1 Njɔyn 1:1 - Ŋwàʼlè ə̀ Fèzhə̀ Mkâyn Mə̂ Fèm

¹ Ghàs tsà sê ghàyn kûmə̀ tom zɛ ə è fo ndamze. Tom nə zɨ̂yn tè nyì ndò tsɔ̀fə kə mbi zhə̀te. Ghàs ə tè zɨ kə è tè wàmnə̀ sə ghàs ə ngɨŋ, ə fe kə nâʼà vəyn è shi ghasə ə fɨnə kûmə̀ kə nâʼà vəyn è gho ghasə sè wâmnə̀ zôyn kûmə̀ vəyn.

1 Njɔyn 1:1 Iomraidhean Croise

Tom èchùŋ kè kə Lûk tè nyaʼ 1:2

Ghənə nyaʼ əghɛ mə ghâsènì əkɨ̂m əzɨ sê ghɨ ghɛ ə tè fe ghɛ tə kè se zhə̀tè kə ghe tè kyànə tsɔ̀fə kə ghənə faŋ ə tsâ.

Tom èchùŋ kè kə Lûk tè nyaʼ 24:39

Ghàyn naynə̂ kə gho ghɨmə e ghol ghɨmə. Ə nyi mi nyi. Ghàyn kom kè nâʼà mi ə fe səmɔʼ kûmə̀ nə wùəchi kyi va njà ewiyn e kɨ̀sə wofe ewiyn nyiə kə m kyi.”

Njɔyn 19:35

Ə̀ ghɛ nə zɨnə tsayn wùə vɛ ə è tè fe kə ze kyaynə̀. È ke ndô nə zhi wâmnə̀ kə səmɔʼ, tsâ èghɛ nə zɨ̂nə̀ kə ò zɨ ə ò pɔŋ pomə̂.

Njɔyn 20:27

È və pìə sê Tɔ̀mɔ̂s nə, “Ndə̀m paŋ fɛfe aghofe fâyn elùʼ ə naynə̂ ə̀gho ghɨmghə. Nɛ̀se pə̀yn gho kɛke ə ndə̀mə̀ ə mi etipì. Pomə, kə ò fɨyn mɛnê kɨsè, pomə.”

Njɔyn 5:26

Kè kə Pɨ̀a è ngɨŋə̂ Vəyn nyi eluʼ vɛ ə ndame ndô ətəyn, ə̀ nyì kepî famə endom ə È nə̀yn nə Vayn ə nyi eluʼ vɛ ə ndame ndô ətəyn.

Njɔyn 8:58

Njisə̀s ə pə̀ynsə̀ sê ghənə nə, “M piə sê ghàyn səmɔʼ nə, ə tè piə piə Aplàghâm mə ‹M nyîə nyi!›”

Ətefɨ̂aʼ 1:3

Ə̀ tè nyi kə Njisə̀s fe ngəʼ èghaʼâ ə kwuə ə kɛsə zômə̀, È və tyə̀ynə̀ ngɨŋə̂ Vəyn sê ghɨətom ə Vəynghe nə zhi ə zòmə̀ səmɔʼ. È və nə̀ nyi ə tendom ə tendom, sə teshìŋə̀ se tsɨ̀ əfètəyn m̀tuʼ m̀ghɨm m̀kyàʼ, ə fɨnə wâmnə̀ sê ghənə kûmə̀ èfɔ̂yn ə Fezhə̀vè.

Ətefɨ̂aʼ 4:20

Ghàs vayn kàʼa kɨmte cho ghasghe sə̂ pîə kə èghɛ zɛ ə ghàs fe ə fɨnə zɨə.”

Ipilù 2:3

E za tyə̀nə̀ nə, kə ghâsènì se nyi mə zɨə ghɛze kûmə̀ èsɔza ekayntə zɛ ə Zhə̀fè fo, ə ghâsènì tàʼa zɨ, ə ghâsènì tə tàʼa tə fɨ ə ngəʼ zɛ ə Zhə̀fè nyi se tə fo. Tom nə zɨ̂yn nyi mə ə̀ tè ndàʼa ke nâʼà Pɛ̂pɛ sə shi, ghɨ ghɛ ə ghe tè zɨ, ə tə tyə̀yn paynsê sê ghàs nə ze nyi ke nâʼà səmɔʼ.

1 Njɔyn 4:14

Ghâsènì ə fe, tsâ ndûə se ghɨə mɔ̀ʼɔ nə Pɨ̀a ə tə tom Va vəyn nə è və nyi sɔ̀zà ə̀ mbi.

1 Njɔyn 5:7

Kûmə̀ nə ə̀ nyi əghɨ ə̀ ta ə ghe tyəm tsɛ̀ èsaʼ ekwùtwəyn, ə̀ nyi pɨ̀a, è vayn, è Zuʼse Ŋwaʼase. Ghɨ nə ghɨnə mə ə ta nyi sə afɨa àmɔ̀ʼ. Ndomte nyi teta se kê ə səmɔʼ kûmə̀ Njisə̀s.

Etyə̂yn ə paynsêzè 1:11

ə pìə nə, “Nyàʼ ghɛ ghɨnə ə ò fe nyi ə tiynsə̂ ŋwàʼlè ə̀təyn sê ndɛ sə Fezhə̀sè esɛ̀mbɛ sɛ ə se nyi ə setɔ̂ŋ seghaʼâsè esɛ̀mbɛ mə za nyi Ɛfesùs, è Sɨ̀minà, è Pengamùm, è Tyàtilà, è Sandìs, è Fìlàndefìyà, è Làndisyà.”

Etyə̂yn ə paynsêzè 1:8

Pɛ̂ Zhə̀fè pi nə, “M nyi zhə̀te fɨyn nyi kwùŋse. Ə̀ nyi fəynfe ə fe nyi, mə fe tè nyiə nyi, nyi se tə pə̀yn, ə pɛ̀ àtyaʼ akɨ̂m.”

Etyə̂yn ə paynsêzè 19:13

È tè nyi mə è və màʼ pfɨ̂fè mə ə tsɨ̀ mndəm, zɨə vəynze e nyi nə, “Tom ə̀ Fèzhə̀.”

Etyə̂yn ə paynsêzè 2:8

“Nyàʼ ŋwàʼlè sê tsì ə̀ ndɛ ə̀ Fèzhə̀ ə Sɨ̀minà nə: ‹Tom zɨnə ndò sê mi vɛ ə m nyi Zhə̀te fɨyn nyi kepî Kwùŋse, ə mi vɛ ə m tè kwu ə kɛsə̂ pə̂ endam.