2 तीमथी 3:6 - बारेली पावरी

⁶ इनूमा गोथा होया आवसे छे जे घोरमा मोनोन भोराय जातला छे एने हीनु गरीब बायरा काजे तंबूमा कोर लेतला छे जी पापे मा दाबायली एने हर भातीन भुंडली मोर्जीन ताबामा छे.

2 तीमथी 3:6 Iomraidhean Croise

मत्ती 11:28

हे आखा मेहनत कोरणे वावा एने भारोसी दाबायला माणसे, मारेनचा आवू; मे तुमु काजे आराम आपीस.

मत्ती 23:13

“हे दोगावा शास्त्री एने फरुशी, तुमरे पोर हाय तुमु माणसोन कोरता सोरगोन राजोन झोपलू बोंद कोरतेला नीती खुद मा जाणेन नी कोरतेला एने तीनामा जे जाणेन कोरतेला तीनु काजे जाणे नी देतला.”

मत्ती 23:14

(हे दोगावा शास्त्री एने फरुशी, तुमरे पोर हाय, तुमु रोंडायलान घोरो काजे खाय जातला एने देखाळनेन कोरीन घोन वार तोक प्रार्थना कोरता रोयतला; इनान कोरता तुमु काजे जादा दोंड जोळसे).

मत्ती 4:24

एने आखा सिरीया देसोमा तेरो काम पोसरी गोयो, एने माणसे आखा बिमारी वावा काजे, जी भाती भातीन बिमारी, एने दुखोमा घेरायला होता, एने जीनामा भुंडली आत्मा बी होता, एने फेपरा वावा एने लखवा बिमारी वावा काजे येसुनचा लाव्या एने तीनु काजे येसु वारू कोऱ्यु.

मरकुस 4:19

एने संसारोन चिंत्ता, एने धोनोन धोकू, एने दिसरा चीजोन लालच तीनामा भोरायीन वचन काजे डाब देतला एने चे निसफोव रोय जातेला.

1 कुरीन्थियो 12:2

तुमुक मालूम छे जेतार तुमु दिसरा जातीन होता, ती मुकी मूर्ती पोछोव जोसा चालता होता तोसात चालता होता.

1 तीमथी 5:6

पुन जी सुखोमा पोड गोयी, ची जीवतलीत मोर गोयी.

1 तीमथी 6:9

पुन जू मोटू बोननेन कोरसे ती चू पारख एने फांदा एने घोणा सोवटा रिकामा एने नुकसान वावा लालूचमा फोसला छे जे माणूस काजे बिगाड देतली छे.

तीतुस 1:11

इंदरा मूय बंद कोरनो जुवे, ये माणसे भुंडली कोमायीन कोरता गलत वाते सिकाळीन घोर ने घोर बिगाड देतला छे.

तीतुस 3:3

काहाकि आमु बी पेहेले बिन ओकल्या, एने आग्या नि मानने वावा, एने शंकामा पोळला एने भाती-भातीन लालच एने सुखविलासन गुलामीमा होता, एने भेदभाव, एने रीस कोरनेमा जीवन जीवता होता, एने भुंडला होता एने एक दिसरा पुठी सिगी कोरता होता.

2 पतरस 2:18

चे वायबार मोटायन वाते कोरीन लुचळान कामोन लारे, तिना माणसोन डीलोन भुंडली मोर्जी आपतला छे जे भोटकलामा गोथा हिमी निकवनेण बाजरोयला छे.

2 पतरस 3:17

इनान कोरता हे मोंगावा तुमु माणसे पेहेलेत गोथा इनी वातो काजे जानीन हुशार रोयू काहाकि अधोरमी पापोमा फोसीन आपना स्थिरता काजे काहीन हातोमा गोथो मा खुवू.

यहुदा 1:16

ये ते असनतूष्ट कुरकुर कोरणे वावा एने आपना भुंडला मोर्जीन अनसारे चालने वावा छे, एने आपना मुयोसी मोटायन वाते बुलतला छे एने चे फायदान कोरता मुये देखीन बोढाई कोरतेला छे.

यहुदा 1:18

चे तुमु काजे कोया कोरता होता, “पोछला दाहळामा ओसला मोजाक कोरने वावा होयसे जे आपना भोक्ती नी कोरणे वावान भुंडला मोर्जीन अनसारे चालसे.”

यहुदा 1:4

काहाकि कोतरा ओसा माणसे चुराये आमरेमा आवीन मेवायला छे, जिंदरो इना दोंडोन बारामा जुनले टेमोमा पेहेले गोथो लिखाय गोयलो होतो, ये भोक्ती नी कोरने वावा छे, एने आमरा परमेश्वरोन दया काजे लुच्चायमा बोदोल देतला छे, एने आमरू एकुत मालिक प्रभू येसु मसिहन इनकार कोरतेला छे.