फिलिप्पि 1:20 - बारेली पावरी

²⁰ मे ते मोनोसी दाहळीन लालच एने आस मेकतलु छे कि मे काहना वातोमा नि लाजवायो, बाकीन जोसो ताकतोन हिंमतसी मसिहन बोढाई मारा डीलोन लारे हमेशा होयती आव रोयी तोसोत हिमी बी होये, अगर मे जीवतु रोयो नि ती मोर जाम.

फिलिप्पि 1:20 Iomraidhean Croise

योहान 21:19

चू इनी वातो पोर इशारू कोऱ्यु कि पतरस ओसला मोरनेसी परमेश्वरोन महिमा कोरसे एने तेत्यार चू तीना काजे कोयू, “मार पोछोव आतरोय”.

प्रेषित 20:24

बाकीन मे मारा जीव काजे काय नी सोमज्यु कि तीनाक मोंगावू जाणो, बाकीन यो कि मे मारा दोवळना काजे एने तिनी सेवा काजे पुरी कोरो, जो मे परमेश्वरोन दयान वारली खोबर पोर गोवायी आपनेन कोरता प्रभू येसु जुव गोथू ली लेदलु छे.

प्रेषित 21:13

बाकीन पौलुस जोवाब आप्यू, “तुमु काय कोरणे बाज रोया कि रोडी-रोडीन मारो मोन दुखाळतला? मे ते प्रभू येसुन नावोसी यरुशलेममा नि सुतू बांधायनेन नी बाकीन मोरनेन कोरता बी तीयार छे.”

प्रेषित 4:31

जेतार चे प्रार्थना कोर लेदा, ती तिने जागे जां चे एखठा होता हाल गोया एने चे आखा पवित्र आत्मासी भोराय गोया एने परमेश्वरोन वचन मन लागाळीन सोमवता गोया.

रोमी 12:1

इनान कोरता हे भाशो एने बोहनिश्या, मे तुमु काजे परमेश्वरोन दया फोम आपीन विनता कोरो कि आपना डीलो काजे जीवतला, एने चुखला एने परमेश्वर काजे गोवणे वावा चीजे बलिदान कोरीन चोळावू यित तुमरी आत्मिक आराधना छे.

रोमी 5:5

एने आस सी लाज नी आवतेली काहाकि पवित्र आत्मा जू आमु काजे आपलो छे तिनान लारे परमेश्वरोन मोंग आमरा मोनोन भोर देदला छे.

रोमी 6:13

एने नी आपना डीलो काजे धोरमोन हत्यार होयने कोरता पापोन होवाले कोऱ्या एने आपना खुदो काजे मोरलामा गोथा जीव उठनेन जानीन परमेश्वरोन होवाले कोऱ्या एने आपना डीलो काजे अधोरमोन हत्यार होयनेन कोरता परमेश्वर काजे आप देदा.

रोमी 6:19

मे तुमरे डीलोन कोमजूरी पोरसी माणसोन रिती पोरसी कोयो कि जोसो तुमु आपना डीलोक भुंडला कामोन गुलाम कोरीन होवाले कोरलो होतो तोसोत हिमी चुखलान कोरता धोरमीन गुलाम कोरीन सोप देवू.

रोमी 8:19

काहाकि जोग घोनी आसोसी परमेश्वरोन पुऱ्यान प्रगट होयनेन वाट जुव रोयो.

रोमी 9:33

जोसो लिखलो छे देखू मे सियोनमा एक ठेस लागणेन दोगळू एने जू तेरे पोर भुरसू कोरसे चू लाजवाये नी.

1 कुरीन्थियो 15:31

हे भाशो, मेसेक हीना मोटायन कोसोम जो आमरा येसु मसिहमा मे तुमरे बारामा कोयो कि मे दाहळीन मोरतलु.

1 कुरीन्थियो 6:20

काहाकि दाम आपीन मुले लेवाय गोयला छे, इनान कोरता आपना डीलोन लारे परमेश्वरोन महिमा कोरु.

1 कुरीन्थियो 7:34

वियाव एने बिना वियावमा बी भेद छे कुवारा प्रभून चिंतामा रोयतलु छे कि चू डील एने आत्मा दुयूमा चुखला रोये, बाकीन वियाव वावा जोगोन चिंतामा रोयतला छे कि आपना घरवावा काजे खुश राखे.

2 कुरीन्थियो 10:8

काहाकि ओगर मे इना होकोन बारामा ओवी बी मोटायकी देखाळो, जू प्रभू तुमरे बिगाडनेन कोरता नि पुन बोढतीन कोरता आमुक आपलु छे, ती लाजवायनो नि.

2 कुरीन्थियो 3:12

इनान कोरता ओसी आस राखीन आमु हिंमतसी कोयतेला एने मुसा सारखु नी जू आपना मुयो पोर पोरदु मेक लेदलु काहाकि इस्राईल तिनी घोळनेवावी विजावा भूनी कुदू नी देखे.

2 कुरीन्थियो 4:10

आपनु येसुन मोरनो काजे आपना डीलोमा होर एक टेम लीन फिरतला कि येसुन जीवन बी आपना डीलोमा देखाये.

2 कुरीन्थियो 5:15

एने चू इना वोजेसी आखान कोरता मोर गोयू कि चू जीवतलु छे चे ओगोव आपनेन कोरता नी जीवे बाकीन तिनान कोरता जू तिंदरेन कोरता मोऱ्यु एने पोछु जीव उठ्यू.

2 कुरीन्थियो 7:14

काहाकि ओगर मे तेरे सामने तुमरे बारामा काहीन मोटायकी कोऱ्यु ती लाजवायलु नि बाकीन जोसो आमु तुमु काजे आखी वाते आखो छाचलीन छाचलीन कोय देदलु होतु, तोसोच आमरो मोटायकी देखाळने, तीतुसोन ओगोव बी खोरलो निकव्यो,

2 कुरीन्थियो 7:4

मे तुमु काजे जुदु हिंमतसी कोय रोयू, मेसे काजे तुमरे पोर जुदो घोमंड छे; मे शांतीसी मोर गोयलु छे आपना आखा खुदोमा खुशीसी जादा मेवायलु रोयतेलु छे.

फिलिप्पि 1:14

एने प्रभूमा जे भाशे छे, तीनुमा गोथा लोकेत मारे बंदी होयनेन वजेसी हिंमत धोरीन परमेश्वरोन वचन बिंदास सोमवनेन होर कोरतेला.

फिलिप्पि 2:17

अगर मेसे काजे तुमरो भुरसान बलिदान एने सेवा साते मारो लुय बी वोयाळनो पोळे ते बी मे खुशीमा छे एने तुमरे आखान साते खुशी कोरो.

कुलुस्सि 1:24

हिमी मे तीना दुखोन लारे खुशी कोरो कि जो तुमरेन कोरीन उठाळतेलु एने मसिहन दुखोन कोमी तेरा डीलोन कोरता, मतलब मंडवीन कोरता आपना डीलोमा पुरो कोरतेलु.

1 थिस्सलुनीकियो 5:23

शांतीन परमेश्वर तुमु काजे आखी रितीसी चुखलो कोरे; एने तुमरी आत्मा एने जीव एने डील आपना प्रभू येसु मसिहन आवने तोक पुरो पूर एने निरदोष, एने वारला रोये.

1 पतरस 4:16

बाकीन ओगर कुदू मसिही होयनेन वोजेह दुख उठावतलु छे, ती लाजवाये नि, बाकीन आपना इना नावोन कोरता परमेश्वरोन महिमा कोरु.

1 योहान 2:28

हे पुऱ्या, येसुमा बोनला रोयु कि जेतार होयु प्रगट होये ती आमुक हियाव होये, एने आमु हेरे आवने पोर हेरे सामने लाजवाये नि.