फिलिप्पि 2:30 - बारेली पावरी

³⁰ काहाकि चू मसिहन कामोन कोरता तेरा जीवो काजे तोकलीत झेलीन मोरनोन साते आव लागलु होतु काहाकि जी कोमी तुमरेनचा गोथी मारी सेवामा होयली तिनीक पुरो कोरे.

फिलिप्पि 2:30 Iomraidhean Croise

प्रेषित 20:24

बाकीन मे मारा जीव काजे काय नी सोमज्यु कि तीनाक मोंगावू जाणो, बाकीन यो कि मे मारा दोवळना काजे एने तिनी सेवा काजे पुरी कोरो, जो मे परमेश्वरोन दयान वारली खोबर पोर गोवायी आपनेन कोरता प्रभू येसु जुव गोथू ली लेदलु छे.

रोमी 16:4

चे मारा जीवन कोरता आपनोत जीवन अडचन मा घाल देदला होता; एने निस्तु मेत नि, बाकीन दिसरी जाती वावा आखा मंडव्या बी तिंदरो धन्यवाद कोरतेला छे.

1 कुरीन्थियो 15:53

काहाकि गोरोज छे कि यो नाश वावो डील अमोर काजे पेहेरले एने यो मोरनेवावो डील, नी मोरने वावा काजे पेहेरले.

1 कुरीन्थियो 16:10

कोबी तीमथी आव लागे, ती देखजू कि चू तुमरेनचा हिंमतसी रोये; काहाकि चू मारे सारखू प्रभून काम कोरतेलु छे.

1 कुरीन्थियो 16:17

मे स्तेफन एने फूरतूनातूस एने अखइकुसोन आवनेसी खुश छे, काहाकि चे तुमरी कोमी काजे पुरो कोरला छे.

2 कुरीन्थियो 12:15

मे तुमरी आत्मान कोरता जादा खुशीसी खोरचू कोरिस, बाकीन तुमु भी खोरचू होय जासे काय जोतरा बोढीन मे तुमरे पोर मोंग कोरतेलू छे, तोतरोत घोटीन तुमु मारेसी मोंग राखसु?

2 कुरीन्थियो 4:12

इना रितीसी मोरोन ते मोरने वावा डीलोमा बी ओसोर मेकतलो छे एने जीवन तुमरे पोर.

फिलिप्पि 2:17

अगर मेसे काजे तुमरो भुरसान बलिदान एने सेवा साते मारो लुय बी वोयाळनो पोळे ते बी मे खुशीमा छे एने तुमरे आखान साते खुशी कोरो.

फिलिप्पि 2:27

छाचलीन चू बिमार ते होय गोयलु होतु न्या तोक कि मोरने पोर होतु बाकीन परमेश्वर तेरे पोर दया कोऱ्यु, एने निस्तु तेरे पोर ओतरो नि बाकीन मारे पोर बी कि मेसेक दुखो पोर दुख नी देये.

फिलिप्पि 4:10

मे प्रभूमा घोनु खुश छे कि हिमी ओतरा दाहळान बाद तुमरी चिंता मारा बारामा पोसी जाग गोयली छे, छाचलीन तुमु काजे पेहेले गोथो एरू विचार होतु, बाकीन तुमु काजे टेम नी जोळी.

फिलिप्पि 4:18

मारे जुव सब काय छे बाकीन घोन सोवटा बी छे; जे चीजे तुमु इपफ्रुदीतुसन हाते मुकेलला होता तीनुक लीन मे खुश होय गोयलु छे, चो ते सुखोन गोंद लेनेन लायक बलिदान छे, जो परमेश्वर काजे वारलो लागे.

फिलेमोन 1:13

तीनाक मे मारेंचा राखणे होतु कि चू तारा तरफसी इना बंदीमा जे वारली खोबरोन वोजा छे, मारी सेवा कोरे.

प्रकाशित वाक्य 12:11

चे गाडरान लुयोन वोजेसी एने आपना गोवायीन वचनोन वोजेसी तिना पोर जयवंत होया, एने चे आपना जीवो काजे मोंगावू नी जाण्या, या तोक कि मोरोन बी सोहोनेन कोर लेदा.