1 तीमथी 1:1 - बारेली पावरी

¹ पौलुसनचा गोथू जू आमरू छुटकारू आपन्यु परमेश्वर एने आमरी आसोन लारे मसिह येसुन आग्यासी मसिह येसुन प्रेषितोन छे.

1 तीमथी 1:1 Iomraidhean Croise

लुका 1:47

एने मारी आत्मा मारू छुटकारू कोरणे वावा परमेश्वर पोर खुश होयी,

लुका 2:11

कि आज दाऊदन सोहोरोमा तुमरेन कोरता एक छुटकारू आपन्यु पोयदा होय रोयू, एने युत मसिह प्रभू छे.

प्रेषित 9:15

बाकीन प्रभू कोयू, “तू जात रोय; काहाकि यो ते दिसरा जातीन एने राजान एने इस्राईलोन सामने मारो नाव लेनेन मार नेवाळलु ठहरुलु छे.”

रोमी 1:1

पौलुसोनचा गोथो जू येसु मसिहन दास छे, एने प्रेषित होयनेन कोरता बुलावलु छे, एने परमेश्वरोन तिना वारली खोबरोन कोरीन ओलोग कोराय गोयलु छे,

1 कुरीन्थियो 1:1

पौलुस भूनी गोथो यु परमेश्वरोन मोर्जीसी येसु मसिहन प्रेषित होयनेन कोरता बुलवाय गोयो एने भाश सोस्थिनेस तोरोफसी,

1 कुरीन्थियो 9:17

काहाकि कोबी मारी मोर्जीसी यो कोरो ती दाहाळकी मेसेक जोळतली छे, एने कोदि मारी मोर्जीसी नी कोरतू, तीबी पुढारीपोन मेसेक सोपाय गोयलो छे.

2 कुरीन्थियो 1:1

पौलुसोन भूनी गोथो जी परमेश्वरोन मोर्जी मसिह येसुन प्रेषितोन छे, एने भाश तीमथी भूनी गोथो परमेश्वरोन तिनी मंडवीन नावे, यो कुरिन्थमा छे, एने आखा अखायान चुखला माणसोन नावे.

गलातियों 1:1

पौलुसोन जू नी माणसोनचा गोथू एने नी माणसोन लारे, बाकीन येसु मसिह एने परमेश्वर बासोन लारे, जू तीनाक मोरलामा गोथू जीवतु कोऱ्यु प्रेषित छे.

गलातियों 1:11

हे भाशो मे तुमुक देखाळ देयो कि वारली खोबर मे सोमवलू छे, चू माणसोन बी नी होय.

कुलुस्सि 1:27

जीनु पोर परमेश्वर प्रकट कोरणेन कोऱ्यु तीनुक ग्यान जोळे कि दिसरा जातीमा तीना भेदोकाजे महिमान किमोत काय छे, एने चू जो छे कि मसिह जू महिमान आस छे तुमरेमा रोयतलु छे.

2 थिस्सलुनीकियो 2:16

आमरू प्रभू येसु मसिह आपसुत, एने आमरू बास परमेश्वर जू आमरेपोर मोंग कोऱ्यु एने ओमोरकाई शांती एने वारली आस आपलु छे.

1 तीमथी 1:12

मे मारा प्रभू येसु मसिहन जू मेसेक ताकत आपलु छे, धन्यवाद आपो कि होयू मेसेक भुरसान लायक सोमजीन, हेरी सेवान कोरता ठेरावलु.

1 तीमथी 2:3

यो आराम छुटकारू आपन्यु परमेश्वर काजे वारू लागतलो एने गोवतेलो बी छे,

1 तीमथी 2:7

मे खोरु कोयने बाज रोयू, झूट नी बुलतू, कि मे इना उद्देशोन प्रचारक एने प्रेषित एने दिसरा जातीन कोरता भुरसू एने खोरलान प्रचारक ठेरावतलु होतु.

1 तीमथी 4:10

काहाकि आमु मेहनत एने कोशिश एरेन कोरता कोरतेला छे कि आमरी आस हीना जीवतला परमेश्वर पर छे, जू आखो माणसोन एने खास विस्वास्यान छुटकारू आपने वावु छे.

तीतुस 1:3

बाकीन सही टेमो पर तेरा वचन काजे तिना प्रचारन लारे प्रगट कोऱ्यु, जू आमरू छुटकारू आपनेवावा परमेश्वरोन आग्यान अनसारे मेसेक सोपायलो छे.

तीतुस 2:10

चुरी चालाकी नि कोरे, पुन आखा भातीन पुरा विश्वासी जुवे कि चे आखा वातोमा आमरा छुटकारू आपनेवावा परमेश्वरोन प्रचार शोभा बोढावु.

तीतुस 2:13

एने इनी सोयावा आसोन मतलब आपना मोटला परमेश्वर एने छुटकारू आपने वावु येसु मसिहन महिमा प्रगट होयनेन वाट जुवता रोयू.

तीतुस 3:4

बाकीन जेतार आमु छुटकारू आपनेवावा परमेश्वरोन दया एने माणसो पोर तेरो मोंग प्रकट होयो.

तीतुस 3:6

जीनाक चू आमरा छुटकारू आपने वावु येसु मसिहन लारे आमरेपोर लोकेत रेचव्यू.

1 पतरस 1:21

तेरे लारे तुमु तिना परमेश्वर पोर भुरसू कोरतेला छे, जीनाक मोरलामा गोथो जीवाळ्यो एने महिमा आप्यू कि तुमरु भुरसू एने आस परमेश्वर पोर होयसे.

1 पतरस 1:3

आपने प्रभू येसु मसिहन परमेश्वर एने बासोन धन्यवाद होये, जिना काजे येसु मसिहन मोरलाम गोथू जीव उठनेन लारे, तेरी मोटली दया से आमु काजे जीवतली आसोन कोरता नोवलो जन्मो आप्यू,

2 पतरस 1:1

शिमोन पतरसोन जुव गोथो, जू येसु मसिहन पावोर एने प्रेषितोन छे, तीनु माणसोन नाव जे आमरू परमेश्वर एने छुटकारू आपने वावु येसु मसिहन धारमिकतान लारे आमरेन तोसो किमतीन भुरसू हासील कोर लेदू.

1 योहान 4:14

आमु देखी बी लेदा एने गोवायी आपजे कि बास पुऱ्या काजे जोगोन छुटकारू आपन्यु कोरीन मुकली रोयू.

यहुदा 1:25

तिना एकुत परमेश्वर आमरू छुटकारू कोरणे वावान महिमा एने गौरव एने पराक्रम एने होक, आमरू प्रभू येसु मसिहन लारे जोसो संसारोन पेहेले गोथो छे, हिमी बी होये एने हमेशा-हमेशा रोये. आमेन.