2 तीमथी 4:7 - बारेली पावरी

⁷ मे वारली कुस्ती लोळ लेदलु छे, मे मारी लोळाय पुरी कोर लेदलु छे भुरसान मुवावी कोरलु छे.

2 तीमथी 4:7 Iomraidhean Croise

लुका 11:28

चू कोयू, “होव; बाकीन सोयावा चे छे जे परमेश्वरोन वचन सोमवतला एने मानतला.”

लुका 8:15

बाकीन वारली जागा मायला ये चे छे, जे वचन सोमवीन वारू एने घोनो वारू आपना मोनोमा सोमावीन राखतला एने धीर धोरीन फोवे लावतेला छे.

योहान 17:6

“मे तारो नाव तीना माणसो पोर प्रगट कोरलु छे जीनाक तू जोगोमा गोथू मेसेक आपलु छे चे तारा होता एने तू मेसेक आप्यू, एने चे तारा वचन काजे मान लेदला छे.”

योहान 4:34

येसु तीनु काजे कोयू, “मारो खाणो यो छे कि मेसेक मुकलने वावान मोर्जीन अनसारे चालो एने तेरो काम पुरो कोरो.

प्रेषित 13:25

जेतार योहान आपनो काम पुरो कोरणे पोर होतु ती चू कोय रोयू होतु, तुमु मेसेक काय सोमजी रोया? मे चू नि होय बाकीन देखू मारे पोछोव एक आवने वावू छे तेरा पायोन खासळान बोंद बी छुळनेन मारी लायकी नि होय.

प्रेषित 20:24

बाकीन मे मारा जीव काजे काय नी सोमज्यु कि तीनाक मोंगावू जाणो, बाकीन यो कि मे मारा दोवळना काजे एने तिनी सेवा काजे पुरी कोरो, जो मे परमेश्वरोन दयान वारली खोबर पोर गोवायी आपनेन कोरता प्रभू येसु जुव गोथू ली लेदलु छे.

गलातियों 2:2

मारो जाणो परमेश्वरोन विजावान अनसारे होये; एने जी वारली खोबर मे दिसरा जातीन माणसोमा प्रचार कोरतेलू, तीतुस काजे मे कोय देतलु, बाकीन एखलामा तीनु काजे जा मोटला गीनायला, काहाकि ओसो नी होये कि मारी इना टेमोन पोछली दोवोळ वायबार ठेराये.

फिलिप्पि 1:30

एने तुमु काजे बी तोसोत मेहनोत कोरनो छे, जोसा तुमु मेसेक कोरतेलु देखला छे एने हिमी बी तुमु सोमेवतेला कि मे तोसुत कोरतेलू.

1 तीमथी 1:18

हे पुऱ्या तीमथी, इना भविष्यवाणीन अनसारे जो पेहेले तारा बारामा होयली होती, मे यी आग्या आपो कि तू हेरे अनसारे वारली लोळायी काजे लोळायतू रोय,

1 तीमथी 6:12

भुरसान वारली कुस्ती लोळाय; एने इना ओमोरकाईन जीवन काजे धोर ले, जिनान कोरता तू बुलाय गोयू एने घोणा सोवटा गोवान सामने वारलु अंगीकार कोरलु होतु.

1 तीमथी 6:20

हे तीमथी जो तुसेक आपलो छे तेरी राखवावी कोर; एने जिना ग्यान काजे ग्यान कोयनेन भूल छे, हेरी भुंडली वात एने खिलापोन वातोन गोथू ओलोग रोये.

2 तीमथी 1:14

इनी पवित्र आत्मान लारे जो आमरेमा बोसलो छे, इना वारला सेवा राखवावी कोर.

2 तीमथी 3:10

बाकीन तू प्रचार, चाल चलन, मोर्जी, भुरसू, सहनशक्ती, मोंग, धीर, एने वेला पाळेने, एने दुख उठावनेमा मारू साथ देदलु;.

प्रकाशित वाक्य 3:10

तू मारा डीलोन वचन काजे उभराख रोयू, इनान कोरता मी बी तुसेक पारखोन तिने टेमे वाचाडीन राखीस, जू धोरतीन रोयने वावान पारखनेन कोरता आखा जोगो पोर आवने वावु छे.

प्रकाशित वाक्य 3:8

मे तारा कामो काजे जानतलु छे देख, मे तारे सामने एक झोपलू उगाळलु छे, जीनाक कुदू बोंद नी कोर सोकतलो; तार ताकत इतरोकुत छे, ते बी तू मारा वचन काजे पावलु छे एने मारा कामोक मोना नी कोऱ्यु.”

प्रकाशित वाक्य 6:11

तीनुमा गोथो होर एक जोना काजे धोव्वा छिंदरा आपाय गोया, एने तीनु काजे कोवाय गोयो कि एने थुलिक वार तोक आराम कोरु, जेतार तोक कि तुमरे साते वावा दासे एने भाशे ये आमरे सारखा माराय जाणे वावा छे तिंदरी बी गिनती पुरी नि होय.