1 तीमथी 1:2 - बारेली पावरी

² तीमथीन नावे जो भुरसामा मारो खोरलु पुऱ्यो छे, परमेश्वर बास एने आमरू प्रभू येसु मसिहनचा गोथू तुसेक अनुग्रह, एने दया एने शांती जोळती रोये.

1 तीमथी 1:2 Iomraidhean Croise

रोमी 1:7

तीनु आखान नावे जे रोममा परमेश्वरोन मोंगावा छे एने चुखला होयनेन कोरीन बुलावला छे; आखान बास परमेश्वर एने प्रभू येसु मसिहनचा गोथो तुमु काजे दया एने शांती जोळतली.

गलातियों 1:3

परमेश्वर बास एने आमरा प्रभू येसुन मसिहन भूनी गोथा तुमुक दया एने शांती जोळती रोये.

1 थिस्सलुनीकियो 3:2

एने आमु तीमथीस काजे जू मसिहन वारली खोबरमा आमरू भाश एने परमेश्वरोन सेवक छे इनान कोरता मूकल्यु कि चू तुमुक पाका कोरे एने तुमरु भुरसान बारामा तुमु काजे सोमजाडे.

1 तीमथी 1:12

मे मारा प्रभू येसु मसिहन जू मेसेक ताकत आपलु छे, धन्यवाद आपो कि होयू मेसेक भुरसान लायक सोमजीन, हेरी सेवान कोरता ठेरावलु.

1 तीमथी 1:18

हे पुऱ्या तीमथी, इना भविष्यवाणीन अनसारे जो पेहेले तारा बारामा होयली होती, मे यी आग्या आपो कि तू हेरे अनसारे वारली लोळायी काजे लोळायतू रोय,

1 तीमथी 6:20

हे तीमथी जो तुसेक आपलो छे तेरी राखवावी कोर; एने जिना ग्यान काजे ग्यान कोयनेन भूल छे, हेरी भुंडली वात एने खिलापोन वातोन गोथू ओलोग रोये.

2 तीमथी 1:2

मोंगावा पुऱ्या तीमथीन नावे; परमेश्वर बास एने आत्मा प्रभू मसिहन येसुन तोरोफसी दया एने गिन एने शांती रोये.

2 तीमथी 2:1

इनान कोरता हे मारा पुऱ्या तू इनाक दयासी जे येसु मसिहमा छे ताकत वावू होय जा.

तीतुस 1:4

तीतुसन नावे जू भुरसान जुळायला विचारसी मारू खोरलु पुऱ्यु छे; परमेश्वर बास एने आमरू छुटकारू आपने वावु मसिह येसुन अनुग्रह एने शांती जोळती रोये.

तीतुस 2:2

मतलब डाहला माणसे जागता एने गंभीर एने संयमी होय, एने तिंदरू भुरसू एने मोंग एने धीर पाकु रोये.

तीतुस 3:15

मारा आखा साथी दारोन तुसेक नमस्कार, यो भुरसान वजेसी आमरेपोर मोंग कोरतेला तेणूक नमस्कार. तुमरे आखापोर मोंग होयती रोये.

1 पतरस 1:2

एने परमेश्वर बासन भविष्य ग्यानोन अनसारे, आत्मान चुखला कोरनेन लारे आग्या मानने एने येसु मसिहन लुय काजे शीतळनेन कोरता नेवळाय गोयला छे, तुमु काजे अनुग्रह एने शांती जुदा रितीसी जोळती रोयसे.

2 योहान 1:3

परमेश्वर बास, एने बसोन पुऱ्यु येसु मसिहन जुव गोथू दया एने शांती, खोरलो एने मोंग पुठी आमरे साते रोयसे.

3 योहान 1:4

मेसेक इना गोथो बोळीन एने कहाणली खुशी नि होय कि मी सोमवो, कि मारा पुऱ्या खोरला पोर चाल रोया.

यहुदा 1:2

दया एने शांती एने मोंग तुमुक जादात जोळतो रोये.