1 Njɔyn 2:1 - Ŋwàʼlè ə̀ Fèzhə̀ Mkâyn Mə̂ Fèm

¹ M nyâʼà əghɛ ghɨ̀yn sê ghàyn ə ghɔyn ghɨmə kə ghàyn ə fɨnə nə̂ va ghɛ ə piə. Pîza, ə nə̂ pîndè ghɛ epi, ə è və ke nə ghâsènì nyiə kyi wùə chichi, ə̀ nyi Njisə̀s Klâys, È ve chyatə̂ Pɨ̀a ə ghâsènì elùʼ.

1 Njɔyn 2:1 Iomraidhean Croise

Tom èchùŋ kè kə Lûk tè nyaʼ 10:22

Kə è wàmnè zâ ə ke pi sê chùmtè epàm sə vəynse nə, “Pɨ̀a vɨm ə fo fɨave ekɨ̂m sê mi. Wùə fɛtə kê va wùə vɛ ə Vayn nyi vəyn, ə tsɛ̂ kəva Pɨ̀a. Wùə e fɛtê ke va wùə vɛ ə Pɨ̀a nyi vəyn ə tsɛ̂ kəva Vayn, è ghɨ ghɛ ə Vayn chɔʼ se tyə̀nə paynsê ə Pɨ̀a sê ghənə.”

Njɔyn 10:15

Kèpî èghɨ kə Pɨ̀a Vɨ̂m ke Mi, M ke ndô Vəyn. M kaʼa M kwu kûmə̀ sè ndzè sɨmse.

Njɔyn 13:33

Ghɔnyì ghɨmə, M fɨyn va sə̂ nyi ghâsènì sə aghaf. Ghàyn nə̀ kyiŋə mi mɔŋ, pîza M tsâ sê ghàyn zôyn, kè eghɨ kə m se nyi mə mə tsàyn sê ghɨ atyaʼa Njûsə̀, ə̀ nyì kepî za kə M tsâ sê ghàyn nə ghàyn vayn kaʼa ndu elùʼ vɛ ə M ndûə ətəyn

Njɔyn 14:16

M nə̀ pfɨfə sê Pɨ̀a ə È fo Tsàmtè ə̀mɔ̀ʼɔ̂ se ghàyn, mə è nə̀ ndamə faŋə ghâynghə̀ ghənə.

Njɔyn 14:6

Njisə̀s ə pìə sê vəyn nə, “Ə̀ nyi mi ndom vɛ ə ve ndûə sê Pɨ̀a vɨ̂m, səmɔʼ ndô pə̂ sê Mi, ə̀ nyi Mi vɛ M fo ndame. Wùə vayn kàʼa è ndu sê Pɨ̀a vɨ̂m, ə va nə è tɔyne ə mi.

Njɔyn 21:5

Njisə̀s ə tɔŋɔ pfɨfə sê ghənə nə, “Ghàyn pâʼà ko fɨake ə soyn Sɨmse?” Ghənə ə pə̀ynsə̀ nə, “Ə pâʼà ko.”

Njɔyn 5:14

Ə mòtə̀ tso, Njisə̀s ə fɨnə fe vəyn ə Ndɛ Ètsə̀mə ə pìə sê vəyn nə, “Zɨte, o tɛ zôyn. Kə ò fɨyn nəyn pi, ə va za ə ghɛ e kyayn sê ghò, ə zə kwûəmnə̀ kə nyi.”

Njɔyn 5:36

Pîza, M kyi ndô tsɛ̀ èsaʼ è tsɨ̂ə tsɛ vɛ Njɔyn tè kyi. Fɨ̂aʼ tɛ M nə̂, mə nyi tefɨaʼ tɛ ə Pɨ̀a Vɨ̂mvè tè fo nə Mə nə̂, fɨ̂aʼ tə təynte wâmnə̀ ndò ə Mì azhəm chwîtə̀ nə ə̀ Mi tè tom Pɨ̀a.

Njɔyn 6:27

Kə ghàyn nə fɨaʼa sê fɨazhiə vɛ ə ve pofə, ghàyn è pɨlə fɨaʼà sê fɨazhiə vɛ ə ve kyi ndam zɛ ə ze tə mîə va. Ə̀ vɨnə nyi efɨazhiə vɛ ə Vâ Wùə tə fo sê ghàyn kûmə̀ nə Zhə̀fè, mə za nyi Pɨ̀a, nyi mə È və ndə̀m chwìə èfɨ̀aʼa ə Vəyn wìyn.”

Njɔyn 8:11

Wùzhɔyn ətəyn ə pə̀ynsə̀ nə, “Nâʼà wùə èmɔ̀ʼ pâʼà faŋ ə Pɛ̀ apɨəyn.” Njisə̀s ə pìə sê vəyn nə, “Nâʼàpî Mi nə̀ pɔŋɔ pîə va nə ə zhwi ghô. Ndo kwɨlə pîza kə ò kɛse nəyn pi.”

Ətefɨ̂aʼ 7:52

Ə̀ nyi fɨ̀aʼtè èkè ə ghə̀pɨ̀a ghayn ghəshiə tè tàʼa fo ngəʼ sê zə̂yn ə? Ghənə ə tə zhwitê ghɨətom ə Fezhə̀ nâʼà ə̀kɨ̂m etuʼ ə shi. Ə̀ nyi ghənə ə tè tsayn pə̂ ə wùə Chichi ə̀ Fèzhə̀zè. Ə̀ nyi Vəyn vɛ ə ghàyn pəʼle ə fɨnə zhwiə.

Ŋwàʼlè ə̀ Pɔ̂l sê ghɨə Lûmghè 5:10

Pi kə ghâsènì tè nyi se pàyn sə Fezhə̀sè, È və pa nə̂ kə ndò nə ghâsènì ə nyi choze emɔ̀ʼ è vəyn, kûmə̀ èkwu ə Vâ vəynze. Kə ghâsènì se nyi choze mɔ̀ʼ ghasènyìə ghə̀ Zhə̀fè, kə Vâ Vəyn nyi etwɔ, ə̀ tə nə ə nyi ə mɨ̀se ə È sɔza ghâsènì.

Ŋwàʼlè ə̀ Pɔ̂l sê ghɨə Lûmghè 6:15

Ghâsènì nə̀ pîə nə ghe zo ə? Kə ghâsènì nyi etyə̂ àfùʼ ə Fezhə̀kè, ghâsènì kyi ndô sə nə̂ nduə kə pi kûmə̀ nə ghâsènì fɨyn va etyə̂ àlâŋ ə? Ngaŋngaŋ e vachi za.

Ŋwàʼlè ə̀ Pɔ̂l sê ghɨə Lûmghè 8:34

Ə̀ tə pîə ndè nə ghâsènì ə pfɨ̀ saʼa? Njisə̀s Klâys tè kwu, ə zòmə̀, ə tsɨsə̂ ə Zhə̀fè ekɔyn twɔve, ə̀ nyi fumə ə è tə nə̂ ə è və chyatə̂ Fèzhə̀ ə ghâsènì elùʼ.

1 Kɔlìŋ 15:34

Ghàyn kɛse pəyn ə ghàyn ə tetɔf ə kəmne ə ghàyn ə tendom tə pite. M pîə nyi kə ghàyn ghomə kûmə̀ nə ghàyn yîghe keva Zhə̀fè.

2 Kolìŋ 5:21

Nâʼà Klâys è ngɨŋ ə̀ Vəyn tè paʼà nə̀yn pi, pîza kûmə̀ ghâsènì, Zhə̀fè ə njìə Vəyn sə wùə èpi kə ghâsènì tɔynə̂ ə Vəyn ə nyi chichi ə Zhə̀fè əshi.

Ngàleshyà 4:19

Ghɔyn ghɨm ghe chûŋə̀, m fɨnə zɨə ètɨ̂m kûmə̀ ghàyn eghɨ kə nyìə vayn ashìŋə̀ kɛ vayn zafə, se zaʼâ kə ghàyn nə ndam èndam zɛ ə Klâys kyi.

Ɛfesùs 2:18

Ə̀ nyì ke kûmə̀ Klâys ə ghâsènì əkɨ̂m kyi Zuʼse mɔ̀ʼ mə ə kaʼa ə ndu ə Pɨ̀a əshi, kə əkɨ̂m.

Ɛfesùs 4:26

Ə ghɛze zafə wùə, kə è nəyn pi. Kə ghɛ tə zaf, ə è nə̂ nyiŋə è zəynze ə vəyn endwɔ̀.

1 Timotì 2:5

Kûmə̀ nə ə̀ nyì ke Fèzhə̀ fèmɔ̀ʼ, ə̀ fɨyn nyi ke wùə èmɔ̀ʼ vɛ è njìə pə̂ Zhə̀fè yî ghɨ kaʼke amɔ̀ʼ, wùə nə vɛ nyi Klâys Njisə̀s,

1 Timotì 3:14

M nyâʼà ŋwàʼlè zɨnə sê ghò, kyi ke nâʼà èkwâʼtè nə m nə̀ nyɨŋə pə̂ fe ndò ghò,

Ipilù 9:24

Klâys tè paʼà nji ə Elùʼ Eŋwaʼve mə ə̀ pɛ əghɨ msɔ̀ŋghe, eluʼ mə tè nyi afusè elùʼ ə kə semɔʼke. Klâys tè ndù ke nâʼà ekwùtwəyn ə Zhə̀fè ə ngùŋ, è zo chyatə̂ fəynfe ə ghâsènì azhəm.

Njə̂m 1:27

Ghɛ zɛ ə Zhə̀fè mə nyi Pɨ̀a njìə nə ə̀ nyi endom vɛ ə ve zo, kwəynə̂ se chùmtè ə Fezhə̀ ətəyn nyi nə, ə tɔ̀ʼnə̀ è ghɔkwuə, è zhwiə kwughe ə ghənə ezə ngəʼze, fɨnə tɔ̂ʼnə̀ è ngɨŋə̂ vəyn nə kə ghɨ ə mbighe tə nəyn vəyn nə è və nə̂ ə̀ghɛ ə nyələ ghɛ ə ghənə nə̂.

Njə̂m 3:9

Ghâsènì tsîtə̀ Pɛ̂pɛ vɛ ə è nyi Pɨ̀a ghâsènì è ndəmke, sôylə̀ kəpì ə̀ghɨ msɔ̀ŋghe mə ə̀ pom Fezhə̀ ghe fusə̂ vəyn è ndəm nə kɛ̂.

1 Pità 2:22

Ə nyàʼ ə Ŋwàʼlè ə̀ Fèzhə̀ nə, “È tè paʼà nə̀yn ghɛ epi zhîze, ə tàʼa tyəmə wam akaŋ nâʼà səkɔs.”

1 Pità 3:18

M pîə nyî kûmə̀ nə Klâys tè kwu ke shîŋə̀ze emɔ̀ʼ ətû ə̀ghɨ̀ ə pighe. È tè nyi wùə ə̀ chichi, ə kwuə kə è kàʼa è nji pəyn è ghâsènì sê Zhə̀fè. Ə̀ tè zhwi vəyn pîza Zuʼsə Fezhə̀sè ə nə̀ è və zòmə̀.

1 Njɔyn 3:18

Ghɔyn ghɨmə, kə ghâsènì ə kɔ̀ŋɔ̀ kə è choze. Ghâsènì kyi sə̂ tyə̂nə̀ èkɔ̂ŋ əghɛ ghɛ ə ghâsènì nə̂, kɔ̀ŋɔ̀ kə nâʼà səmɔʼ.

1 Njɔyn 3:5

Ghàyn ke nə Klâys tè pə̀yn ə mbi se kəʼsê ə sepi sə ghasènìse. È pâʼà tyəmə̂ nə̂ pi zhîzè.

1 Njɔyn 3:7

Ghɔyn ghɨmə, Kə ghàyn za nə wùə lese ghàyn. Nâʼàpî ndè vɛ ə è nə̀ ghɛ zɛ ə ze nyi chichi, è nyi chichi kè kə Klâys nyi chichi.

1 Njɔyn 4:4

Pîza ghàyn nyi ə ghɔ Fezhə̀ghè ə ghɔyn ghɨmə mə ghàyn ə nò zhi fɨ̀aʼtè sə akaŋse, kûmə̀ nə zuʼ sɛ ə se nyi ə ghàyn ewìyn nyîə kyi àtyaʼ ke tsɨ̂ə tsɛ̂ kə ghɨ̀ kɛ ə ghənə nyi ə mbi.

1 Njɔyn 5:17

Nâʼà əghɛ pighe əkɨ̂m nyi pi, pîza, pi zhizè e nyi zɛ ə è va se chyâsè ə wùə yî Zhə̀fè.

1 Njɔyn 5:21

Kə ghàyn tə twɔm kyî èghɛ zhîze se nə̀yn ghâyn ghə̂ zhə̀tè mə̂ àkaŋàm ə ghɔyn ghɨmə.

3 Njɔyn 1:4

Ghɛ zhîze va ə ze kaʼa ze nəyn, ə m fɨyn tɔʼ saŋne tsɛ̂ kə m zɨ nə ghɔyn ghɨmə tyəm ke eghɛ zɛ ə ze nyi səmɔʼ.