फिलिप्पि 4:17 - बारेली पावरी

¹⁷ यो नी कि मेसेक दान जुवे बाकीन मेसेक ओसो फोव जुवे जो तुमरा फायदान कोरता बोढतो जाय.

फिलिप्पि 4:17 Iomraidhean Croise

योहान 15:16

तुमु मेसेक नि नेवाळ्या बाकीन मे तुमु काजे नेवाळलु छे एने तुमुक नेमलू छे कि तुमु जायीन फोव आपे एने तुमरो फोव जुळाय रोये, कि तुमु मारा नावोसी जो काहीन बास जू गोथा मांगु, चो तुमुक आपे.

योहान 15:8

मारा बासोन महिमा इनासी होयतेली छे कि तुमु घोनो सोवटो फोव लावे, तेत्यारुत तुमु मारा चेला ठरसु.

रोमी 15:28

इनान कोरता मे यो काम पुरो कोरीन एने तीनु काजे जी वर्गणी होवाले कोरीन जाता-जाता तुमरेनचा गोथू स्पेनमा जायीस.

2 कुरीन्थियो 11:16

मे ओवी कोयो, कुदू मेसेक बिन ओकल्यु मा सोमजू; नीती बिन ओकल्यु सोमजीन मारो सोह लेवू, काहाकि थुलोक मे बी मोटाय कोर सोको.

2 कुरीन्थियो 9:5

इनान कोरता मे भाशो साते जी विनता कोरणे गोरोजोन सोमज्यु कि चे पेहेलेसी तुमरेनचा जाय, एने तुमरे खुशीन फोव जिनान बारामा पेहेलेसी वचन आपलो होतो, तीयार कोरीन मेके कि यो जोबरदोस्ती नि बाकीन मोनोसी फोवोन तोसा तीयार रोयू.

फिलिप्पि 1:11

एने तीना धारमिकतान फोवोसी यो येसु मसिहन लारे होयतेली छे, पुरा कोरता जावू जीनासी परमेश्वरोन महिमा एने बोढाई होयती रोये.

फिलिप्पि 4:11

यो नी कि मे मारी कोमजुरी वजेसी यो कोयो, मे यो सीखाळतलु छे कि जिना हालोतमा छे; तीनामा खुश रोयू.

1 थिस्सलुनीकियो 2:5

काहाकि तुमु जानतला छे कि आमु ते कोबी कोपटी वाते नि कोऱ्या, एने नि कोबी लालुचोन कोरता, बाहानो कोरता होता, परमेश्वर गोवा छे;

1 तीमथी 3:3

दारकुट्यू या ठूकने वावू नि रोयनो जुवे; बाकीन सुवावू रोये, एने नी झगळावू, नी पोयशान लालची रोये.

1 तीमथी 6:10

काहाकि पोयशान लालच आखा भातीन बुराइन थुळ छे, तीनाक हेरनेन कोरीन कोशिश कोरीन भुरसाम चा गोथा भटकीन आपनु काजे भाती भातीन दुखोसी छलनो बनाव लेदलु छे.

तीतुस 1:7

काहाकि पुढारी काजे परमेश्वरोन भंडारी होयनेन वजा निरदोष होयनो जुवे, नि जिद्दी, नि रीसावू, नि मोंदळ्यु, नि लोळाय कोरणे वावु, एने भुंडला कोमायीन लालच्यु नि रोयनो जुवे.

तीतुस 3:14

आमरा माणसेबी गोरोज काजे पुरा कोरनेन कोरता वारला कामोमा लागला रोयनो सिके ताकी बिना फोवोन नि रोये.

इब्रानियो 6:10

काहाकि परमेश्वर अधोरमी नी होय कि तुमरा कामो एने तिना मोंग काजे विसरी जाय जे तुमु तिनान नावोन रुपमा इना रितीसी देखाळ्या कि चुखला माणसोन सेवा कोऱ्या एने हिमी बी कोर रोया.

1 पतरस 5:2

कि आपना इचमा परमेश्वरोन टूवान राखवावी कोरो, एने जो कानला दोबावसी नि बाकीन परमेश्वरोन मोर्जीन अनसारे खुशीसी, गोलोत कोमायीन कोरता नि बाकीन मोन लागाळीन कोरु.

2 पतरस 2:15

चे सुदला वाट काजे छुळीन भटकी गोयला छे, एने बओरन पुऱ्यु बिलामोन वाटे पोर लाग गोयला छे, जे अधोरमी काजे मजबूरी काजे मोंगावा जानतला;.

2 पतरस 2:3

चे लुबोन कोरता वाते गाळीन तुमु काजे आपना लाभोन कोरता बोनावसे, एने तिंदरा पोर पेहेलेसी होय रोई तेरे आवनेसी काहीन टेम नि होय, एने तिंदरा नाश सुवतलु नि.

यहुदा 1:11

तिंदरे पोर हाय काहाकि चे केनोन तोसी चाल चाले, एने दाहाळकीन कोरता बिलामोन तोसा खतोम होय गोयला छे, एने कोरहन तोसा खिलाप होयीन खतोम होय गोयला छे.