Da:i Dione Dawa:i Olelesu 8:3 - GODE EA SIA: IDA:IWANE GALA

³ Osobo bagade hina bagade da ea hanaiga liligi hamomusa: dawa:. Amaibale, ea midadiga gasigama. Di da amo sogebiga se nabasa:besa:le, muguluma!

Da:i Dione Dawa:i Olelesu 8:3 Iomraidhean Croise

Mui 47:9

Ya:igobe da bu adole i, “Na da wali ode 130 amoga udigili lalu. Na aowalali da ode bagohame hahawane lalu. Be na esalebe ode da bagahame, amola se nabasu galu.”

Malasu 14:29

Noga:i asigi dawa:su dunu da asaboiwane esalebe ba:sa. Be di da hedolowane ougisia, amo da dia gagaoui hou olelesa.

Malasu 24:21

Nagofe! Hina Godema beda:ne nodoma. Amola osobo bagade hina bagade amoma nabasu hou hamoma. Nowa dunu da Hina Gode o hina bagade ilima odoga:sea, ilima mae gilisima.

Malasu 30:31

(ageyadu) Goudi (osoda) Gagala gawali amo ilia da dada:lole ahoa, amola (biyadu) Hina bagade dunu ilia da ilia dunu fi ilia midadi ahoa.

Da:i Dione Dawa:i Olelesu 10:4

Dia ouligisu dunu da dima ougi ba:sea, dia hawa: hamosu mae yolesima. Di da asabole esalea, dia bagade giadofai da gogolema:ne olofoi dagoi ba:mu.

Aisaia 48:4

Dilia da hame nabasu hou, amola gasa fi hou hamomu, amo Na dawa:i galu. Dilia da ouli agoane selefamu hamedei, amola balase defele ga:nasi bagade hamomu, Na da dawa:i galu.

Da:niele 4:35

E da osobo bagade dunu huluane ouligisa. Amola E da Ea ouligibi amo da liligi fonobahadi agoane ba:sa. Amola E da a:igele fi dunu amola osobo bagade fi dunu huluane ouligisa. E da liligi afae hamomusa: sia:nanu dunu enoga Ea logo hame ga:mu. Amola ea sia:i amo da enoga hame gua:ne fasimu.’

Da:niele 5:19

E da gasa bagadedafa hamoi galu. Amaiba:le, fifi asi gala dunu amola uda huluane amola sia: hisu hisu huluane da ema bagadewane beda:i. E da dunu afae medole legemusa: dawa:lalu, e da amo dunu medole legei. E da dunu eno gaga:musa: dawa:lalu, amo dunu da esalebe ba:i. E da dunu afae ea dio gaguia gadoma:ne dawa:lalu, e da amanewane hamoi. Amola e da dunu afae banenesili osa:la heda:musa: dawa:lalu, e da amanewane hamoi.