2 तीमथी 1:7 - बारेली पावरी

⁷ काहाकि परमेश्वर आपनुक बिहनेन नी बाकीन ताकत एने मोंग, एने नोरमायीन, चुखली आत्मान आपलु छे.

2 तीमथी 1:7 Iomraidhean Croise

लुका 10:19

देखू मे तुमु काजे घोळसा एने विछाकाजे छेंदीन एने दुष्मोनोन आखा ताकत पोर होक आपलु छे; एने कानली चीजोसी तुमरो काहीन नुकसान नि होये.

लुका 15:17

जेतार चू सुदपोर आव्यु तेत्यार कोयने बाज गोयू, मारा बासोनचा कोतरा दाहळक्या काजे खाणासी बी जादा रुटू जोळतलू, एने मे न्या भूकलू मोर रोयू.

लुका 24:49

एने देखू, जेबी वायदू मारू बास कोरलु छे, मे तीना काजे तुमरे पोर उतारीस एने जेतार तोक सोरगोमा गोथो ताकत नि जोळे, तेत्यार तोक तुमु इना सोहोरोमा रोय रोयू.”

लुका 8:35

माणसे यो जो होयलो होतो तीनाक देखणे कोरीन निकव्या, एने येसुनचा आवीन जीना माणसोमा गोथी भुंडली आत्मा निकोवली होती, तीनाक येसुन पायोनचा छिंदरा पेहेरीन एने सुदपोर बोस रोयलू देखीन बिह गोया;.

योहान 14:27

मे तुमुक शांती आप दोम, मारी शांती तुमुक आप दोम; जोसो जोग आपतला छे, तोसो मे तुमुक नि आपो, तुमरो मोन कासावीस नि होये एने मा बिहू.

प्रेषित 1:8

बाकीन जेतार पवित्र आत्मा तुमरे पोर आवसे तेत्यार तुमुक ताकत जोळसे; एने यरुशलेम एने आखा यहुदियामा, एने सामरिया, एने धोरतीन जोगोन धोळे तोक मारा गोवा बोनसू.

प्रेषित 10:38

परमेश्वर काहना रितीसी येसु नासरी काजे पवित्र आत्मा एने ताकतसी अभिषेक कोऱ्यु चू भोलाई कोरतू एने आखा काजे भुतडान छुळावला होता, वारलो कोरतू फिरू काहाकि परमेश्वर तेरे साते होतु.

प्रेषित 20:24

बाकीन मे मारा जीव काजे काय नी सोमज्यु कि तीनाक मोंगावू जाणो, बाकीन यो कि मे मारा दोवळना काजे एने तिनी सेवा काजे पुरी कोरो, जो मे परमेश्वरोन दयान वारली खोबर पोर गोवायी आपनेन कोरता प्रभू येसु जुव गोथू ली लेदलु छे.

प्रेषित 21:13

बाकीन पौलुस जोवाब आप्यू, “तुमु काय कोरणे बाज रोया कि रोडी-रोडीन मारो मोन दुखाळतला? मे ते प्रभू येसुन नावोसी यरुशलेममा नि सुतू बांधायनेन नी बाकीन मोरनेन कोरता बी तीयार छे.”

प्रेषित 26:11

मे खुद आखा आराधनालयमा जायीन तीनुक तोकलीत आप्या कोरतू होतु एने येसुन बुराई कोरावता होता, एने रीसवायीन देस मायीन गावमा तिंदरे पोछो पोळतू होतु.

प्रेषित 26:25

बाकीन पौलुस कोयू, “माहाराज फेसतूस मे गांडू नि होय बाकीन खोरली एने वारली वाते कोर रोयू.”

प्रेषित 6:8

स्तेफन दया एने ताकतसी भोराईन मोटा-मोटा अदभूत काम एने चिन्ह देखाळतू होतु.

प्रेषित 9:22

बाकीन शाउल एने ताकतवान होयतू होतु एने पोटाळ देदु कि मसिह युत छे, दमिश्क रोयने वावा यहुदिन मूय बंद कोरतू गोयू.

रोमी 5:5

एने आस सी लाज नी आवतेली काहाकि पवित्र आत्मा जू आमु काजे आपलो छे तिनान लारे परमेश्वरोन मोंग आमरा मोनोन भोर देदला छे.

रोमी 8:15

काहाकि तुमुक गुलामोन आत्मा नी कि तुमु बिही जावू, बाकीन सेवेत्र्यु मोंगोन आत्मा जोळली छे, जीनामा आपु हे अब्बा, हे बास कोयीन आयळीन कोयतेला.

1 कुरीन्थियो 2:4

एने मारो वचन, एने मारा प्रचारमा ग्यानोन विसरने वावी वाते नी होय, बाकीन आत्मा एने ताकत सबूत होतो,

गलातियों 5:22

बाकीन आत्मान फोव, मोंग, खुशी, शांती, धीर, दया, भोलाई, भुरसू.

कुलुस्सि 1:8

चू तुमरा मोंगोम जे आत्मामा छे आमरेपोर प्रकट कोऱ्यु.

इब्रानियो 2:15

एने जोतरा जो मोरोनोन बिकोन मारे पुरी जीवाय गुलाम गिरीमा फोस गोयला होता, तीनुक छुळाव लेये.

1 पतरस 1:22

आखरीमा जेतार तुमु वारला विचार एने मोनमा दोगो नि होय मोंगोन निमित्त खोरो माणसोसी आपना मोनो काजे चुखा कोरला छे, ती तन मन लागाळीन एक भाश्योसी लोके मोंग राखू.

1 योहान 4:18

मोंगोमा बिक नि रोयतला, नि तेत्यार सिद्ध मोंग बिक काजे नांबे कोर देदला छे; काहाकि भाशोन संबंध दोंडोसी होयतलो, एने जू बिक धोरतलु चू मोंगोमा सिद्ध नि होयू.