1 Njɔyn 3:1 - Ŋwàʼlè ə̀ Fèzhə̀ Mkâyn Mə̂ Fèm

¹ Ghàyn fe kə Zhə̀fè kɔ̀ŋə̀ zaʼâ ghâsènì ə. Fe ə nə̀yn e tɔŋtə̂ ghâsènì nə ghɔ Fezhə̀ghè, mə ə̀ ndɨŋ nyi afɨa kɛ ə ghâsènì nyi kəynke. Pîza ghɨ ghɛ ə̀ nyi əghɨ ə mbighe fe kê va ghâsènì kə ghɔ Fezhə̀ghè kûmə̀ nə ghənə ke kepî va Zhə̀fè.

1 Njɔyn 3:1 Iomraidhean Croise

Tom èchùŋ kè kə Lûk tè nyaʼ 20:36

E tə nə̂ ə ze ə nyi nyî kûmə̀ nə ghənə tə nə̂ ə fɨnə kwuə va. Ghənə tə nə̂ ə nyi kepî eghɨ kə setsì, fɨyn nyi ə̀ghɔ Fezhə̀ kûmə̀ nə ghənə ə zòmə̀.

Njɔyn 1:12

Pîza, sê ghɨ mɔʼɔ ghɛ ə ghe tè fi ndzɨsê Vəyn ə pomə sê vəyn, è və fo àtyaʼ nə ghənə ə nyi ə̀ ghɔyn ə Fezhə̀ghè.

Njɔyn 11:52

È tè paʼà kwu ke sê ghənə. È və tè kwu kepî atu ə ghɔ Fezhə̀ ghɛ ə ghe chyâsè kə ghənə kɛse zûŋtè pə̂yn ə̀ nyi ke sə afɨa àmɔ̀ʼ.

Njɔyn 15:21

Ə nə nə̂ ə̀ghɛ nə ghɨ̂yn sê ghàyn nâʼà ə̀kɨ̂m ə Mì ezə, kûmə̀ nə ghənə ke va wùə vɛ ə è tom Mi.

Njɔyn 16:3

Ghɨ tə nə̂ ə̀ghɛ nə ghɨyn sê ghàyn kûmə̀ nə ghənə paʼà kê Pɨ̀a Vɨ̂m ə tàʼa ke Mi.

Njɔyn 17:25

Pɨ̀a Vɨ̂m ve èchùŋ vɛ ə ò nyi chichi! Mbi ke va Gho, pîza M ke Ghò, ghənə è ke nə ə̀ tom Ghô Mi.

Njɔyn 3:16

kə Zhə̀fè tè kɔ̀ŋə tsɛsə̀ mbi, ə fo Vâ ə̀ Vəyn mə è tè nyì ke èmɔ̀ʼ kə nâʼàpî ndè vɛ ə è pomə sê Vəyn tə tàʼa kwu pîza ə è kyi ndam zɛ ə ze tə mîə va.

Ŋwàʼlè ə̀ Pɔ̂l sê ghɨə Lûmghè 5:8

Ə̀ vachi zamə kə Zhə̀fè nə̀, kûmə̀ nə ndom vɛ ə è chwìtə̀ ətəyn nə è nyîə kɔ̂ŋə̀ ghâsènì nyi nə Klâys ə kwu ə ghâsènì elùʼ mə ghâsènì pa nyi ə̀ghɨ pighe.

Ŋwàʼlè ə̀ Pɔ̂l sê ghɨə Lûmghè 8:19

Nâʼà efɨa èkɨ̂m vɛ ə Zhə̀fè Pom nyîə lɨmtə̂ se shîŋə̀ nə kɛ ə Zhə̀fè tə tyə̂nə̀ paynsə̂ ghɔ Vəynghe.

Ŋwàʼlè ə̀ Pɔ̂l sê ghɨə Lûmghè 8:21

zhi nə̀ fɨsə̂ èfɨa nə vɨnə mə etyə̂ àtyaʼ kɛ ə ke nə̂ nə fɨave ə fîə, ə ghənə ə kyi kepî èndom se fiə kəpì epomsê zɛ ə Zhə̀fè nyi mə Fe ə fo sê ghɔ Vəynghe.

Ŋwàʼlè ə̀ Pɔ̂l sê ghɨə Lûmghè 8:32

Ə̀ vayn kàʼa ndəʼ nyi Fèzhə̀, ə fɛ ə fe tè tàʼa ghə̀ʼtè se fo Vâ vəyn se ghâsènì əkɨ̂m. È tè nji vəyn ə fo nə È kwu ə ghâsènì ətu ə̀kɨ̂m, nyiəmə, È tə fo va zayn fɨave ekɨ̂m vɛ ə ghâsènì pfɨfə sê vəyn ə?

2 Kolìŋ 6:18

ə mə nyi Pɨ̀a sê ghàyn, ə ghàyn ə nyi ə̀ ghɔyn ghɨmghe ndomə̀ghè è ghe zəynghe, ə̀ pi Fezhə̀, pɛ̀ àtyaʼ akɨ̂m.”

Ngàleshyà 3:26

Ghàyn əkɨ̂m nyi əghɔyn sê Zhə̀fè sə àfɨa àmɔ̀ʼ è Klâys Njisə̀s tɔynə̂ ə ghàyn ekyî epomə̂zè.

Ngàleshyà 3:29

Ə ghàyn nyi əghɨ Klâysə̀, ə ghàyn ə nyi əghɔyn sê Aplàghâm, ə ghàyn tə kyî àfɨa kɛ ə Zhə̀fè tè tsɨ̀ne sê ghɔyn ə vəynghe.

Kòlosè 3:3

Ghàyn e ke nə kə Klâys kwu, ə̀ nyì kəpiə ghàyn ə kwu kepî ghâynghə̀ vəyn.

1 Njɔyn 3:10

Zôyn ghàs kàʼa tsayn ghɨ ghɛ ə̀ nyi ə ghɔ Fezhə̀ghè, è ghɛ ə nyi ə ghɔ ndə̂plèghè. Nâʼàpî ndè vɛ ə è ndamə va chichi, kɔ̂ŋə̀ va ghɨ epomə̂ ə mɔ̀ʼɔghe, è paʼà ndò pəyn chi se Zhə̀fè.

1 Njɔyn 3:2

Soyn ghɨm ghe kɔ̀ŋə̀, ghâsènì kàyne nyi ə̀ghɔ Fezhə̀ghè, pîza Fe paʼà nyìəm chwitè nə ghâsènì tə pə̂ ə nyi zàyn shîŋə̀ kɛ ə Klâys tə kɛsə pə̂. Pîza ghâsènì ke ndô nə shîŋə̀ kɛ ə Klâys tə pə̂ ətəyn, ghâsènì tə nə̂ ə nyi ke kə Vəyn, kûmə̀ nə ghâsènì tə fe vəyn kè kə è nyi.

1 Njɔyn 4:17

Kûmə̀ nə ghâsènì nyì sə afɨa àmɔ̀ʼ ghasènyìə ghə̀ Zhə̀fè, kɔ̀ŋ zɛ ə ghâsènì kyi ə ghâsènì ə təm ndəmə̂ ndûə ndò se lwiyn ə kwəyn. Nyiəmə, ghâsènì tə nə̂ ə fânə̀ va ə fetuʼ fə saʼfe pîza ghâsènì tə nə̂ ə kyi ə̀təm ə tɛ se tyəmə̂ ə Zhə̀fè əshi, kûmə̀ nə ghâsènì ndamə kə kə̂ Klâys fa mbi.

Etyə̂yn ə paynsêzè 21:7

Ə̀ nò zhi nâʼà pîndè, m fo fɨa vɨ̀nə sê vəyn, m mə nyi Fezhə̀ fə vəynfe, è ve nyi vayn vɨ̂m.