1 तीमथी 4:10 - बारेली पावरी

¹⁰ काहाकि आमु मेहनत एने कोशिश एरेन कोरता कोरतेला छे कि आमरी आस हीना जीवतला परमेश्वर पर छे, जू आखो माणसोन एने खास विस्वास्यान छुटकारू आपने वावु छे.

1 तीमथी 4:10 Iomraidhean Croise

मत्ती 16:16

शिमोन पतरस जोवाब आप्यू, “तू जीवतला परमेश्वरोन पुऱ्यु मसिह छे.”

मत्ती 27:43

चू परमेश्वर पोर भुरसू मेकलु छे; ओगर चू इनाक जुवे, ती हिमी छुळाव लेये काहाकि यु कोयलु होतु, ‘मे परमेश्वरोन पुऱ्यु छे.’”

योहान 1:29

दिसरे दाहळे चू येसु काजे आपने भूनी आवतेलु देखीन कोयू, “देखू, यु परमेश्वरोन गाडरो छे जू जोगोन पाप उचलीन लीजात रोयतलु छे.

योहान 4:42

एने तिनी बायर काजे कोया, “हिमी आमु तारा कोयना पोरसी भुरसू नि कोरता; काहाकि आमु खुद सोमवी लेदा, एने जानतला कि युत छाचलीन जोगोन छुटकारू आपन्यु छे.”

योहान 5:24

मे तुमु काजे छाचलीन-छाचलीन कोयो, यु मारू बुल सोमवीन मारा मुकलने वावा पोर भुरसू कोरतेलू छे, ओमोर जीवन तेरोत छे; एने तिना पोर दोंडोन आग्या नि होयतेली बाकीन चू मोरनेमा गोथू पार होयीन जीवनमा भोराय गोयलु छे.

1 कुरीन्थियो 15:10

बाकीन मे जो कायबी छे, परमेश्वरोन दयासी छे. हेरी दया जी मार पोर होई, चो वायबार नी होयो; बाकीन मे हिमी आखा गोथू बोळीन मेहनत बी कोऱ्यु, तीबी यो मारे भूनी गोथो नी होयो बाकीन परमेश्वरोन दयासी जो मार पोर होतो.

2 कुरीन्थियो 1:10

चू आमुक मोरनेन ओसला मोटा दुखोमा गोथू वाचाळ्यु एने वाचाडसे; एने तीना पोर आमरी जी आस छे कि चू ओगोव वाचाडतू रोयसे.

1 तीमथी 2:3

यो आराम छुटकारू आपन्यु परमेश्वर काजे वारू लागतलो एने गोवतेलो बी छे,

1 तीमथी 2:4

जो यु चाहतलु कि आखा माणसोन छुटकारू होये एने खोरला काजे वारू रितीसी जान लेये.

1 तीमथी 2:6

जू खुदो काजे आखान छुटकारान दामोमा आप देदू, एने हेरी गोवायी ठीक टेमो पोर आपाय गोयी.

1 तीमथी 3:15

कि अगर मारो आवनेमा टेम होय जाय ती तू जान ले कि परमेश्वरोन मंदीरमा जू जीवतला परमेश्वरोन मंडवी छे, एने जो खोरलान खांबु एने पाये छे कोसू रोयनो जुवे.

1 तीमथी 6:17

इनी संसारन मालदार माणसोक आग्या आप कि होया लालची नी होय एने चूलबुल धोनोपोर आस नी कोरे, पुन परमेश्वर पोर जू आमरे सुखोन कोरता आखो एने घोनो सोवटो आप देतलु.

इब्रानियो 11:26

चू मसिहन वजेसी बुराई होयनेमा मिसरदेशोन धोनोन भोंडार गोथू महान सोमज्यू काहाकि चो प्रतीफोव जोळनेन आस लागलु होतु.

इब्रानियो 13:13

इनान कोरता बुराई आपने उपोर लीन साहवान बारथे तीनानचा निकवी गोया.

1 पतरस 1:21

तेरे लारे तुमु तिना परमेश्वर पोर भुरसू कोरतेला छे, जीनाक मोरलामा गोथो जीवाळ्यो एने महिमा आप्यू कि तुमरु भुरसू एने आस परमेश्वर पोर होयसे.

1 योहान 2:2

एने होयुत आमरे पापोन पश्चाताप छे, एने बोस आमरो ओतरो नि आखा जोगोन पापोन बी.

1 योहान 4:14

आमु देखी बी लेदा एने गोवायी आपजे कि बास पुऱ्या काजे जोगोन छुटकारू आपन्यु कोरीन मुकली रोयू.