Ma:diu 5:3 - GODE EA SIA: IDA:IWANE GALA

³ “Dunu amo ilia a:silibu da hame gagui defele ilia da dawa:sa, amo dunu da hahawane bagade. Gode Ea Hinadafa Hou da ilia:.

Ma:diu 5:3 Iomraidhean Croise

2 Hou Olelesu 33:12

E se bagadewane nababeba:le, ea hou fonoboi. E da ea Hina Godema sinidigili, fidima:ne adole ba:su.

2 Hou Olelesu 33:19

Hina bagade ea sia:ne gadosu, ema Gode Ea dabe iasu, ea Godema hame sinidigi esoga wadela:i hou hamoi, ea ogogosu ‘gode’ma nodone sia:ne gadosu sogebi, amola wadela:i uda ‘gode’ Asila agoai e da loboga hamoi, amo huluane da “Balofede Dunu ilia Hamonanu Meloa” ganodini dedene legei.

2 Hou Olelesu 33:23

Be ea ada da ea hou fonobone, Hina Godema sinidigi. Be A:imone da agoane hame hamoi. E da ea ada ea wadela:i hou amo baligi dagoi.

2 Hou Olelesu 34:27

Amola di da Na ba:ma:ne, sinidigili, dia hou fonobone, dia abula gadelale, dinanu. Bai di da Na sia: amo Na da Yelusaleme moilai bai bagade amola amoga fi dunu ilima se dabe imunu, amola Yelusaleme gugunufinisi dagoiba:le, dunu ilia da amo beda:ne fofogadigili ba:mu, amola Yelusaleme dio amoga gagabusu aligima:ne sia:mu, amo sia: nababeba:le, di da dia hou fonoboi. Na da dia sia:ne gadosu nabi dagoi.

2 Hou Olelesu 7:14

ilia da Nama sia:ne gadosea, amola ilia wadela:i hou yolesea, Na da Hebenega nabimu amola ilia wadela:i hou gogolema:ne olofomu, amola ilia bu bagade gaguiwane ba:ma:ne hamomu.

Yoube 42:6

Amaiba:le, na da na sia:i amo dawa:beba:le, gogosiasa. Na da Dima sinidigimu olelema:ne, gulu amola nasubu na da:iga gasagagala:sa.”

Gesami Hea:su 1:1

Nowa dunu ilia wadela:i hou hamosu dunu ilia fada:i sia: hame nabasea, amola wadela:i hou dawa:su dunu ilia hou amoma fa:no hame bobogesea, amola nowa ilia Gode ea hou higale dawa:be dunu ilima hame gilisisia, amo dunu da hahawane bagade.

Gesami Hea:su 112:1

Hina Godema nodoma! Nowa da Hina Godema nodone dawa:sea amola Ea hamoma:ne sia:be amo hahawane noga:le hamosea, e da hahawane bagade gala.

Gesami Hea:su 128:1

Nowa da Hina Gode Ea hamoma:ne sia:i nabawane hamone, Ema fa:no bobogesea, ilia da hahawane bagade ba:mu.

Gesami Hea:su 146:5

Nowa dunu da Ya:igobe ea Gode amoea fidima:ne dawa:sea da hahawane gala. Hina Gode da mu amola osobo bagade amola hano wayabo bagade amola amo ganodini liligi huluanedafa hahamoi dagoi. Nowa da Ema dafawaneyale dawa:sea, da hahawane bagade gala. E da Ea hamomusa: ilegele sia:i huluane didili hamosa.

Gesami Hea:su 2:12

Ema beda:ga yaguguiwane muguni bugila sa:ima. Amai hame hamosea, Ea ougi hou da hedolowane heda:mu galebe, amola dilia da hedolowane bogomu. Nowa da Ema gaga:ma:ne ahoasea da Ea hahawane dogolegesu hou ba:mu.

Gesami Hea:su 34:18

Hina Gode da da:i dioi dunu ilima gadenene esala. Amola E da dafawane hamoma:beyale dawa:lusu fisi dunu, amo ili gaga:sa.

Gesami Hea:su 41:1

Nowa dunu ilia da hame gagui dunuma asigiwane dawa:digisawane esala, ilia da hahawane gala. Bidi hamosu da ilima doaga:sea, Hina Gode da ili fidimu.

Gesami Hea:su 51:17

Gode! Na Dima gobele salasu da asaboi a:silibu fawane. Na dawa:! Di da asabole amola Dima sinidigimusa: dawa:su dunu amo hame higamu.

Gesami Hea:su 84:12

Hina Gode Bagadedafa! Nowa dunu Dima dafawaneyale dawa:le fa:no bobogebe dunu, ilia da hahawane bagadedafa gala.

Malasu 16:19

Dia hou fonoboiwane hame gaguiwane esalumu da defea. Be gasa fi hamone, wamolai liligi mogili labeba:le, bagade gaguiwane ba:mu da defea hame galebe.

Malasu 29:23

Di da gasa fi hou hamosea, fa:no dafamu. Be di da asabole hamosea, eno dunu da dima nodone dawa:mu.

Malasu 8:32

Wali goi ayeligi dilia! Noga:le nabima! Amola na sia:be defele hamoma amasea di da hahawane ganumu.

Aisaia 30:18

Be Hina Gode da dilima asigima:ne ouesala. E da eso huluane moloidafa hou fawane hamonanebeba:le, E da dilima asigima:ne momagesa. Nowa da Hina Gode Ea hou dafawaneyale dawa:beba:le lalegagusia, da hahawane bagade.

Aisaia 57:15

Na da gaguia gadoi amola Hadigi Gode, eso huluane Fifi Ahoanusu Gode esala. Na da gadodafa amola hadigi sogebi amo ganodini esala. Be Na da asaboi dunu ilia wadela:i hou fofada:nanu Nama sinidigisa, agoaiwane dunu ilima Na da gilisili esala. Bai Na da ilima hame beda:su hou, amola hobea misunu hou da noga:idafa amo dafawane esaloma:beyale dawa:su hou, ilima bu iaha.

Aisaia 61:1

Hina Gode Ouligisudafa da Ea A:silibu Ida:iwane Gala, amo na ouligima:ne, nama i dagoi. E da na ilegei amola na asunasi dagoi. Na da hame gagui dunu ilima sia: ida:iwane olelema:ne, amola da:i dioi bagade dunu ilia dogo denesima:ne, amola si dofoi dunu amo ilia siga bu ba:ma:ne, amola se iasu diasuga sali dunu ilia logo doasima:ne, E da na asunasi dagoi.

Aisaia 66:2

Na Nisu da osobo bagade amola mu huluane hahamoi dagoi. Nowa dunu da ilia hou fonobosa amola Nama sinidigili, Nama beda:i gala amola Na sia: naba, amo dunuma Na da hahawane gala.

Maiga 6:8

Hame mabu! Hina Gode da hou noga:idafa ninima olelei dagoi. E da nini agoane hamoma:ne hanasa. Ninia moloidafa hou hamone, asigidafa hou hamone, amola fonoboi amola asaboiwane, gilisili ninia Gode amola esalumu, amo hou nini hamoma:ne E da hanasa.

Ma:diu 11:25

Amo esoga, Yesu E amane sia:i, “Ada Gode! Osobo bagade amola Hebene Hina esala! Bagade dawa:su dunu hodosa:besa:le, goe liligi Di wamolegeiba:le amola mano dudubuma oleleiba:le, Na da Dima nodosa.

Ma:diu 11:6

Nowa dunu da Nama dafawaneyale dawa:su hou hame fisiagasea, e da hahawane gala.”

Ma:diu 13:16

Be dilia da siga ba:beba:le, amola dilia da gega nababeba:le, dilia da hahawane bagade.

Ma:diu 19:14

Be Yesu E amane sia:i, “Mano fonobahadi ilia Nama misunu logo mae damuma! Gode Ea Hinadafa hou da mano wewai ilia:!”

Ma:diu 24:46

Ea hina da bu doaga:sea, amo dunu hahawane hawa: hamosu hamonanebe ba:sea, e da hahawane bagade ba:mu.

Ma:diu 25:34

Amasea, dunu ea lobo dafadili asi ilima Hina Bagadedafa da amane sia:mu, ‘Na Ada Ea hahawane fidisu lai mano. Dilia misa! Gode Ea Hinadafa Hou, Gode da osobo bagade muni hemosu esoga hamoi, amo dilia hahawane lama.

Ma:diu 3:2

E amane sia:i, “Wadela:i hou yolesili, Godema sinidigima! Gode Ea Hinadafa Hou da doaga:mu gadenei galebe!”

Ma:diu 8:11

Na da dilima dafawane sia:sa! Dunu bagohame ilia gusudili amola guma:dili misini, ilia amola A:ibalaha:me, Aisage amola Ya:igobe gilisili, Gode Ea Hinadafa Hou lolo Nasu bagade amo ganodini fimu.

Maga 10:14

Be amo hou ba:beba:le, Yesu E mi hananewane sia:i, “Mano fonobahadi ilia nama doaga:mu da defea! Ilia logo mae hedofama! Gode Ea Hinadafa Hou da ilia:!”

Luge 11:28

Be Yesu E bu adole i, “Dafawane! Be nowa da Gode Ea sia: nabawane hamosea, amo dunu da baligiliwane hahawane ba:sa.”

Luge 18:14

Na dilima sia:sa. Amo dunu da ea diasuga bu asili, ea wadela:i hou gogolema:ne olofoi dagoi ba:i. Be Fa:lisi dunu da agoane hame hamoi. Nowa dunu da hi hou gaguia gadoma:ne, gasa fi hou hamosea, Gode da amo dunu ea hou fonobomu. Be nowa dunu ea hou hi fonobosea, Gode da amo dunu ea hou bu bagade hahamomu.”

Luge 22:29

Na Ada da Nama ouligisu hou i dagoi. Amo defelewane, Na da dilima ouligisu hou iaha.

Luge 22:30

Dilia da Na Hinadafa Hou ganodini, Na Lolo Nasu amoga ha:i manu galebe. Dilia da fisu ida:iwane amoga fili, Isala:ili fi fagoyale ilima ouligisu hou hamomu.

Luge 4:18

“Hina Gode Ea A:silibu Hadigidafa Ea gasa da Nama doaga:i. Bai E da sia: ida:iwane hame gagui dunuma olelema:ne, Nama ilegei dagoi. Se iasu diasu ganodini sali dunu ilima se iasu diasu logo doasima:ne, si dofoi dunu bu ba:ma:ne, da:i dioi dunu bu hahawane ba:ma:ne amola

Yone 20:29

Yesu da ema amane sia:i, “Di da Na ba:beba:le, dafawaneyale dawa:bela:? Be Na da:i hodo hame ba:su dunu, ilia dafawaneyale dawa:beba:le hahawane bagade ba:mu!”

Mousese Ea Malasu 8:2

Hina Gode da dilima bisili, ode40 40 amoga, logo sedade wadela:i hafoga:i soge amo ganodini oule asi. Dilia da Ea sia: nabawane hamoma:ne amo ado ba:musa:, E da gasa bagade hou dilima i.

Ya:mese 1:10

Be Gode da liligi bagade gagui dunu ea hou fonobosea, e amola hahawane ba:mu da defea. Bai bagade gagui dunu ilia da hedolo biomu gisi amo ea sogea defele hedolo mugulumu.

Ya:mese 1:12

Nowa dunu da adoba:su hou amo ganodini ea hou hame yolesisia, e da hahawane gala. Bai e da mae yolesili, amo adoba:su hou baligisia, Gode da Ema asigi dunu ilima imunu ilegele sia:i liligi amo esalusudafa habuga, bidi agoane ema imunu.

Ya:mese 2:5

Na dogolegei fi dunu! Nabima! Gode da hame gagui dunu ilia baligiliwane dafawaneyale dawa:su hou amola Ea Hinadafa Hou E da Ema asigi dunuma imunusa: ilegele sia:i liligi, amo ilia gaguma:ne, Gode da ilima ilegei.

Wamolegei Sia: Olelesu 19:9

Amalalu, a:igele da amane sia:i, “Amo dedema! Nowa da Sibi Mano Ea uda lasu Lolo Nasu, amoma Gode da misa:ne sia:i, amo dunu da hahawane bagade gala.” E eno amane sia:i, “Amo sia:i da Gode Ea dafawane sia:.”

Wamolegei Sia: Olelesu 22:14

Nowa dunu da ilia abula dodofei dagoiba:le, eso huluane mae bogole Fifi Ahoanusu ifa ea fage manusa: amola Yelusaleme Gaheabolo ea logo ga:su ganodini golili masunusa:, amo defele ba:sa, amo dunu da hahawane bagade.

Wamolegei Sia: Olelesu 3:17

Dilia amane sia:sa, ‘Na da bagade gagusa. Na da sadi dagoi.’ Be dilia da hame gagui amola se nabawane, amo dilia hame dawa:. Dilia da hame gaguiwane, da:i nabadowane amola si dofoiwane esala.