Zhɛrɛmi 26:3 - Ghena ta Shala

³ Nda kwete katefate hɛ ba'a katempiyi dzeve hɛ kwetɛ kwetɛa nci va dzeghwa kwa ndiremia nci. Ma tsagha, katesərə wəsə kwa ndiremi nya zəzə 'ya kamene nda ke hɛ va slene nyi ndiremia nci 'ya.

Zhɛrɛmi 26:3 Iomraidhean Croise

1 Ka Meghea Kɛfi 21:27

Ma kwa fate ghena ta Mahwətə Akab ne, pa ŋkwahemte lekwesa ta ŋkɛ, pa seɗete lekwesa nehwene, ntəŋə ŋkɛ yitea mene səwəmayɛ. Te lekwesa nehwenea shɛ se ŋkɛ kahɛ ba'a le same kadzeghwa ŋkɛ.

1 Ka Meghea Kɛfi 21:29

«Nahe na kenakɛ tsema tsema shifəmte ghəa ŋkɛ Akab kwa kema ta ɗa na? Ma kwa shifəmte ghəa ŋkɛ ŋkɛ mbe kema ta ɗa, mba 'ya kave beze kadzete mba ŋkɛ teghweme we. Ama te və nya tenza wəzege ta ŋkɛ te meghe teve beze 'ya kadzete ghɛa ŋkɛ.»

Zhɛrɛmi 26:13

Ma tsetsenya gɛ, zhɛrete mə dzeghwa ta ŋayɛ le slene ta ŋayɛ. Fa mə ghena ta Shala Mahwətə ta ŋayɛ. Ma tsagha, katebelewə ghwene ŋayɛ ndiremi nya gezete ŋkɛ ŋkɛ.

Zhɛrɛmi 26:19

Nahe yɛ meghe Ɛzɛkiyas le ka Zhəwda kepeslekɛ nde mɛ ŋkwa Mishɛ na? Ewə, ama nahe Ɛzɛkiyas kehawete nda hawe ke Mahwətə, kamenete wəsə nya kegweɗakwe nda wənə. Vatse belewəmte ndiremi nya gezete Mahwətə kave te hɛ ŋkɛ. Ama mbəhə kepeslekɛ wəndə nya gheɓəmə ne, beze ghena nya wəba yavate mə te ghəa ɓəmə.»

Zhɛrɛmi 36:3

Nda kwete katefave ndiremi nyi zəzə 'ya kaghwene nda ke hɛ ka Zhəwda. Ma tsagha, katewəfə dzeghwa kwa ndiremia ŋkɛ yayata wəndə ba'a katekelemte fete ta nci ba'a jaɗafa ta nci 'ya te wənə.»

Zhɛrɛmi 36:7

Nda kwete katefa səkwə ta nci Mahwətə ba'a nda kwete katesərə dzeghwa kwa ndiremia ŋkɛ yayata wəndə, kwa nza ŋkɛ dzawe hwepenyɛ ba'a bezenyɛ wənəa Mahwətə va mbelia shɛhɛ.»

Ɛzɛkiyɛl 12:3

Vatse gɛ wəndə ŋelɛ, tsehete wəshi nyi kehi kala wəndə nya keleghe mbeli kadzete kwete hɛɗi shɛ na slə kwa ghə veci, kwa ntsə ta nci. Slə ŋa te ŋkwa nya nza nya na kadzete kwete ŋkwa. Menete kwa ntsə ta mbeli pɛtɛ nda kwete katefave hɛ kaka ntɛaŋentɛa ghə hɛ.

Ɛzɛkiyɛl 18:21

Ma kesərəakɛ wəshi nyi ndiremi ndiremi nde 'yaghwa mehele, keyate wəshi mahalegəa ɗa ŋkɛ ba'a kemenete slene ŋkɛ tiɗiɗi ba'a le hweŋkwa ta ŋkɛ, ghəpə yite katenza ŋkɛ teghweme we.

Palepa ta Ozɛ 11:9

Katepele nda hweŋkwa 'ya ke ghwə ta hwepe wənəa ɗa we, katezhɛne geva 'ya kase kaza Ɛfrayim we. Kwa nza ŋkɛ ne, nahe 'ya kenza kaShala, kaɗema kawəndə ŋelɛ. Ma sha gha, gha Ɛfrayim ne, nahe 'ya kenza kaShala nya kaganda, katese 'ya le wənə le wənə we.»

Zhowɛl 2:14

Ya kwete katembeɗe zəzə ŋkɛ ba'a katezhɛne ŋkɛ kamene ŋayɛ ganyɛ wa. Tagha gɛ, wərə yɛ kafə nda ha ba'a tɛ kase ke Shala Mahwətə ta ŋayɛ.

Zhonas 4:2

Pa səkwəte ghə sha Mahwətə le geze: «Mahwətə, wəsə nya yase 'ya kaghazlənə ve shɛ 'ya mba mbe meleme ta ɗa, vatse se 'ya kahwɛ kadzawa Tarsis. Nahe 'ya keɗepe Shala nya ganyɛa mehele nya kezhɛ heli na, nya ɗema wənəa ŋkɛ kahwepe kahe kahe, nya nza ɗe kwele kwele ve, nya ɗeke ɗeke kazhɛre geva seyi te ndiremi nyi tarete na.