Marku 9:12 - Bible Fulfulde Bénin New Testament

¹² O toontii ɓe o wi'i: «Gooŋa nun, Eliya artan wara taw, moƴƴina huune fu. Den ume waɗi ko Binni Ceniini e wi'a: ‟*Ɓii neɗɗo toorete tooraaji ɗuuɗɗi, o yawnee?”

Marku 9:12 Iomraidhean Croise

Luka 23:11

Eroodu e soogeeji mum jali mo jaleeɗe yawaare, ɓe jaanci mo, no ɓe keennyi, ɓe ɓornini mo toggoore wooɗune, ɓe bittini mo to Pilaatu.

Luka 1:76

«An bo suka, a noddete annabiijo Alla mo dow, gam a yahan yeeso Joomiraawo, moƴƴinanaa mo laabi.

Luka 23:39

Halluɓe ɓen gooto mum, tiggidaaɗo e Yeesu, yenni mo, wi'i: «A laataaki woni *Almasiihu? Faaba hoore maa, paaboɗaa men!»

Matiye 26:24

E gooŋa *Ɓii neɗɗo dillan hande no Dewte bati dow makko. Amma bone woodani jammiiɗo mo! To o rimaakano, ɗum ɓurananno mo wooɗugo.»

Matiye 16:21

Diga wakkati mum, Yeesu fuɗɗi faamingo aahiiɓe mum wi'i e haani o yaha *Urusaliima. Ton dottiiɓe e *limaamiiɓe, e *moodiɓɓe tawreeta tooroyta mo puy, ɓe bara mo. Amma nyalaane tatawre, o fintan.

Marku 9:13

Mii bata on, e gooŋa Eliya warii, ɓe gaɗii mo ko ɓe jiɗi fu, hande no ɗum winniraa dow makko der Dewte.»

Marku 9:31

gam oo janŋina aahiiɓe makko, oo wi'a: «*Ɓii neɗɗo wattete e juuɗe himɓe, ɓe bara mo, amma balɗe tati ɓaawo maayde makko, o fintan.»

Marku 10:33

O wi'i ɓe: «Kettinee, en nani yaha Urusaliima, ton *Ɓii neɗɗo wattete e juuɗe *hooreeɓe limaamiiɓe e *moodiɓɓe tawreeta. Ɓe kiitoto mo kiita maayde, ɓe gattan mo e juuɗe heeferɓe.

Golle Lilaaɓe 1:6

Hawritiiɓe ley makko ƴami mo, wi'i: «Joomiraawo, jooni nun moƴƴitintoɗaa laamaare Isira'iila na?»

Golle Lilaaɓe 4:11

Kanko woni hayre ne onon mahooɓe boppuɗon, kayre heennyi laatii jogiine maadi .