फिलिप्पि 4:8 - बारेली पावरी

⁸ इनान कोरता हे भाशो जे-जे वाते खोरला छे, एने जे-जे वाते आदोरोन छे, एने जे-जे वाते सही छे, एने जे-जे वाते चुखला छे एने जे-जे वाते वारू एने जे-जे वाते मोन भावनि, मतलब जा बी वारला गुणे एने बोढाईन वाते छे तीना पोर ध्यान लागाळू.

फिलिप्पि 4:8 Iomraidhean Croise

मत्ती 22:16

ओवतेन चे आपना चेलानुक हेरोदोन हाते येसुनचा यो कोयने मुकल्या कि, “हे गुरु, आमु जानतेला कि तू खोरलु छे, एने परमेश्वरोन वात खोरला रितीसी सीखाळतलु, एने कुदान पोरवा नी कोरतेलू, काहाकि तू माणसोन मूय देखीन वाते नी कोरतेलू.”

मरकुस 6:20

काहाकि हेरोद योहान काजे धोरमी एने चुखला माणसे मानीन तीना काजे बिहतु होतु, एने तीना काजे वाचाडीन राखतू होतु, एने तेरी वाते सोमवीन घोनु बिहतु होतु, बाकीन खुशीसी सोमवतू होतु.

लुका 16:15

चू तीनु काजे कोयू, तुमु ते माणसोन सामने खुदो काजे धोरमी ठेरावणेन, बाकीन परमेश्वर तुमरो मोन जानतेला छे, काहाकि जो चीज माणसोन नोजोरसी महान छे, चू परमेश्वरोन साते भुंडला छे.

लुका 2:25

यरुशलेममा शिमोन नावोन एक माणूस होतु, एने चू माणूस धोरमी एने भोक्ती कोरणे वावु होतु; एने इस्राईलोन शांतीन कोरीन वाट जुवतू होतु एने पवित्र आत्मा तेरे उपर होती.

लुका 23:50

चा युसूफ नावोन एक मोटली सभान एक मेंबर होतु चू वारलु एने धोरमी माणूस होतु.

योहान 7:18

जू आपनेनचा गोथो काहीन कोरतेलु छे, चू आपनीत बोढाई चाहतलु छे; बाकीन जो आपुक मुकलने वावान महिमा जुवतली छे चू खोरलू छे, एने तीनामा अधोरमोन नि होय.

प्रेषित 10:22

चे कोया कुरनेलियुस सुभेदार जू धोरमी एने परमेश्वरोक बिहीने वावू एने आखा यहुदि जातीमा धोरमी माणूस छे, चू एक चुखला सोरग दूतो सी यो दर्शन देखलू कि तुसेक आपने घोर बुलावीन तारा मुयसी वचन सोमवे.

प्रेषित 22:12

तेत्यार हनन्या नावोन एक माणूस जू नियमोन भक्त होतु चा रोयने वावा आखा यहुदिमा मोटू पुढारी होतु.

प्रेषित 6:3

इनान कोरता, हे भाशो, आपनेमा सात पुढारी माणसो काजे जे पवित्र आत्मा एने ग्यानसी भोरायला होसे नेवाळ लेसू, कि आपनु तीनु काजे इना कामोन कोरता नेम देजे.

रोमी 13:13

जोसो दाहळा काजे शोभा आपतलु, तोसोच आपनु बी सुधा चाल चालनो, नी कि खाण्या पिण्या एने मोंदळ्या एने मोटकाईमा नी भुंडला विचारमा एने काम कोरनेन मोर्जीमा, एने नी झोगळामा एने नी रीस धोरणेमा.

रोमी 13:3

काहाकि अधिकारी वारला कामोन नी होय, बाकीन भुंडला कामोन कोरता बिहनेन वोजा छे; आखरी ओगर तुमु अधिकारीक नि बिहीता रोयनेन कोरायतेला ती वारलो काम कोर, एने तेरा तोरोफसी तारी बोढाई होयसे,

रोमी 14:18

जू कुदू इना रितीसी मसिहन सेवा कोरतेलु चू परमेश्वरोक गोवतेलु एने माणसोमा स्वीकारोन लायक ठेरायतलु छे.

रोमी 2:29

बाकीन यहुदि चा छे, जा डीलमा छे, एने सुंता छे, जो मोनोन एने आत्मामा छे, नि ते लेखोन, असो कि बोडाय माणसोनचा गोथा नि, बाकीन परमेश्वरोनचा छे.

1 कुरीन्थियो 4:5

इनान कोरता जेतार तोक प्रभू नी आवे, टेमोन पेहेले काहणी वातोन नियाव मा कोरू; चू आंदारलाम डूकायली वाते विजावामा देखाळसे, एने मोनोन अभीप्राय काजे प्रकट कोरसे, तेत्यार परमेश्वरोनचा गोथो होर एकोन बोळाय होयसे.

2 कुरीन्थियो 13:7

आमु आपना परमेश्वरोनचा जी प्रार्थना कोरतेला छे, कि तुमु काहणी बुराई नी कोरे, इनान कोरता नी कि आमुक खोरलो देखाय पोळे, बाकीन इनान कोरता कि तुमु बुराई कोरु, भोले आमु बिन कामोन ठेराये.

2 कुरीन्थियो 6:8

आदर एने नी आदर सी, भुंडलो नाव एने वारला नावोसी कोदापी भूलवाडने वावा जोसा मालूम होयतला छे ते बी खोरलो छे;

2 कुरीन्थियो 8:18

आमु तुमरे साते तिना भाशो काजे मुकली देदा जेरे नावे वारली खोबरोन बारामा आखा मंडवीमा पुग गोयलो होतो;

2 कुरीन्थियो 8:21

काहाकि जी वाते निसतो प्रभून वाते नि बाकीन माणसो साते भोली छे, आमु तीनुन चिंता कोरतेला.

गलातियों 5:22

बाकीन आत्मान फोव, मोंग, खुशी, शांती, धीर, दया, भोलाई, भुरसू.

इफिसीयो 4:25

इनान वोजेसी झुटो बुलनेन छुळीन होर एक साते वावा साते खोरो बुलू काहाकि आपनु खुदोमा एक दिसरान डील छे.

इफिसीयो 5:9

काहाकि विजावान फोव आखा भातीन भोलाई एने धारमिकता एने खोरलो छे.

इफिसीयो 6:14

इनान कोरता खोरलासी कोळ्यो कोसीन, एने धारमिकतान चिलखत पेहेरीन,

फिलिप्पि 3:1

इनान कोरता हे मारा भाशो, प्रभूमा खुशीमा रोयू. चेत वाते तुमु काजे घोळी-घोळी लिखनेमा मेसे काजे ते काय तोकलीत नी होयतो, एने तीनामा तुमरो वारलो छे.

कुलुस्सि 4:5

टेमो काजे किमती सोमजीन बारथे वावा साते ग्यानसी व्यहवार कोरु.

1 थिस्सलुनीकियो 4:12

काहाकि बारथे वावान तोरोफसी आदोर हासील कोरु, एने तुमु काजे कहानला चीजोन कोमी नि होये.

1 तीमथी 2:2

राजा एने आखा उचा पोद पोरलान कोरता एरेन कोरता कि आमु आराम एने नोरमाय पुठी आखी भोक्ती एने गंभीर से जीवन जीवजे.

1 तीमथी 3:11

इनान कोरता बायोर काजे बी वातळी होयनो जुवे; चुगली लागाळने वावी नी जुवे, पुन चतरावी एने आखी वातोमा भुरसू मेके ओसी जुवे.

1 तीमथी 3:4

आपना घोरोन वारू देखभाल कोरतू होय, एने हेरा पुऱ्या पारीन आखी गंभीरता मा सोमावीन राखतू होय.

1 तीमथी 4:12

कुदू तारी जुवानी काजे कमी नी समजनो जुवे; पुन वचन एने चाल चलन एने मोंग एने भुरसू एने चुखलामा विस्वास्यान कोरता वारलो होय जासे.

1 तीमथी 5:10

एने वारला कामोमा गीनाय रोई होसे, जीन पुऱ्यान राखवावी कोरी होसे; पाहांतऱ्यान चाकरी कोरी होसे, चुखला माणसोन पाय धुवी होसे, दुखी माणसोक मदत कोरी होसे, एने हर एक वारला काममा मन लागाळली होसे.

1 तीमथी 5:2

डाहली बायर काजे आश जानीन; एने जूवानाय बायर काजे आखी चुखलायसी बहोनिश जानीन सोमवाळ दे.

तीतुस 1:8

बाकीन पाहांतऱ्यान मान सन्मान कोरणे वावु, भोलाई कोरणे वावु, खुद नियाव कोरणे वावु, चुखलो एने जीत वावु रोयनो जुवे;

तीतुस 2:14

जू खुद काजे आमरेन कोरता आप देदू कि आमु होर एक भातीन पापोमा गोथू छुळाव लेय एने चुखा कोरीन आपनेन कोरता एक ओसी जात बोनाव लेये जे वारला-वारला कामोमा तीयार जुवे.

तीतुस 2:2

मतलब डाहला माणसे जागता एने गंभीर एने संयमी होय, एने तिंदरू भुरसू एने मोंग एने धीर पाकु रोये.

तीतुस 2:7

आखा वातोमा खुद काजे वारला कामोन नमुना बोनु. तारा प्रचारमा सापसूत्र एने खोरलो,

तीतुस 3:14

आमरा माणसेबी गोरोज काजे पुरा कोरनेन कोरता वारला कामोमा लागला रोयनो सिके ताकी बिना फोवोन नि रोये.

इब्रानियो 11:2

इना बारामा जूनला वारान माणसोन वारली गोवायी आपायली छे.

इब्रानियो 13:18

आमरेन कोरीन प्रार्थना कोरता रोयू काहाकि आमु काजे मालूम छे कि आमरो विवेक चुखो रोयो आमु आखी वातोमा वारली चाल चालनेन मोर्जी कोरता छे.

याकुब 1:27

आमरू परमेश्वर एने बासोन साते चुखली एने वारलु आराधना जी छे कि विखावावू एने रोंडायलीन दुखोमा तेरी खोबर लेय, एने आपनी आप काजे जोगोसी निरदोष राख.

याकुब 3:17

पुन जो ग्यान उपोर गोथो आवतेलो चो पेहेले चुखला होयतेलो छे ओवतेन मिलनसार, कोमल एने सोमोजनेन एने दया एने वारला फोवो गोथो लागलो एने पक्षपात एने कोपट रोहित होयतलु छे.

1 पतरस 1:22

आखरीमा जेतार तुमु वारला विचार एने मोनमा दोगो नि होय मोंगोन निमित्त खोरो माणसोसी आपना मोनो काजे चुखा कोरला छे, ती तन मन लागाळीन एक भाश्योसी लोके मोंग राखू.

1 पतरस 2:12

दिसरा जातीमा तुमरो चाल चोलोन वारलो रोये; काहाकि जिना-जिना वातोमा होय तुमु काजे भुंडला कामोन जाणीन बोदनाम कोरतेला छे, चे तुमरा वारला कामो काजे देखीन तिंदरे वोजेह दयान दाहळामा परमेश्वरोन महिमा कोरु.

1 पतरस 4:8

आखा गोथो बोढीन, एक दिसरान बारामा मोंगसी वारला कामे राखू, काहाकि मोंग जादा पापो काजे ढाक लेतलो छे.

2 पतरस 3:1

हे मोंगावा हिमी मे तुमु काजे यो दुसरो चिट्ठी लिखलो छे, एने दुयू तुमुक फोम देवाळीन तुमरा चुखला मोनोक उबा राखो.

1 योहान 3:18

हे पुऱ्या आमु वचन एने जिब सी नि एने खोरला रितीसी बी मोंग कोरु.

1 योहान 3:3

एने जू कुदू तीना पोर जी आस राखतलु छे चू आपने खुदो काजे तोसुत चुखा कोरतेला जोसू चू चुखलु छे.

1 योहान 4:1

हे मोंगावा, एक आत्मान तेरेन तोसो मा कोरु, नि ती आत्मा काजे पारखू कि चे परमेश्वर जुव गोथा छे कि नि; काहाकि झुटा भविष्य कोरणे वावा जोगोमा निकवीन आव लागला छे.