Marku 4:1 - Bible Fulfulde Bénin New Testament

¹ Yeesu e janŋina kade takkol fonŋo maayo. Jama'aare ɗuunne wari e howii mo, o soltii ɓe gam ɗuuggal maɓɓe, o naati laana, o jooɗii. Laana kan e tawaa der maayo, jama'aare fu e woni fonŋo.

Marku 4:1 Iomraidhean Croise

Marku 2:13

Yeesu wurti e foonnii maayo. Jama'aare fu tawoy mo ton, oo janŋina ɓe.

Marku 3:7

Ɓaawo majjum, Yeesu fottii, yahi maayo *Galili, kanko e aahiiɓe makko, jama'aare ɗuunne ƴiwune Galili e Yahudiya e tokki mo.

Marku 3:9

Yeesu wi'i aahiiɓe mum e siriyanoo ɗum laana gam jama'aare e ɓilla ɗum.

Marku 4:36

Ɓe acci jama'aare, ɓe jawtini mo e laana ka o woni e mum, laanaaje goɗɗe bo e tokki ɓe.

Marku 5:2

No Yeesu wurtii laana, ɗon maa ɗon gooduɗo ginnool wurtii der caabeeje, fotti e makko.

Marku 5:21

No Yeesu naati laana witti fonŋo maayo, jama'aare ɗuunne wari e howii ɗum kade fonŋo ɗon.