1 तीमथी 1:3 - बारेली पावरी

³ जोसू मे तुसे काजे मकीदुनीयामा जाणेन टेमे समजाडलू होतु, कि इफिसुसमा रोयीण दिसरा माणसोक आग्या आपे कि दिसरा भातीन शिक्षा नी आपे.

1 तीमथी 1:3 Iomraidhean Croise

प्रेषित 18:19

चू इफिस पुगीण तीनु काजे चा हेऱ्यु एने खुद प्रार्थना घोरमा जायीन यहुदि साते जोखळायने बाज गोयू.

प्रेषित 18:21

बाकीन यो कोयीन तीना काजे कोयीन जाणेन तीयारी कोऱ्यु, “अगर परमेश्वर चाहे ती मे तुमरेनचा ओवी आवीस” तेत्यार चू इफिसमा गोथू ढोंड्यो छुळीन चाल पोळ्यु;

रोमी 15:26

काहाकि मकीदुनीया एने अखायान माणसो काजे यो वारू लागलो कि यरुशलेमोन पवित्र चुखला माणसोमा पोयशा नि होय ओसला वर्गणी टूवू कोरे.

रोमी 16:17

हिमी हे भाशो, मे तुमरेसी विनता कोरो, कि जे माणसे तिना प्रचारोन खिलापमा, जी तुमु ली लेदला छे, फुटी घालने एने ठूकर खावळावने वोजा छे, तीनुक भोनाळ्या कोरु एने तिंदरे गोथा नांबे रोयू.

2 कुरीन्थियो 11:4

ओगर कुदु तुमरेनचा आवीन काहना दिसरा येसुन काम कोरे, जेरु प्रचार आमु नी कोऱ्या; नीती काहनु ओवी आत्मा तुमुक जोळे जू पेहेले नी जोळलु होतु; नीती कुदू वारली खोबर सोमवाळतलु तुमु पेहेले नी मान्य, ती तुमु तीनाक सोह लेता.

इफिसीयो 4:14

काहाकि आपनु ओगा पुऱ्या नी रोये चे माणसोन झुटा विद्या एने हुशारीमा तिंदरा भ्रोमोन विचारोन एने प्रचारोन होर एक वावाक उछवाय जाय इंखुर तिन्खुर फिराव देतला छे.

फिलिप्पि 2:24

एने प्रभूमा मेसेक भुरसू छे कि मे भी छाटू आवीस.

1 तीमथी 4:11

इनी वातोन आग्या आप एने सिकाळतु रोय.

1 तीमथी 4:6

अगर तू इनू भाशो काजे सोमजाडतू रोयसे, ती मसिह येसुन वारलु दास बोनसे; एने भुरसू एने हेरा वारला प्रचारोन वातो पोर, जो मानतू आव रोयु, तारू देख भाव होयतो रोयसे.

1 तीमथी 5:7

इनी वातो काजे बी आग्या आप्या कोरजू काहाकि होया निरदोष रोये.

1 तीमथी 6:10

काहाकि पोयशान लालच आखा भातीन बुराइन थुळ छे, तीनाक हेरनेन कोरीन कोशिश कोरीन भुरसाम चा गोथा भटकीन आपनु काजे भाती भातीन दुखोसी छलनो बनाव लेदलु छे.

1 तीमथी 6:17

इनी संसारन मालदार माणसोक आग्या आप कि होया लालची नी होय एने चूलबुल धोनोपोर आस नी कोरे, पुन परमेश्वर पोर जू आमरे सुखोन कोरता आखो एने घोनो सोवटो आप देतलु.

1 तीमथी 6:3

जर कुदू दिसरे भातीन प्रचार कोरतू होसे एने वारली वातोन आमरा प्रभू येसु मसिहन वातो काजे नी मानतू होसे, जो भोक्तीन अनसारे छे.

2 तीमथी 1:18

प्रभू कोरे कि तिने दाहळे तीना पोर प्रभून दया होये एने जी-जी सेवा यु इफिसमा कोरलु छे तीनुक बी तू वारला रितीसी जानतलु.

2 योहान 1:7

काहाकि कहानला ओसा भनकावने वावा जोगोमा निकावी रोया, जे यो नि मानतला कि येसु मसिह डीलोमा होईन आयु; भनकावने वावु एने येसु मसिहक रुकने वावा जेच छे.

प्रकाशित वाक्य 2:14

बाकीन मेसेक तारा खिलापमा काहीन वाते कोयनो छे, काहाकि तारेनचा काहनास ओसा छे, जे बिलामोन शिक्षा काजे मानतला छे, जू बालाक काजे इस्राईलोन ओगोव ठूकरोन वोजा राखणे सिकाळयु, कि चे मोरला पोर चोळावला चीजे खाय एने व्यभिचार कोरे.

प्रकाशित वाक्य 2:20

बाकीन मेसेक तारा खिलापमा यो कोयनो छे कि तू ची बायर इजबेल काजे रोयने देतलु छे ची आपना खुदो काजे भविष्य कोरणे वावी कोयतेली छे, एने मारा दासो काजे व्यभिचार कोरणे एने मुर्त्यान ओगोव चोळावला चीजे खाणेन सिकाळीन फोसाळतली छे.