फिलिप्पि 4:19 - बारेली पावरी

¹⁹ मारू परमेश्वर बी आपना तीना धोनोन अनसारे जी महिमा साते मसिह येसुमा छे तुमरी होर एक कोमी काजे पुरो कोरसे.

फिलिप्पि 4:19 Iomraidhean Croise

मत्ती 6:32

काहाकि दिसरा जात्या इना आखा चीजोन हेरेमा रोयतलु छे, बाकीन तुमरू सोरगो मायलु बास जानतलु छे कि तुमुक इना आखा चीजोन जरूरत छे.

योहान 20:17

येसु तिनी काजे कोयू, “मेसेक मा छिमे, काहाकि मी हिमी तोक बासोनचा उपोर नि गोयू, बाकीन मारा भाशोनचा जायीन हिनु काजे कोय दे, कि मे मारा बास एने तुमरू बास, एने मारू परमेश्वर एने तुमरू परमेश्वर तेरेनचा जाम.”

योहान 20:27

तेत्यार चू थोमा काजे कोयू, “तारी आंगवी न्या लावीन मारा हातो काजे देख एने तारू हात लावीन मारा कुखीमा घाल, एने कोम भुरस्या नि बाकीन विस्वासी बोन.”

रोमी 1:8

पेहेले मे तुमरे आखान कोरीन येसु मसिहन लारे आपना परमेश्वरोन धन्यवाद कोरो, काहाकि तुमरा भुरसान वाते आखा जोगोमा होयने बाज रोय.

रोमी 11:33

आहा, परमेश्वरोन धोन एने ओकोल इनी ग्यान काय योत उंडा छे, तेरा विचार कोसा महान एने तेरी वाट कोसी अगम्य छे!.

रोमी 2:4

काय तू तेरी दया एने सहन शीलता एने धीरोज रूपी धोन काजे गोलोत सोमोजतलु? काय यो नी सोमोजतलु कि परमेश्वरोन दया तुसेक मोन फिरावने सीकाळे?

रोमी 8:18

काहाकि मे सोमजो कि इनी टेमोन दुख एने तोकलीत तिना महिमा वैभव साते जी आमरेपोर प्रगट होयने वावी छे, कायबी नी होय.

रोमी 9:23

एने दयान ठाहरा पोर, जीनुक चू महिमान कोरीन पेहेले तीयार कोऱ्यु आपना महिमान धोन काजे देखाळनेन मोर्जी कोऱ्यु?

2 कुरीन्थियो 12:21

एने कोदि ओसो नी होयनो जुवे कि मारू परमेश्वर मारो पोछोव तुमरेनचा पोछो आवने पोर दोबाव नाखे एने मेसेक ज्यादा जोनान कोरता पोछो एने दुख कोरनो पोळे, जे पेहेले पाप कोरला होता एने भुंडला कामे एने भुंडलु विचार एने लुचळायसी, जो चे कोऱ्या, मोन नि फिराव्या.

2 कुरीन्थियो 4:17

काहाकि आपनो थुलोक वारोन कोरलो दुख आपनेन कोरता जुदो महत्वान एने ओमोर महिमा पोयदा कोरतेला;

इफिसीयो 1:18

एने तुमरे मोनोन डूवा विजावो बोने कि तुमु सोमजी लेवू कि बुलावनेन आस काय छे एने चुखला माणसोमा तेरो भागीदार महिमान धोन कोसो छे.

इफिसीयो 1:7

आमु ते तिनान लुयोन लारे छुटकारू मतलब पापोन माफी एने परमेश्वरोन दयान धोनोन अनसारे जोळतो कि.

इफिसीयो 2:7

कि चू आपनी तिना दयासी जू मसिह येसुमा आमरेपोर छे आवने वावा टेमोन आपना दयान घोन सोवटो धोन देखाळे.

इफिसीयो 3:16

कि चू आपना महिमान धोनोन अनसारे तुमुक यो दान आपे कि तुमु तेरी आत्मासी आपना डीलोमायलो माणसोन रूपमा ताकतसी बोनता जावू.

इफिसीयो 3:8

मारे पोर जे चुखला माणसो मायला नानासी ते नानू यो मोंग होयो कि मे दिसरा जातीन काजे मसिहन घोन मोटो धोनोन वारली खोबर सोमवाळे.

फिलिप्पि 4:7

तेत्यार परमेश्वरोन शांती जू आखा सोमोजसी पुरो छे तुमरो मोन एने तुमरू विचार काजे मसिह येसुमा सोमवीन राखसे.

कुलुस्सि 1:27

जीनु पोर परमेश्वर प्रकट कोरणेन कोऱ्यु तीनुक ग्यान जोळे कि दिसरा जातीमा तीना भेदोकाजे महिमान किमोत काय छे, एने चू जो छे कि मसिह जू महिमान आस छे तुमरेमा रोयतलु छे.

कुलुस्सि 3:16

मसिहन वचन काजे आपना मोनोमा जादा बोसने देवू, पाका ग्यान साते दिसरा काजे सिकाळू एने जोताळू, एने तुमरा मोनोमा मोंग साते परमेश्वरोन कोरता भजन, एने धन्यवादन गीत एने आत्मिक गीत गावू.

1 थिस्सलुनीकियो 2:12

कि तुमरो चाल चलन परमेश्वर काजे बराबोर होय, जो तुमुक तेरा राजमा एने महिमामा बुलावतलु.

1 तीमथी 6:17

इनी संसारन मालदार माणसोक आग्या आप कि होया लालची नी होय एने चूलबुल धोनोपोर आस नी कोरे, पुन परमेश्वर पोर जू आमरे सुखोन कोरता आखो एने घोनो सोवटो आप देतलु.

फिलेमोन 1:4

मे हमेशा परमेश्वरोन धन्यवाद कोरो, एने मारी प्रार्थनामा मे भी तुसेक फोम कोरतेलू.

1 पतरस 5:1

एरेन कोरता मी जो तुमु आखा डाह-डाहा छे, मसिहन दुखोन गोवा छे, एने देखायने वावी महिमामा भागी होयीन तीनुक यो सोमजाडो,

1 पतरस 5:10

तुमु इतरीक वार तोकलीत झेलीन आखो दयान परमेश्वर छे, जू तुमु काजे येसु मसिहमा तेरी ओमोरकाईन महिमान कोरता बुलावलु, चू खुद तुमु काजे सिद्ध, पाक्का ताकत वावा एने स्थिर कोरसे.