1 Njɔyn 2:3 - Ŋwàʼlè ə̀ Fèzhə̀ Mkâyn Mə̂ Fèm

³ Ə ghâsènì ndə̀mə̀ lwɔ̂ŋ ə Fezhə̀vè, ə zə nyi səmɔʼ nə ghâsènì nyîə ke Fəynfe.

1 Njɔyn 2:3 Iomraidhean Croise

Tom èchùŋ kè kə Lûk tè nyaʼ 6:46

Kûmə̀ ghè ə ghàyn tɔŋtə kə mi nə ‘Pɛ̂, Pɛ̂pɛ,’ shîŋə̀ tèkɨ̂m, nə̂ va ghɛ zɛ m piə sê ghàyn ə?

Njɔyn 14:15

Njisə̀s ə pìə kwəynsə̂ nə, “Ə ghàyn kɔ̂ŋɔ̀ mi, ə ghàyn ə ndə̂mə̀ tèsaʼ tɨmte.

Njɔyn 15:10

Ə ghàyn ndə̀mə̀ lwɔ̂ŋ vɨmve, M mə pa kɔ̂ŋɔ̀ kə ndò ghàyn. E nyi kepî èghɨ kə M ndəmə̀ lwɔ̂ŋ ə Pɨ̀a vɨ̂mvè, è pa kɔ̂ŋɔ̀ kə ndò Mi.

Njɔyn 15:14

Ə ghàyn ə nyi sèsoyn sɨmse ə ghàyn nə̀ ghɛ ghɛ m tsâ sê ghàyn.

Njɔyn 17:3

Mə ndam zɛ ə ze tə mîə va nyi se kê ə gho Zhə̀ fɛ ə Fe nyi səmɔʼ è kɨsè Njisə̀s Klâys vɛ ə ò tom.

2 Kolìŋ 4:6

Zhə̀ fɛ ə Fe tè pi nə, “Payn tə panə əfètə̂ àlɨm.” Ə̀ nyì kepî Fezhə̀ Fə təynfe ə Fe nə̂ nə payn ə Vəynze ə panə ə ghâsènì ətəm, kə ze pəyn ghâsènì è tɔf ə epomsê ə Fezhə̀zè mə ze panə ə Klâys ekyàʼ.

Ipilù 5:9

Ə̀ tè nyì kə è kwəyn mɨ̂sè kə Zhə̀fè tè kyiŋə nə è və nyi, fə ndə̀mə̀ vəyn sə Wûə èsɔza sê ghɨ ghɛ ə ghe zɨə vəyn, nə è və nyi sɔ̀zà ghənə̂ sə teshɨ̀ŋə̀ tèkɨ̂m.

1 Njɔyn 2:13

M nyâʼà ə̀ghɛ nə ghɨyn sê ghàyn ə pɨ̀aghe kûmə̀ nə ghàyn nyi mə ghàyn ə kê Vəyn vɛ ə è tè nyi ə zhə̀te. M nyâʼà əghɛ nə ghɨyn sê ghàyn ə ngwàʼ ə wùə kûmə̀ nə ghàyn se nyi mə ghàyn ə tɛ tsɛ wùə èpi.

1 Njɔyn 3:14

Ghâsènì ke ndô nə ghâsènì ə tɛ tsɛ tyaʼa ekwuke, kyi èndam zɛ ə ze tə mîə va, kûmə̀ èkɔ̂ŋ zɛ ə ghâsènì kyi sê ghɔnyì ə ghasènìghe. Wùə vɛ ə è kɔ̀ŋɔ̀ va ghɔnyiə vəynghe pa nyi ke etyə̂ àtyaʼ ə ekwuke.

1 Njɔyn 3:19

Ə̀ nyi endom nə vɨ̂yn ə ghâsènì kê nə ghâsènì nyi ə ghɨə səmɔʼghe. Ə̀ nyi nyiəmə kə ghâsènì tə nə̂ ə kyi va fâynzè se tyəm ə Zhə̀fè ə shi.

1 Njɔyn 3:6

Pîndè vɛ ə è ndamə kə Klâys vayn kàʼa è nəyn pi. Pîza nâʼàpî ndè vɛ ə è ndù kə shi sə nə̂ pi tyə̀nə̀ nə è pâʼà tyəmə̂ fe vəyn, pî se ke vəyn.

1 Njɔyn 4:13

Ghâsènì nyiə ke nə ghâsènì ndamə sə afɨa àmɔ̀ʼ è Zhə̀fè, è kɨsè nə Zhə̀fè ndamə sə afɨa àmɔ̀ʼ è ghâsènì, kûmə̀ nə È və fo Zuʼ sə Vəynse sê ghâsènì.

1 Njɔyn 4:7

Ghɔnyì ghɨmə, ə ghâsènì ə kɔŋə̀ sèngɨŋ sə ghasènìse, kûmə̀ nə kɔ̂ŋè ndò pə̂ se Zhə̀fè. Nâʼàpî ndè vɛ ə è kɔ̀ŋə̀ nyi va Fèzhə̀, ke Fèzhə̀.

1 Njɔyn 5:19

Ghâsènì nyiə ke nə ghâsènì nyi əghɔ Fezhə̀, ke kepî nə wùə èpi nyi wùə vɛ ə è kyi ghɨ ghɛ ə ghe ke va Zhə̀fè.

1 Njɔyn 5:2

Ghâsènì kàʼa ə ke nə ə kɔ̂ŋɔ̀ ndò ghɔ Fezhə̀ ezhoghɛ ə kɔ̂ŋɔ̀ vəyn, nə̂ ə̀ghɛ ghɛ ə lâŋ ə Vəynke pîə.

1 Njɔyn 5:3

Ə ghâsènì fɛtə kɔ̂ŋɔ̀ Zhə̀fè, ə ndə̀mə̀ elwɔ̂ŋ ə vəynve. E tɛ va se ndə̀m ə elwɔ̂ŋ ə vəynve,

Etyə̂yn ə paynsêzè 12:17

Ndlangɔ̀yn ə̀təyn ə nyɔʼsə̀ ètɔŋ sê wùzhɔyn ə̀təyn nâʼà sə ŋaŋ ə ndò ndùə ndwîsə̀ èghɔŋ sê tɔŋ ə ndɛ ə wùzhɔyn ətəyn vɛ ə ghənə tè faŋ, ə nyi ə̀ghɨ̀ ghɛ ə ghe tè ndə̀mə lwɔ̂ŋ ə Fezhə̀vè, fɨnə fɛtə kyiə səmɔʼ zɛ ə Njisə̀s tè tyə̀n paynsê.

Etyə̂yn ə paynsêzè 14:12

Zɨnə mə tyə̂nə̀ nə ghɨə Fezhə̀ kyi sə̂ kyi ekol ətəmze, əghɨ ghɛ ə ndə̂mə̀ saʼ tə Fezhə̀tè, pomə sê Njisə̀s è təm ə ghənə̂ghè əkɨ̂m.

Etyə̂yn ə paynsêzè 22:14

Saŋnêzè nyì sê ghɨ ghɛ ə ghe ndə̂mə̀ lwɔ̂ŋ ə vəynve, kə ghənə ə kyi èndom se zhi ə fekàʼ fə endaməfe, è kɨsè se tsɛ̀ echô mbàyn se njiə ndù ə tɔ̂ŋ èghaʼâ.