फिलिप्पि 1:5 - बारेली पावरी

⁵ इनान कोरता कि तुमु पेहेले दाहळे गोथो हिमी तोक वारली खोबरोक पोसरावनेमा मारे साते जुळायला होता.

फिलिप्पि 1:5 Iomraidhean Croise

प्रेषित 2:42

एने चे प्रेषितोन गोथा लगातार शिक्षा लेणे, एने संगती कोरणे, रुटू खाणे, एने प्रार्थना कोरणेन मोन लागाळ रोया होता.

रोमी 11:17

पुन ओगर काहना डाव्या काटनेमा आव्यो, एने तू जंगली जेतुन बोनीन तिंदरेमा छाटाय गोयो, एने जेतुनोन मुव थुलोक नोरमायीन भागीदार होय गोयलो छे.

रोमी 12:13

चुखला माणसो काजे जो काहीन जरुरत होसे, तीनामा तिंदरी मदत कोरु; भोलाई कोरणे हमेशा तीयार रोयू.

रोमी 15:26

काहाकि मकीदुनीया एने अखायान माणसो काजे यो वारू लागलो कि यरुशलेमोन पवित्र चुखला माणसोमा पोयशा नि होय ओसला वर्गणी टूवू कोरे.

1 कुरीन्थियो 1:9

परमेश्वर खोरलू छे, जू तुमु काजे आपनु पुऱ्यु आमरा प्रभू येसु मसिहन संगतीमा बुलावलू छे.

2 कुरीन्थियो 8:1

हिमी हे भाशो आमु तुमु काजे परमेश्वरोन तीना दयान खोबर कोयतेला जो मकीदुनीयान मंडवी पोर होयो,

इफिसीयो 3:6

मतलब यो कि मसिह येसुमा वारली खोबरोन लारे दिसरा जातीन माणसे विरासत मा भागी से एने एक डीलन एने वायदान भागी छे.

फिलिप्पि 1:12

हे भाशो, मारी मोर्जी छे कि तुमु यो सोमजी लेवू कि मारे पोर जो वितलो छे, तीनासी वारली खोबरोन बोढती होयली छे.

फिलिप्पि 1:16

कुदू एक ते ओसो सोमजीन कि मे वारली खोबरोन प्रचारोन कोरीन जोवाब आपनेन कोरता ठेराय गोयलु छे, मोंगसी वारली खोबर प्रचार कोरतेला छे.

फिलिप्पि 1:27

निसतो ओतरो कोरु कि तुमरो चाल चलन मसिहन वारली खोबरोन लायक रोये कि मे आवीन तुमुक देखो, नीती नी बी आवो, तुमरे बारामा सोमवो कि तुमु एकुत आत्मामा पाका रोयू, एने एक मोन होयीन वारली खोबरोन भुरसान कोरता मेहनतोन कोरता रोयतला.

फिलिप्पि 1:7

वारू छे कि मे तुमरे आखान कोरता ओसोत विचार कोरो, काहाकि तुमु मारा मोनोम आव लागला छे, एने मार बंदीमा एने वारली खोबरोन कोरता जोवाब एने माप आपनेमा तुमु आखा मारे साते दयामा एखठा होयू.

फिलिप्पि 2:12

इनान कोरता हे मोंगावा जिना रितीसी तुमु हमेशा आग्या मानता आवला छे तोसोत हिमी बी निस्तु मारे साते रोयता जायीन नि बाकीन खास कोरीन हिमी मारे नांबे रोयनेसी बी बिहीता एने कापता जायीन आपना-आपना छुटकारान काम पुरा कोरता जावू.

फिलिप्पि 2:22

बाकीन तीना काजे ते तुमु पारखी एने जानी बी रोया कि जोसू पुऱ्यु बास साते कोरतेलू तोसोत वारली खोबरोन कोयनेमा मारे साते मेहनत कोरतेलु.

फिलिप्पि 4:3

जे खोरला साथीदारमा तुसे काजे बी विनता कोरो कि तू तीनु बायराण मदत कोर, काहाकि चे मारे साते वारली खोबर कोयनेमा क्लेमोस एने दिसरा साती साते मेहनत कोऱ्या, जिंदरो नाव जीवनी किताबमा लिखायलो छे.

फिलेमोन 1:17

आखरी हिमी तू मेसेक तारू साती सोमोजतलु, ती इनाक स्वीकार कोर जोसू मेसेक.

इब्रानियो 3:14

अगर आमु आपना पेहेला भुरसा पोर आखरी तोक मजबुतीमा पाका रोये ती आमु मसिहन भागीदार बोन गोयला छे.

2 पतरस 1:1

शिमोन पतरसोन जुव गोथो, जू येसु मसिहन पावोर एने प्रेषितोन छे, तीनु माणसोन नाव जे आमरू परमेश्वर एने छुटकारू आपने वावु येसु मसिहन धारमिकतान लारे आमरेन तोसो किमतीन भुरसू हासील कोर लेदू.

1 योहान 1:3

जो काय आमु देख्या एने सोमवतला छे तेरो वारली खोबर तुमु काजे बी आपजे, इनान कोरता कि तुमु बी आमरे पुठी भागीदारी होयू; एने आमरी जी सहभागीता बास पुठी एने तेरु पुऱ्यु येसु मसिह पुठी छे.

1 योहान 1:7

बाकीन कोदि जोसो चू विजावामा छे तोसोत आपनु बी विजावामा चालू, ती एक दिसरा पुठी सहभागीता रोयतला छे एने तेरु पुऱ्यु येसुन लुय आमुक आखा पापोमा गोथू चुखो कोरतेलू छे.