1 Njɔyn 2:4 - Ŋwàʼlè ə̀ Fèzhə̀ Mkâyn Mə̂ Fèm

⁴ “Ə wùə pìə nə e ke ndô Zhə̀fè”, pîza ndə̂mə̀ va lwɔ̂ŋ ə Vəynve, ə è və nyi wùə àkaŋ, səmɔʼ e va ə vəyn ətəm.

1 Njɔyn 2:4 Iomraidhean Croise

Njɔyn 8:44

Ghàyn nyi əghɔ pɨ̀a vâynvè, ndə̂plè, kɔ̂ŋɔ̀ kə sə chûmtə̀ tè kwaʼtè tə vəynte. È tè zhwiə əghɨ kè ə zhə̀te, wàmnə̀ va ghɛze səmɔʼ kûmə̀ nə è kyi va səmɔʼ. Shîŋə̀ kɛ ə è wamə kaŋke, è lotə̂ wamnə̀ kə èwâmnè ə vəynze, kûmə̀ nə è nyi wùə àkaŋ, nyi pɨ̀a sê kwaŋve.

Taytùs 1:10

M piə nyi kûmə̀ nə ghɨ tsɨəghe ə ghàyn əfètəyn zɨtə va, tsɨnə̀ wâmnə̀ kə tèwâmnè tezomte, fɨnə lesə̂ ə ghɨ. Ghɛ nə ghɨnə mə tsɨ̂ə ə fètəyn ə̀ghɨ ghɛ ə ghe pîə zûŋsə̀ nə wùə kàʼa è kyi ke èsɔzaze ezhoghɛ ə se nam ə vəynghe.

Taytùs 1:16

Ghənə kaŋkaŋa pîə nə ghənə ke ndo Zhə̀fè, pîza ndam ə ghənə̂zè e tyə̂nə̀ nə ghənə ə tə vəyn. Ndam tə ghənə̂tè nyîə kwə̂mnə̀, ghənə e tɛ ètuve, mə ghənə vayn kàʼa nəyn nâʼà èghɛ zhîze mə ə̀ nyi eghɛ echûŋzè.

1 Njɔyn 1:10

Ə ghâsènì pìə nə ə pâʼà nə̀yn pi, ə ghâsènì ə njiə vəyn sə wùə àkaŋ, tom ə vəyn e kyi va luʼve ə ghâsènì endam.

1 Njɔyn 1:6

Ə ghâsènì sè piə nə ghasènìə ghə̀ Zhə̀fè nyì sə afɨa àmɔ̀ʼ pîza fɨnə kwîə alɨm, ə ze ə tyə̂nə̀ nə ghâsènì wamə àkaŋ, nə̂ va ghɛ zɛ ə ze nyi səmɔʼ.

1 Njɔyn 1:8

Ə ghâsènì piə nə ghâsènì kyi va fɨ̂atə̀ fə pife ə ghâsènì endam, ə ghâsènì ə lesə̂ kə sèngɨŋ sə ghasènìse, səmɔʼ e va ə ghâsènì ətəm.

1 Njɔyn 2:3

Ə ghâsènì ndə̀mə̀ lwɔ̂ŋ ə Fezhə̀vè, ə zə nyi səmɔʼ nə ghâsènì nyîə ke Fəynfe.

1 Njɔyn 2:9

Ə̀ pìə pîndè nə e ndamə epayn, pîza pa pânə̀ ànyìə vəyn, ə ze ə tyə̂nə̀ nə è pa ndamə kə alɨm.

1 Njɔyn 3:6

Pîndè vɛ ə è ndamə kə Klâys vayn kàʼa è nəyn pi. Pîza nâʼàpî ndè vɛ ə è ndù kə shi sə nə̂ pi tyə̀nə̀ nə è pâʼà tyəmə̂ fe vəyn, pî se ke vəyn.

1 Njɔyn 4:20

Ə ghâsènì pìə nə ə nyiə kɔ̂ŋə̀ Fèzhə̀, pîza pâynə̀ ə̀ghɨ mɔ̀ʼɔghe, ə ghâsènì ə nyi ə̀ghɨ akaŋə. Kûmə̀ nə ghâsènì vayn kaʼa kɔŋ Zhə̀fè mə ə paʼà fe Fəynfe, mə ghâsènì kɔ̀ŋə̀ va ghɨ ghɛ ə ghâsènì fe.

1 Njɔyn 4:7

Ghɔnyì ghɨmə, ə ghâsènì ə kɔŋə̀ sèngɨŋ sə ghasènìse, kûmə̀ nə kɔ̂ŋè ndò pə̂ se Zhə̀fè. Nâʼàpî ndè vɛ ə è kɔ̀ŋə̀ nyi va Fèzhə̀, ke Fèzhə̀.