Mui 2:25 - GODE EA SIA: IDA:IWANE GALA

²⁵ Dunu amola uda ela da da:i nabado ba:i. Be ela da hame gogosia:i.

Mui 2:25 Iomraidhean Croise

Mui 3:7

Na dagole, ela asigi dawa:su si fadegai dagoi ba:i. Ela da da:i nabado amo dawa:beba:le, ela da figi ifa lubi amo nodomene, ela da:i nabado dedeboi.

Gesami Hea:su 25:3

Nowa da Dima dafawaneyale dawa:sa, ilima ha lai dunu da ilima hame hasalasimu. Be nowa da Dima lelesea, da ilia ha lai amoga hasali dagoi ba:mu.

Gesami Hea:su 31:17

Hina Gode! Na da Dima wele sia:sa! Na da mae gogosiasu hamoma:ma! Be wadela:i hamosu dunu ilia gogosiasu ba:mu da defea. Ilia da ouiya:lewane bogosu sogebi amo gudu sa:imu da defea.

Gadili Asi 32:25

Mousese da Elane ba:loba, Elane da dunu huluane ilia da hina: sia: mae nabawane ilima ha lai dunu ba:ma:ne gagaoui agoane hamoi, Mousese da amo ba:i dagoi.

Aisaia 44:9

Nowa dunu da ‘gode’ liligi loboga hamosa da hamedei. Amola, ‘gode’ liligi amoga ilia nodosa, amo amola da hamedei. Nowa da amo ‘gode’ liligi ilima nodone sia:ne gadosea da si dofoi agoane amola hame dawa:su dunu. Ilia da gogosiasu ba:mu.

Aisaia 47:3

Dunu da dia da:i nabado ba:mu. Dia da fonoboi dagoi amola ilia da dia gogosiasu ba:mu. Na da dabe imunu amola enoga Na logo hedofamu da hamedei.”

Aisaia 54:4

Mae beda:ma! Di da gogosiasu bu hame ba:mu. Di da gaheabolo gawa fili baligi fa:su hamoi amo gogolemu. Amola di da didalo agoane esalebeba:le se bagade nabi, amo amola di da gogolemu.

Yelemaia 17:13

Hina Gode! Di fawane da ninia hobea dafawane esaloma:beyale dawa:lusu hou ouligisu dunu esala. Nowa da Di fisisia da gogosiamu. Ilia da dio osobo dou amoga dedei defele hamedafa ba:mu. Bai ilia da hano si ida:iwane (amo da Di, Hina Gode) amo yolesi dagoi.

Yelemaia 6:15

Ilia da amo baligili wadela:idafa hou hamobeba:le, gogosiabela:? Hame mabu! Ilia da hame gogosia:i. Ilia da dialuma fili dasu hame dawa:. Amaiba:le, eno dunu ilia dafai defele, ilia da dafamu. Na da ilima se iasea, ilia da wadela:lesili hamedafa ba:mu. Na, Hina Gode, da sia:i dagoi.”

Isigiele 16:61

Na da dia aba amola diaeya dima bu iasea, di da dia musa: wadela:i hou hamobe dawa:beba:le, gogosiamu. Na da dima gousa:su hamoi amo ganodini agoane hame sia:i. Be Na da dia aba amola diaeya amo dima uda mano agoane esaloma:ne, dima imunu.

Youele 2:26

Waha dilia da ha:i manu bagade ba:mu amola sadimu. amola dilia da dilia Hina Godema bagade nodomu. Bai E da dili fidima:ne hou noga:idafa hahamoi. amola eno dunu fi ilia da Na dunu fi bu hamedafa higale ba:mu.

Maga 8:38

Wali esalebe fi da inia uda adole lasu amola wadela:i fi diala. Nowa dunu amo fi ganodini esala da Na sia: higasea, Na, Dunu Egefe, Na Gode Ea hadigi laiwane, amola hadigi a:igele dunu gilisili osobo bagadega doaga:sea, amo higa:i dunu Na da higamu.”

Luge 9:26

Nowa dunu da Na sia: nababeba:le, Na amola Na olelei e da higasea, Na, Dunu Egefe, amola a:igele dunu ninia da Gode Ea Hadigidafa laiwane bu masea, Na da amo Nama higabe dunu higamu.

Louma 10:11

Gode Sia: da amane dedei diala, “Nowa dunu da Yesu Gelesu Ea hou dafawaneyale dawa:sea, amo da hame da:i diomu amola hame gogosiamu.”