Zhɛrɛmi 7:3 - Ghena ta Shala

³ Wa nya ghena nya geze Mahwətə nde berete, Shala ta ka Israyɛl nya: Hite mə hweŋkwa ta ŋayɛ ba'a mene mə slene kala nya kehi. Ma tsagha ne, katesərə ŋayɛ 'ya kanza te hɛɗi nya.

Zhɛrɛmi 7:3 Iomraidhean Croise

2 Ka Meghea Kɛfi 17:13

Pa Mahwətə gezete nda ghena kencɛ ntsehwele ke ka Israyɛl le ka Zhəwda laka mɛa ka mɛ ŋkwa keghə keghə: «Sərəakɛ mə dzeghwa kwa ndiremia ŋayɛ nyi, yɛte nda mə fete ke wəshi mahalegəa ɗa le ghena nyi gezeke 'ya karafete geva mbe wəshi mahalegə nyi ndeke nda 'ya ke ka shihɛ ŋayɛ ba'a nahe 'ya kegezave ŋayɛ laka ka mɛ ŋkwa nyi ka mene slene ta ɗa.»

Ɛsdras 10:11

Tsetsenya ne, ɗepete mə fete ta ŋayɛ kwa kema ta Shala Mahwətə ta ka shihɛ ŋayɛ, mene mə wəsə nya ɗe ŋkɛ: nehemte mə geva le mbeli nyi te hɛɗia shɛ ba'a le mi nyi kese hwa kweci hwelefefi.»

Yɛ Ghena Ŋela 28:13

Katejive wəndə nya kewəfərə fete nyi menete ŋkɛ te kema we. Ama katekelemte geva wəndə nya kencɛte yɛ fete ta ŋkɛ ba'a nya kesərəakɛ hɛ te wənə.

Ɛzayi 55:7

Sərəakɛ dzeghwa ta ŋkɛ nde 'yaghwa mehele, sərəakɛ zəzə kwa ndiremia ŋkɛ nde ndiremia mehele. Zhɛre geva ŋkɛ kase sha Mahwətə nya ketezhɛ heli yite, sha Shala ta ɓəmə nya kekele ghena kwele kwele seyi te wənə.

Zhɛrɛmi 17:25

Ma tsagha, ka meghe nyi pelɛ pasla ta David, nyi kedzeghwa pelɛ gədəwə keɗema pelɛ wəmata gədəwə, mbelia jama ta nci, ka Zhəwda ba'a mbeli nyi mbe Zhɛrəzalɛm ka tedzeki kwa mɛ degha shɛhɛ. Kaghala ghala tenza mbeli mbe melemea shɛ.

Zhɛrɛmi 18:11

Ma tsetsenya gɛ Zhɛrɛmi, geze nda ghena ke ka Zhəwda le mbeli nyi mbe Zhɛrəzalɛm: ‹Wa nya ghena nya geze Mahwətə nya pa sha hɛ: Nahe 'ya kekelete zəzə kave ndiremi te gheyɛ. Pa yayata wəndə kampiyi dzeve va dzeghwa kwa ndiremia ŋkɛ. Hite mə dzeghwa ta ŋayɛ ba'a slene ta ŋayɛ.›»

Zhɛrɛmi 18:8

Ama kempiyi dzeve hwelefea shɛ te wəsə kwa ndiremi nya kebezemte ɗa wənə ne, katesərə ve ndiremi 'ya kadzete.

Zhɛrɛmi 26:13

Ma tsetsenya gɛ, zhɛrete mə dzeghwa ta ŋayɛ le slene ta ŋayɛ. Fa mə ghena ta Shala Mahwətə ta ŋayɛ. Ma tsagha, katebelewə ghwene ŋayɛ ndiremi nya gezete ŋkɛ ŋkɛ.

Zhɛrɛmi 35:15

Keveci keveci se 'ya kaghwene ŋayɛ ka mene slene ta ɗa nyi kaka mɛ ŋkwa. Tagha taghanyɛ ne, ma ke hɛ sha gheyɛ: ‹Sərəakɛ dzeghwa kwa ndiremia ŋkɛ yayata wəndə. Mene mə wəsə nya kehi. Zelema kweci shala yɛ kezha hawe va hɛ ma. Ma tsagha, wərə yɛ kanza te hɛɗi nya ndeke ŋayɛ 'ya, gheyɛ le ka shihɛ ŋayɛ.› Ama kese yɛ kave sleme yite we, kese yɛ kafa ɗa ŋa ɗa we.

Zhɛrɛmi 35:16

Ma ka Rɛkab le ŋa nci ne, nahe hɛ kezelete ghena nyi gezave nda shia nci Yonadab ke hɛ. Ama gheyɛ ka Zhəwda ne, kese yɛ kafa ɗa ŋa ɗa we.»

Zhɛrɛmi 4:1

Ma ke Mahwətə: «Ma kenza na kazhɛne geva Israyɛl, sha 'ya se na. Ma kefəmte kəsəa ŋa nyi kwa kema ta ɗa na, mba na katendeŋe zhɛkwa we.

Zhɛrɛmi 6:16

Wa nya ghena nya geze Mahwətə nya: «Ghereŋete mə geva kwa hweŋkwa kezha newe ŋkwa, 'yɛwete mə ghena te hweŋkwa ta ŋayɛ nyi vəashi. Tema hweŋkwa ta zeɗe nza wa? Zelete mə, nda nza yɛ kanza kwelɛŋe. Ama ma ke hɛ: ‹Kazele nyagha ghen'yɛ hweŋkwa we.›

Zhake 4:8

Hende nda mə geva ke Shala, katehende ŋayɛ geva ŋkɛ. Pɛmte mə dzeve ta ŋayɛ, gheyɛ ka jaɗafa, tsewemte mə wənəa ŋayɛ, gheyɛ nyi kaka mbəɗəkwə.