Ya:mese 3:9 - GODE EA SIA: IDA:IWANE GALA

⁹ Ninia gona:su afadafa amoga ninia gilisili ninia Hina Gode amola Ada, amoma nodone sia:sa amola ninia na:iyado dunu amo Gode da hi ba:su amo defele hamoi, ilima ninia da gagabusu aligima:ne sia:sa.

Ya:mese 3:9 Iomraidhean Croise

Mui 5:1

A:da:me ea fi amo ilia hou da hagudu dedei. (Gode da dunu fi hamonoba, E da Hi hou defele ili hamoi dagoi.

Mui 9:6

Osobo bagade dunu ilia da Gode Ea hou agoane hamoi dagoi. Amaiba:le, osobo bagade dunu da eno dunu fane legesea, amo dunu ema se iasu da eno osobo bagade dunu amoga fane legemu.

2 Sa:miuele 16:5

Da:ibidi da Bahiulimi moilaiga doaga:loba, Solo ea fi dunu afae, amo Simiai (Gila egefe) da ougiba:le misini, e da ilima gagabusu aligima:ne sia: sisia: asi.

2 Sa:miuele 19:21

Abisia:i (Selouaia egefe) da amane sia:i, “Simiai amo fane legemu da defea. Bai Simiai da Hina Gode Ea hina bagade hamoma:ne ilegei dunu ema gagabusu aligima:ne sia:i.”

1 Hou Olelesu 29:10

Amogawi, Da:ibidi da dunu gilisisu ilia midadi, Hina Godema amane nodone sia:i, “Ninia aowa Ya:igobe ea Hina Gode! Dunu da eso huluane, mae fisili, Dima nodonanumu da defea.

1 Hou Olelesu 29:20

Amalalu, Da:ibidi da dunu gilisi ilima amane hamoma:ne sia:i, “Dilia Hina Godema nodone sia:ma!” Amola dunu gilisi huluane da ilia aowalalia Hina Godema nodone wele sia:i. Amola ilia da osoba beguduli, Hina Gode amola hina bagade Da:ibidi elama nodoi.

Gesami Hea:su 10:7

Ea sia: ganodini da ougisu sia: nabai gala amola ogogosu hou amola famusa: dawa:i gala. E da hedolowane wadela:i amola ougi sia: amo ia:musa: dawa:.

Gesami Hea:su 108:1

Gode! Na da Dima dafawaneyale dawa:i dagoi. Na da Dima nodosa gesami hea:mu amola Dima nodomu.

Gesami Hea:su 145:1

Na Gode amola na Hina Bagade! Na da Dia bagadedafa hou eno dunuma sisa:le imunu. Na da mae fisili, Dima nodonanumu.

Gesami Hea:su 145:21

Na da eso huluane mae yolesili Hina Godema nodonanumu. Ea hahamoi liligi huluanedafa da mae fisili Ea Hadigi Dio nodonanumu da defea.

Gesami Hea:su 16:9

Amola na da nodosa amola hahawane amola na dawa:loba, na da gaga:i dagoi.

Gesami Hea:su 30:12

Amaiba:le, na da hame ouya:i dialumu. Na da Dima nodone gesami hea:su hamomu. Hina Gode! Di da na Godedafa! Na da gebewane dima nodone sisia: ahoanumu.

Gesami Hea:su 34:1

Na da eso huluane Hina Godema nodone sia:mu. Na da Ema nodone sia:su hamedafa yolesimu.

Gesami Hea:su 35:28

Amasea, na da Dia moloidafa hou amo sisia:i lamu. Na da hahabe asili daeya amoga Dima gebewane nodonanumu.

Gesami Hea:su 51:14

Gode! Na esalusu gaga:ma! Amasea na da nonodoia Dia moloidafa hou enoma sisia:i lamu.

Gesami Hea:su 57:8

Na a:silibu! Nedigima! Na sani baidama amola na ‘laia’ dusu liligi! Nedigima! Na da amoga eso didilisimu!

Gesami Hea:su 59:12

Ilia wadela:i hou da ilia lafi gadofo da:iya diala. Ilia sia:be huluanedafa da wadela:i sia: fawane sia:sa. Ilila: gasa hidale hou hamobeba:le, ilia da fedege agoane saniga sa:i dagoi ba:mu da defea.

Gesami Hea:su 62:4

Dilia da udigili fawane amo nama, na nodosu sogea amogainini gudu sa:ima:ne hamosa amola dilia da ogogole nodosu hamosa. Dilia da nama nodoma:ne sia: sia:sa, be dilia dogo ganodini da nama gagabusa.

Gesami Hea:su 63:4

Na da na fifi ahoanusu huluanedafa amo ganodini Dima nodone sia:nanumu. Amola na da lobo gaguia gadole, Dima nodone sia:ne gadomu.

Gesami Hea:su 71:24

Hahabe asili daeya huluane, na da Dia moloidafa hou sisia:i lamu. Bai dunu ilia da nama se imunusa: dawa:i, ilia da hasalasali amola gogosia:i dagoi ba:sa.

Da:i Dione Dawa:i Olelesu 7:22

Di dawa:! Disu amola da eso bagohamega eno dunu ilima gadele sia:su.

Aisaia 29:13

Hina Gode da amane sia:i, “Amo dunu ilia da Nama nodone sia:ne gadosa, ilisu da sia:sa. Be ilia sia: da hamedei liligi amola ilia dogo da Nama gadenene hame. Ilia sia:ne gadosu hou da osobo bagade dunu ilia sema amola ilia hou fawane, liligi ilia osobo bagade asigi dawa:su amoga sia:sa sisa:lalusu dawa:.

Ma:diu 26:74

Amalalu, Bida da gasa bagadewane gagabuli amane sia:i, “Na da Gode Ea Dioba:le dafawane sia:sa! Na da ogogosa galea, Gode da nama se iasu imunu da defea! Amo dunu Na da hamedafa dawa!” Ea sia: dagobeba:le, gagala gawali da ga:i.

Ma:diu 5:44

Be wali Na da dilima sia:sa, ‘Dilia ha lai dunuma asigima! Nowa dunu da dilia hou wadela:sea, amo dunu fidima:ne, Godema sia:ne gadoma.’

Asunasi Dunu Ilia Hou 2:26

Amaiba:le na da hahawane bagade, amola na da nodone sia:nana. Na da osobo bagade dunu fawane, be na da dafawane hamoma:beyale dawa:beba:le, hame beda:mu.

Louma 3:14

Ilia da lasogole bagade sia:sa.

1 Golidia 11:7

Dunu da Gode Ea hadigi amo fedege agoane da:iya ba:su ganodini agoane olelebeba:le, ea dialuma dedebomu da defea hame. Be uda da dunu ea hadigi olelesa.

Efesase 1:3

Ninia Hina Yesu Gelesu Ea Gode amola Ada, Ema nodone dawa:mu da defea. E da hahawane a:silibu hou, Hebene soge ganodini diala houdafa, amo ninima i dagoi.

Ya:mese 1:27

Ada Gode da Ema fa:no bobogesu houdafa amo fawane hahawane dogolegele ba:sa. Gode da Ema fa:no bobogesu houdafa agoane ba:sa:- Amo da guluba: mano ouligisu hou, didalo se nababeba:le ouligisu hou, amola wadela:i osobo bagade hou amoga afafasu hou.

Ya:mese 3:10

Nodosu sia: amola wadela:ma:ne gagabusu sia: da gilisili lafi afadafa amoga maha. Na fi dunu! Amo da noga:i hame.

1 Bida 1:3

Ninia Hina Gode Yesu Gelesu amo Ea Ada Godema nodomu da defea. E da ninima bagadewane asigiba:le, ninima gaheabolo esalusu ima:ne, Yesu Gelesu Ea bogoi da:i hodo wa:legadolesi. Amaiba:le, ninia da hobea misunu dafawane hamoma:beyale dawa:lusu misa:ne hahawane ouesala.

Bisisu 9:27

Ilia huluane da ilia waini sagai amoga asili, waini fage faili, waini hano hamone, lolo nasu gilisisu hamoi. Ilia da ilia ogogosu ‘gode’ ea debolo diasu amo ganodini golili sa:ili, ha:i mai, waini hano mai amola Abimelege ea hou gadele sia: dasu.