2 तीमथी 3:12 - बारेली पावरी

¹² बाकीन जोत्रा मसिह येसुमा भोक्तीन पुठी जीवन जीवने हिंडे तीनु आखा काजे वेला पाळसे.

2 तीमथी 3:12 Iomraidhean Croise

मत्ती 16:24

तेत्यार येसु तेरा चेला काजे कोयू, “ओगर कुदाक मार पोछोव आवने लागे, ती खुदो काजे नाकार कोरे एने मारू ख्रुस हाकले, एने मारे पोछोव चाले.

मत्ती 23:34

इनान कोरता देखू, मे तुमरेनचा भविष्य कोरता एने ग्यानी एने शास्त्री काजे मुकलो; एने तुमु तिंदरेमा गोथा काहनास काजे मार नाखसू एने ख्रुस पोर चोळावसू, एने काहनास काजे आपना प्रार्थना घोरोमा चाबका मारसू एने सोहोरोमा गोथा दिसरा सोहोरोमा दोवळावता फिरसू.

मरकुस 10:30

एने हिमी इनी टेमे सोव गुणा नि जोळे, घोरे एने भाशे एने बहोनिशा एने आया एने पुऱ्या-पारी एने खेतो काजे, एने तोकलीतो साते एने आवने वावा संसारमा ओमोर जीवन.

योहान 16:2

चे तुमु काजे प्रार्थना घोरोमा गोथो निकाव देसे, बाकीन ची टेम आवली छे, कि जो कुदु तुमुक मार नाखसे चू समजसे कि मे परमेश्वरोन सेवा कोरतेलु छे.

योहान 16:33

मे जे वाते तुमु काजे इनान कोरता कोयलु छे कि तुमुक मारेमा शांती जोळे जोगोमा तुमुक दुख होयतलो छे, बाकीन हिंमत धरु, मे जोगो काजे जीक लेदलु छे.

योहान 17:14

मे तारो वचन तीनुक पुगाळ देदलु छे; एने जोग तिंदरे पोर दुष्मोनी कोऱ्यु, काहाकि जोसो मे जोगोन नि होय, तोसाच चे बी जोगोन नि होय.

प्रेषित 14:22

एने चेलान मोनो काजे पाका कोरता एने भुरसामा टीकिन रोयनु जुवे कोरीन तीनु काजे धीर आपता गोया, “आमु काजे जुदो तोकलीत कोरीन परमेश्वरोन राजमा जाणो छे.”

1 कुरीन्थियो 15:19

एने आपनु इना जीवनमा मसिहमा आस मेके ती आमु आखा माणसोमा गोथा जादा अभागा छे.

2 कुरीन्थियो 1:12

काहाकि आमु आमरा दिमाकोन इनी गोवायी पोर घोमंड कोरतेला छे, कि जोगोमा एने खास कोरीन तुमरे इचमा आमरो जीवन परमेश्वरोन लायक ओसलो पवित्र एने खोराइ साते होतो, जो डीलोन ग्यानसी नि बाकीन परमेश्वरोन दया साते होतो.

2 कुरीन्थियो 4:9

सताव ते होयतलु छे बाकीन त्याग नी कोरतेला पोळी ते जातला बाकीन नाश नी होयतला.

1 तीमथी 2:2

राजा एने आखा उचा पोद पोरलान कोरता एरेन कोरता कि आमु आराम एने नोरमाय पुठी आखी भोक्ती एने गंभीर से जीवन जीवजे.

1 तीमथी 3:16

इनुमा शंका नी होय कि भोक्तीन फरक गंभीर छे, मतलब होयो जे डीलोमा प्रगट होयलो, आत्मामा धोरमी ठेरायू, सोरग दूत काजे देखायतू दिसरा जातीमा हेरा प्रचार होयलू, जोगोमा हेरे पोर भुरसू कोरलु होतु, एने महिमामा उपर चुटायलु होतु.

1 तीमथी 6:3

जर कुदू दिसरे भातीन प्रचार कोरतू होसे एने वारली वातोन आमरा प्रभू येसु मसिहन वातो काजे नी मानतू होसे, जो भोक्तीन अनसारे छे.

तीतुस 1:1

पौलुसोन भूनी गोथो जू परमेश्वरोन सेवक एने येसु मसिहन प्रेषित छे, परमेश्वरोन नेवाळला माणसोन भुरसू एने तिना खोराइन उखाइतान अनसारे जो भोक्तीन अनसारे छे,

तीतुस 2:12

एने आमुक चेतावनी आपे कि आमुक अभक्ती एने संसारन भुंडली मोर्जीसी मन फिरावनीन इना जोगोमा संयम एने धर्म एने भक्तीसी जीवन जिवू.

1 पतरस 3:14

ओगर तुमु धोरमोन वोजेह दुख झेलसु, ती सोयावा छे; बाकीन माणसोन वातो काजे मा बिहू, एने मा घाबरायु,

2 पतरस 3:11

जेतार ये आखा चीजे इनी रितीसी पिगवने वावी छे, ती तुमुक चुखली चाल चलन एने भोक्तीमा कोसला माणसे रोयनो जुवे,

प्रकाशित वाक्य 12:4

तेरो चो मूय वादवान तारा काजे एक तिहाई काजे हापकीन धोरती पोर घाल देदू, चू अजगर तीना बायरोन सामने यो च्या होती उबरोय गोयू कि जेतार ची पुऱ्या काजे जोने ती तिना पुऱ्या काजे गिव जाय.

प्रकाशित वाक्य 7:14

मे तीना काजे कोयू, “हे स्वामी, तूत जानतलु छे” चू मेसे काजे कोयू “जे चे छे, चे तिना मोटला दुखोमा गोथा निकवीन आवला छे चे आपना-आपना छिंदरा गाडरान लुयमा धुवीन धोव्वा कोरला छे.”