ghɛ əpi ghɛ njà èwìyn kyiŋə fa mbi. Zɨnə mə nə̀ nə̂ kə ghâsènì ə nyi chichi kə Fezhə̀.

2 Pità 3:14

E za nyi ə soyn sɨm sechûŋsè nə, kə ghàyn lɨmtə tuʼ nə vɛ, ghàyn mɔmse nâʼà è tyaʼa sə̂ zo, kyi va tsasze ə Zhə̀fè əshi, fɨnə ndamə è pɔ̂ynè sê vəyn.

1 Njɔyn 2:6

Ə̂ pìə pîndè nə zhi nyi sə “Afɨa àmɔ̀ʼ” yî Zhə̀fè, ə è və kyi sə̂ kwîə ə Njisə̀s Klâys ə tendom.

1 Njɔyn 4:17

Kûmə̀ nə ghâsènì nyì sə afɨa àmɔ̀ʼ ghasènyìə ghə̀ Zhə̀fè, kɔ̀ŋ zɛ ə ghâsènì kyi ə ghâsènì ə təm ndəmə̂ ndûə ndò se lwiyn ə kwəyn. Nyiəmə, ghâsènì tə nə̂ ə fânə̀ va ə fetuʼ fə saʼfe pîza ghâsènì tə nə̂ ə kyi ə̀təm ə tɛ se tyəmə̂ ə Zhə̀fè əshi, kûmə̀ nə ghâsènì ndamə kə kə̂ Klâys fa mbi.