1 तीमथी 4:1 - बारेली पावरी

¹ पुन आत्मा साफ रितीसी कोये कि आवने वावी टेममा कोतरा माणसोन फोसाळने वावी आत्मा, एने भुंडली आत्मान शिक्षा पोर मन लागाळीन भुरसासी भटक जासे.

1 तीमथी 4:1 Iomraidhean Croise

मत्ती 18:7

ठूकरोन वोजेसी जोगो पोर हाय ठूकरोन लागनो जोरुरी छे; बाकीन हाय तिना माणसो पोर जिंदरे लारे ठूकर लागतेली छे.

लुका 17:1

ओवते येसु आपना चेला काजे कोयू, “होय नि सोकतो कि ठूकर नि लागे, बाकीन हाय, तीना माणसो पोर जीनान वोजेसी आवतेली.”

योहान 16:13

बाकीन जेतार चू मतलब खोरलायीन आत्मा आवसे, ती तुमु काजे आखी खोरलायीन वाट देखाळसे, काहाकि चू तेरे जुव गोथू नि कोये बाकीन जो काय सोमोवसे चोत कोयसे, एने आवने वावा वाते तुमुक कोयसे.

प्रेषित 13:2

जेतार चे उपास एने प्रभून आराधना कोरता होता ती पवित्र आत्मा कोयू, “मारेन कोरता बरनाबास एने शाउल काजे इना कामोन कोरता ओलोग कोरु जिनान कोरता मे हिनु काजे बुलावलो छे.”

प्रेषित 17:18

तेत्यार इपीकुरी एने स्तोईकीन माणसो माइन काहना तीना साते झोगळू कोरणे बाज गोया, एने काहनास कोया, “यु बळबळ कोरन्यू काय कोरणे चा रोयू?” बाकीन दिसरा कोया “चू दिसरा परमेश्वरोन प्रचारक मालूम पोळे, काहाकि चू येसु एने पोछोव जीव उठनेन वारली खोबर कोयतू होतु.”

प्रेषित 20:23

निसतो यो कि पवित्र आत्मा होर नगरमा गोवायी आपी आपीन मेसेक कोये कि बंधन एने दुख तारेन कोरता तीयार छे.

प्रेषित 21:11

चू आमरेनचा आवीन पौलुस काजे तेरे साते लीन तेरु कोळ्यान पोटटू लीन तेरा हात पाय बांधिन कोयू, “पवित्र आत्मा यो कोयो कि जिना माणसोन यो कोळ्यान पोटटू छे, तीना काजे यरुशलेममा यहुदि इना रितीसी बांधसे, एने परराष्ट्रीयान हातोमा आप देसे.”

प्रेषित 28:25

जेतार चे एक दिसरा साते सोमजोता नि होया, तेत्यार चे पौलुसोन इना एक वात काजे कोयने पोर चे जात रोया, “पवित्र आत्मा, यशयाह भविष्य कोरतान लारे तुमरा डाहा-डाहा सी वारूत कोया.”

1 कुरीन्थियो 10:20

नी, बाकीन यो कि दिसरा जातीन जे बलिदान कोरतेला छे; चे परमेश्वरोन कोरता नी बाकीन भुंडली आत्मान कोरता बलिदान कोरतेला छे एने मेसेक नी जुवतो कि भुंडला आत्मान सहभागी होये.

1 कुरीन्थियो 11:19

काहाकि भेदभाव बी तुमरेमा जरूर होसे; इनान कोरता कि जे माणसे तुमरेमा खोरला छे चे देखनो जुवे.

1 कुरीन्थियो 12:11

बाकीन ये आखा प्रभाव शाली काम एकुत आत्मा कोरतेलू, एने तीनाक जो लागतलो चो वाट देतलु.

1 कुरीन्थियो 2:10

बाकीन परमेश्वर तीनुक आपना आत्मान लारे आपनेपोर देखाळ्यू, काहाकि आत्मा आखी वाते, नीती परमेश्वरोन गुढ वाते बी जाच कोरतेला छे.

2 कुरीन्थियो 11:3

बाकीन मे बिहतेलु कि जोसू घोळसु आपनी चोतूरायसी हव्वा बायर काजे फोसाळ्यु, तोसुत तुमरो मोन इना सुधा एने चुखलासी जे मसिह साते होयनो जुवे, काहनोत नाश नी होयनो जुवे.

कुलुस्सि 2:18

कुदू माणूस आत्माहीनता एने सोरग दूतोन पूजा कोरावीन तुमु काजे दोवोळनेन फोवोसी छेटा नि कोरे. ओसलु माणूस देखला वातोमा लागला रोयतला छे एने आपनी डीलोन समजपोर बिना वजहसी रीसवायतला.

2 तीमथी 3:13

पुन दुष्ट एने भडकावने वावा धोकू देतला एने धोकू खातला, बिगडी जातला.

2 तीमथी 4:4

एने आपना काटा खोरलान चा गोथा वेला कोरीन कहानी पोर लागाळ लेसे.

याकुब 3:15

यो ग्यान चो नि होय जो उपोर गोथो उतरतेलो छे, एने संसारोन, एने शरीरोन, एने भुतडान छे.

1 पतरस 1:20

तेरो ग्यान ते जोगोन घोडनेन पेहेलेसी जान लेदलु होतु, पुन हिमी आखरी युगमा तुमरेन कोरता प्रकट होयलू.

2 पतरस 2:1

इना रितीसी तीना माणसोन झुटा भविष्य कोरणे वावा होता, तिना रितीसी तुमरेमा बी झुटा प्रचारक होयसे, जो नाश कोरणे वावा भुंडला विचारन मोनोन कोरसे एने तिना महाराजोन जे तीनु काजे मुले लेदलु छे इनकार कोरसे, एने आपना आपु काजे तेत्यारुत नास मा नाख देसे.

2 पतरस 3:3

पेहेले यो जान लेवू कि आखरी दाहळामा हासी मोजाक उळावने वावा आवसे जो आपनी भुंडली मोर्जीन लारे चालसे.

1 योहान 2:18

ए पुऱ्या यु आखरी टेम छे; एने जोसो तू सोमवलू छे कि मसिहक रुकने वावु आवन्यू छे, हीनान अनसारे हिमी बी लोके जोना मसिह रुकने वावा उठीन उबा रोय गोयला छे; इनुसी आमु जानतला छे कि यु आखरी टेम छे.

1 योहान 4:6

आमु परमेश्वरोन छे, यु परमेश्वर काजे उवेखतलू चू आमरी सोमवतलु छे; जू परमेश्वर काजे नि उवखे चू आमरेसी नी सोमजतलु इना रितीसी खोरली आत्मा एने भ्रमणोन आत्मा काजे उवखी लेतला छे.

यहुदा 1:18

चे तुमु काजे कोया कोरता होता, “पोछला दाहळामा ओसला मोजाक कोरने वावा होयसे जे आपना भोक्ती नी कोरणे वावान भुंडला मोर्जीन अनसारे चालसे.”

यहुदा 1:4

काहाकि कोतरा ओसा माणसे चुराये आमरेमा आवीन मेवायला छे, जिंदरो इना दोंडोन बारामा जुनले टेमोमा पेहेले गोथो लिखाय गोयलो होतो, ये भोक्ती नी कोरने वावा छे, एने आमरा परमेश्वरोन दया काजे लुच्चायमा बोदोल देतला छे, एने आमरू एकुत मालिक प्रभू येसु मसिहन इनकार कोरतेला छे.

प्रकाशित वाक्य 13:14

तिना निशाणीन वजेसी, जू तिना चिल्ला सामने देखाळनेन होक तीनाक आपाय गोयलु होतु, चू कोवीम रोयने वावा काजे भुलवाडतू होतु एने कोवीन रोयने वावासी कोयतु होतु कि जिना चिल्लान तलवार लागली होती चू जीव गोयलु छे, तेरी मूर्ती बोनाव्यू.

प्रकाशित वाक्य 16:14

यो निशाणी देखणे वावा भुंडली आत्मा छे, यो आखो जोगोन राजान साथे निकवीन इनान कोरता जातलो छे कि तीनुक आखी ताकत वावु परमेश्वर तीना मोटला दाहळान लोळायीन कोरता एखठा कोरे.

प्रकाशित वाक्य 18:2

चे मोटला बुलोसी आयळीन कोया, “पोळ गोयू, मोटलु बाबेल पोळ गोयलु छे, जो भुंडली आत्मान रोयनो, एने हर एक भुंडली आत्मान वस्ती, एने होर एक विटोवला एने भुंडला नी ते चिल्लान पांजरु होय गोयू.”

प्रकाशित वाक्य 18:23

एने दिवान विजावो पोछो कोबी तारेमा नि चोमके, एने लाडू लाडीन बुल पोछु कोबी तारेमा सोमवाये नि; काहाकि तारा व्यापारी कोवीन प्रधान होता, एने तारा कुहराय सी आखा जात्या भुलवाय गोयला होता.

प्रकाशित वाक्य 19:20

चो जोनावर, एने तेरे पुठी चू झुटू भविष्य कोरणे वावू धोराय गोयू जू हेरे सामने ओसलो निशाणी देखाळतू होतु जेरे लारे चू हिनुक भूलवाडयु जिना पोरसी तिना जोनावरोन छापू होतु एने जो हेरे मूर्तीन पूजा कोरता होता, जे दुयू जीवतला तिना आगठान झीलमा, जी गोंधकसी धोपतली छे, घालाय गोया.

प्रकाशित वाक्य 2:11

जेरा कानटा होसे चू सोमवी लेये कि आत्मा मंडव्या काजे काय कोये, जो जय हासील कोरे, तीनु काजे दुसरी मोरोनसी नुकसान नी होये.

प्रकाशित वाक्य 2:17

जेरा कानटा होसे चू सोमवी लेये कि आत्मा मंडव्या काजे काय कोये. जो जय हासील कोरे, तीनु काजे मे डूकाळला मोनोमा गोथो आपीस, एने तीनाक एक धोव्वु दोगळू बी आपीस; एने तिना दोगळा पोर एक नाव लिखलो रोयसे, जीनाक एरू लेणे वावा सिवाय कुदू नी जाणे.

प्रकाशित वाक्य 2:29

जेरा कानटा होसे चू सोमवी लेये कि आत्मा मंडव्या काजे काय कोये.

प्रकाशित वाक्य 2:7

जेरा कानटा होसे चू सोमवी लेये कि आत्मा मंडव्या काजे काय कोये, जो जय हासील कोरे, मे तीनु काजे तिना जीवनोन झाडोमा गोथू जो परमेश्वरोन सोरगो लोकमा छे, फोव खाणेन कोरीन आपीस.

प्रकाशित वाक्य 20:10

तीनुक भूलवावने वावु भुतडू आखठो एने गंधकोण तिना झीलमा, जिनामा चू जोनावर एने झुटू भविष्य कोरणे वावू बी होसे, घालाय जासे; एने चे रात दाहळू कायम पिढामा तोडपता रोयसे.

प्रकाशित वाक्य 20:8

चू तिना जात्या काजे जे कोवीन चारू धोळे होसे, मतलब गोग एने मागोक काजे जोतरी गिनती दोरीयान रेवतो बोराबोर होसे भूलवाडीन लोळायीन कोरता एखठा कोरनेन निकवसे.

प्रकाशित वाक्य 3:13

जेरा कानटा होसे चू सोमवी लेये कि आत्मा मंडव्या काजे काय कोये.”

प्रकाशित वाक्य 3:22

जेरा कानटा होसे चू सोमवी लेये कि आत्मा मंडव्या काजे काय कोये.

प्रकाशित वाक्य 3:6

जेरा कानटा होसे चू सोमवी लेये कि आत्मा मंडव्या काजे काय कोये.

प्रकाशित वाक्य 9:20

बाकी माणसे जे तिना महामारीसी नि मोऱ्या, आपना हातोन कामोसी मोन नि फिराव्या, कि भुंडली आत्मान, एने सोनो एने चांदी एने पितोव एने दोगळान एने काठोन मूर्तीन पूजा नी कोरे यो नी देखे, नी सोमवे, नी चाल सोकतली छे.