फिलिप्पि 2:17 - बारेली पावरी

¹⁷ अगर मेसे काजे तुमरो भुरसान बलिदान एने सेवा साते मारो लुय बी वोयाळनो पोळे ते बी मे खुशीमा छे एने तुमरे आखान साते खुशी कोरो.

फिलिप्पि 2:17 Iomraidhean Croise

प्रेषित 20:24

बाकीन मे मारा जीव काजे काय नी सोमज्यु कि तीनाक मोंगावू जाणो, बाकीन यो कि मे मारा दोवळना काजे एने तिनी सेवा काजे पुरी कोरो, जो मे परमेश्वरोन दयान वारली खोबर पोर गोवायी आपनेन कोरता प्रभू येसु जुव गोथू ली लेदलु छे.

प्रेषित 21:13

बाकीन पौलुस जोवाब आप्यू, “तुमु काय कोरणे बाज रोया कि रोडी-रोडीन मारो मोन दुखाळतला? मे ते प्रभू येसुन नावोसी यरुशलेममा नि सुतू बांधायनेन नी बाकीन मोरनेन कोरता बी तीयार छे.”

रोमी 12:1

इनान कोरता हे भाशो एने बोहनिश्या, मे तुमु काजे परमेश्वरोन दया फोम आपीन विनता कोरो कि आपना डीलो काजे जीवतला, एने चुखला एने परमेश्वर काजे गोवणे वावा चीजे बलिदान कोरीन चोळावू यित तुमरी आत्मिक आराधना छे.

रोमी 15:16

कि मे दिसरा जातीन कोरता येसु मसिहन सेवक होयीन परमेश्वरोन वारली खोबर प्रचारोन सेवा पुजारा सारको कोर, जिनामा दिसरा जातीन चोळाव जाणेन पवित्र आत्मासी चुखो कोरीन स्वीकार कोराय जासे.

2 कुरीन्थियो 12:15

मे तुमरी आत्मान कोरता जादा खुशीसी खोरचू कोरिस, बाकीन तुमु भी खोरचू होय जासे काय जोतरा बोढीन मे तुमरे पोर मोंग कोरतेलू छे, तोतरोत घोटीन तुमु मारेसी मोंग राखसु?

2 कुरीन्थियो 4:12

इना रितीसी मोरोन ते मोरने वावा डीलोमा बी ओसोर मेकतलो छे एने जीवन तुमरे पोर.

2 कुरीन्थियो 6:10

दुख कोरणे वावान सारखो छे, बाकीन दाहळीन खुशी कोरतेला छे; भिकारी सारका छे, बाकीन जादा जोना काजे मालदार बोनाव देतला छे; ओसला छे जोसा आमरे पुठी काय नी होय ते बी आखो काय राखतला छे.

2 कुरीन्थियो 7:4

मे तुमु काजे जुदु हिंमतसी कोय रोयू, मेसे काजे तुमरे पोर जुदो घोमंड छे; मे शांतीसी मोर गोयलु छे आपना आखा खुदोमा खुशीसी जादा मेवायलु रोयतेलु छे.

फिलिप्पि 1:20

मे ते मोनोसी दाहळीन लालच एने आस मेकतलु छे कि मे काहना वातोमा नि लाजवायो, बाकीन जोसो ताकतोन हिंमतसी मसिहन बोढाई मारा डीलोन लारे हमेशा होयती आव रोयी तोसोत हिमी बी होये, अगर मे जीवतु रोयो नि ती मोर जाम.

फिलिप्पि 2:18

तोसात तुमु बी खुशीमा रोयू एने मारे साते खुशी कोरु.

फिलिप्पि 2:30

काहाकि चू मसिहन कामोन कोरता तेरा जीवो काजे तोकलीत झेलीन मोरनोन साते आव लागलु होतु काहाकि जी कोमी तुमरेनचा गोथी मारी सेवामा होयली तिनीक पुरो कोरे.

फिलिप्पि 4:18

मारे जुव सब काय छे बाकीन घोन सोवटा बी छे; जे चीजे तुमु इपफ्रुदीतुसन हाते मुकेलला होता तीनुक लीन मे खुश होय गोयलु छे, चो ते सुखोन गोंद लेनेन लायक बलिदान छे, जो परमेश्वर काजे वारलो लागे.

कुलुस्सि 1:24

हिमी मे तीना दुखोन लारे खुशी कोरो कि जो तुमरेन कोरीन उठाळतेलु एने मसिहन दुखोन कोमी तेरा डीलोन कोरता, मतलब मंडवीन कोरता आपना डीलोमा पुरो कोरतेलु.

1 थिस्सलुनीकियो 2:8

एने तोसाच आमु तुमरी लालच कोरता जायीन, निस्ता परमेश्वरोन ओतरा नि बाकीन वारली खोबर पोर बी आपनु-आपनु जीव तुमुक आपनेन कोरता तीयार होता, इनान कोरता कि तुमु आमरा गोवता होय गोयलु होता.

2 तीमथी 4:6

काहाकि मे बलिदान सारखु रेचोवोने जानतलु छे, एने मारे जानेन टेम आव लागली छे.

1 पतरस 2:5

तुमु बी जीवतलु दोगळान तोसो आत्मिक घोर बानावतला छे, जेरेन कोरता पुजारान चुखला सोमाज बोनीन, ओसो आत्मिक बलिदान चोळावू जू येसु मसिहन परमेश्वर काजे मान्यो छे.

1 योहान 3:16

आमु मोंग तीना पोरसी जाण्या कि चू आमरेन कोरता तेरु जीव आप देदु एने आमु बी भाशोन कोरता जीव आपनो जुवे.