1 पतरस 3:2 - बारेली पावरी

² तीबी तुमरी बिक साते चुखला चाल चलन काजे देखीन बिगुर वचनोन आपनी-आपनी बायरोन चाल-चलनोन लारे हापकाय जासे.

1 पतरस 3:2 Iomraidhean Croise

इफिसीयो 5:33

बाकीन तुमरेमा हर एक आपनी लाडी पुठी खुदो सारखो मोंग कोरनो एने लाडी बी आपना पाहणान बिक धोरे.

इफिसीयो 6:5

हे दास, जे माणसे इना जोगोमा मे तुमरा मालक्या छे, आपना खोरला मोनोसी बिहता एने कापता जायीन जोसा मसिहन तोसाच तिंदराबी आग्या माणू.

फिलिप्पि 1:27

निसतो ओतरो कोरु कि तुमरो चाल चलन मसिहन वारली खोबरोन लायक रोये कि मे आवीन तुमुक देखो, नीती नी बी आवो, तुमरे बारामा सोमवो कि तुमु एकुत आत्मामा पाका रोयू, एने एक मोन होयीन वारली खोबरोन भुरसान कोरता मेहनतोन कोरता रोयतला.

फिलिप्पि 3:20

बाकीन आपनो देस सोरगोमा छे; एने आपनु छुटकारू आपन्यु प्रभू येसु मसिहनचा गोथो आवनेन वाट जुवतला छे.

कुलुस्सि 3:22

हे सेवक, जे डीलोन अनसारे तुमरा मालिक छे, आखान वातोमा तिंदरा आग्यान पालन कोरु, माणसो काजे खुश कोरणे वावान सारखो देखायनेन कोरता नी, बाकीन मोनोक सुदो एने परमेश्वरोन बिकोसी.

1 तीमथी 4:12

कुदू तारी जुवानी काजे कमी नी समजनो जुवे; पुन वचन एने चाल चलन एने मोंग एने भुरसू एने चुखलामा विस्वास्यान कोरता वारलो होय जासे.

1 पतरस 1:15

बाकीन जोसी तुमरू बुलावने वावू चुखलु छे, तोसोत तुमु भी तुमरा आखा चाल चलनमा पवित्र बोनु.

1 पतरस 2:12

दिसरा जातीमा तुमरो चाल चोलोन वारलो रोये; काहाकि जिना-जिना वातोमा होय तुमु काजे भुंडला कामोन जाणीन बोदनाम कोरतेला छे, चे तुमरा वारला कामो काजे देखीन तिंदरे वोजेह दयान दाहळामा परमेश्वरोन महिमा कोरु.

1 पतरस 3:1

हे बायरा, तुमु भी आपना ओदमीन अधीन रोयू, एरेन कोरता कि ओगर इनामा गोथो कुदू ओसू होसे जू वचन काजे नि मानतू होसे,

1 पतरस 3:3

तुमरु श्रृंगार देखावट नि होयनो जुवे, मतलब झोटा गुथने, एने सोनान वोजन, या भाती भातीन छिंदरा पेहेरणे,

2 पतरस 3:11

जेतार ये आखा चीजे इनी रितीसी पिगवने वावी छे, ती तुमुक चुखली चाल चलन एने भोक्तीमा कोसला माणसे रोयनो जुवे,