Zhɛrɛmi 2:3 - Ghena ta Shala

³ Israyɛl, tekeleke se na kaŋa Mahwətə kala ka ghate ta wəshi nyi kenakanji te wəve. Ma yayata wəndə nya kekwaɗakɛ ŋa ne nahe ŋkɛ kebezemte ghena, taghanyɛ teme ndiremi te. 'Ya Mahwətə nde gezete.

Zhɛrɛmi 2:3 Iomraidhean Croise

Shave 22:29

Ma kaŋa tsəməa wəzege ta sla, təmə keɗema kwe ne, pa mbeli sərəakɛ yitea ŋ'wa kahɛ mberefaŋe. Ma te kwa deghese ta hɛ ne, dzeghekɛ ɗa mə melɛ le.

Shave 23:16

Kwa sebe ta ŋkɛ ne, katemene gəsəkəa mene wəshi se te wəve yɛ, vəa ŋkwa nya ghate yɛ kamene tsəməa wəshi nyi wəzate yɛ te wəve. Ma te kwa keɗaŋe ta tere mbe va ne, katemene gəsəkə dərəzlə ghwane yɛ vəa ŋkwa nya meneke wəshi nyi wəzate yɛ yɛ sheke kwamte.

Ɛzayi 41:11

Katenza hawe ba'a yiɗə te pɛtɛa mbeli nyi kehwepete wənə va gha. Ma mbeli nyi keghəpə le gha ne, katenza hɛ gəmə ba'a kateza sebe te hɛ.

Ɛzayi 47:6

Kebeze beze se wənəa ɗa va mbelia ɗa, nahe 'ya kekelemte zləvə te mbelia ɗa, nahe 'ya kepeleyi hɛ mbe dzeve ta ŋa. Ama kese na kazhɛ heli yitea hɛ we, nahe na kesahwe nda yaka ke meha za le ɗaŋeɗa ta sheghwəa ŋa nya te welɛ ve.

Zhɛrɛmi 12:14

Wa nya ghena nya geze Mahwətə te ka 'yaghwa mehele nyi kwa ghala le mbelia ŋkɛ nya: «Nahe hɛ kekwaɗakɛ hɛɗi nya ndeke nda 'ya ke ka Israyɛl, mbelia. 'Ya katenteɗemte hɛ te hɛɗia nci, katenteɗemte ka Zhəwda 'ya shave hwa hɛ perə.

Zhɛrɛmi 2:4

Fate mə ghena ta Mahwətə, gheyɛ mbelia Zhakob, gheyɛ hwelefefia Israyɛl pɛtɛ.

Zhɛrɛmi 30:16

Ama pɛtɛ tezehwe geva mbeli kezeme ŋa nyi, pɛtɛ tefəmte geva ka jaga ta ŋa kadzete kwete hɛɗi kaɗema ghala kwa, pɛtɛ tezləgwə wəshia mbeli nyi kezləgwə ŋa ŋa mbeli ba'a pɛtɛ tefəhwe wəshia mbeli nyi kefə ŋa ŋa mbeli.

Zhɛrɛmi 50:7

Nda mpeɗe yampeɗe hɛ wəshi nyi kebegeme le hɛ. Ma ke ka jaga ta nci sha geze: ‹Kebezemte ghena n'yɛ we, kwa nza hɛ kaka fete sha Mahwətə nya kaŋkwa kewəfərə ganyɛ nya vate ghə ka shihɛ nci te.›»

Zhowɛl 1:3

Ɓela nda mə ghena shɛ ke ŋwalea ŋayɛ, kateɓela nda ŋkɛ hɛ ke ŋwalea nci, kezha ɓela nda ŋkɛ ŋwalea nci ke mbeli nyi keteya kwa sebe ta nci.

Amos 6:1

Ndiremi ya te gheyɛ nyi gwezlayɛ mbe Siyon ba'a gheyɛ nyi kwelɛŋe pelɛ ghweme ta Samari! Gheyɛ ya kahwelefe ganyɛ nya tezhɛre geva ka Israyɛl kase shɛ, ke mbeli sha geze.

Habakək 1:11

Kajive hɛ kala sefə nya wəba, kajive hɛ mbe kema mbe kema. Berete ta nci yave ghə hɛ te, nahe nde kenza kashala ta nci.»

Zakari 1:15

Ama kwele kwele hwepenyɛ wənəa ɗa va kweci hwelefefi nyi gwezlayɛ. Ma kwa nza hwepe ta wənəa ɗa mba ɓɛhwɛ ne, pa hɛ mtsehate ndiremi te ka Israyɛl.

Zakari 2:8

Ma ke shɛ: «Hwɛ shɛ na geze nda ghena ke mempɛhweta ca, ma pa na shɛ: Kaɗema zli yite hi Zhɛrəzalɛm kanza, tewəmbəreke wəba ta mbeli ba'a wəshi keseɗa nyi ketenza mbe.

Ɓela 18:12

'Ya kave ŋayɛ ka ghate ta wəshi nyi kese te wəve, n'yi, tɛ mɛnɛfɛ ba'a ha nyi ve ɗa ka Israyɛl tekeleke, 'ya Mahwətə perə.

Ka Rome 11:16

Ma keveyi geva kwa ghate ta bela ta ɗafa kaŋa Shala ne, nahe pɛtɛ nya ketene ɗafa shɛ kenza kaŋa ŋkɛ perə. Ma keveyi slərəa wəfe mbeli kaŋa Shala ne, kaŋa ŋkɛ tenza dzeve ta wəfea shɛ perə.

Ka Rome 16:5

Njiŋwakɛ mə mbeli nyi ketsene geva ki ghɛa nci kasəkwə ghə. Njiŋwakɛ ɗa mə Ɛpayinɛte, mcɛ ɗa ganyɛ. Gheŋkɛ nde ghate kayɛte Kriste hwa ka Azi.

Ka Ɛfɛze 1:4

Nahe ŋkɛ ketsehave ɓəmə tewə hɛɗi kenaka kapate geva kezha nza gheɓəmə kaŋa ŋkɛ laka Kriste, yitea nza gheɓəmə kambeli nyi keveyi geva kaŋa Shala ba'a nyi ɗema fete te hɛ kwa kema ta ŋkɛ mbe ɗe.

Zhɛne Ghwelə yitea Wəshi Mahalegə 14:2

Kwa nza ŋkɛ ne, mbeli nyi keveyi geva tekeleke kaŋa Shala Mahwətə ta ŋayɛ yɛ. Gheyɛ yantave Mahwətə kezha nza kambelia ŋkɛ hwa hwelefefi nyi te hɛɗi lema.

Zhɛne Ghwelə yitea Wəshi Mahalegə 26:19

Kaganda ne, kaɗe Shala Mahwətə ta ŋayɛ kanza yɛ kakwa ghate hwa hwelefefi nyi pate ŋkɛ pɛtɛ: laka zləvə, laka dzemte ta slə ba'a laka kwele. Kaɗe ŋkɛ kanza yɛ kambeli nyi keveyi geva kaŋa ŋkɛ le ghəa ŋkɛ, kala nya meɗeyi ŋayɛ ŋkɛ.

Zhɛne Ghwelə yitea Wəshi Mahalegə 7:6

Kwa nza ŋkɛ ne, mbeli nyi keveyi geva tekeleke kaŋa Shala Mahwətə ta ŋayɛ yɛ. Nahe Shala Mahwətə ta ŋayɛ kentave ŋayɛ tekeleke kaŋa ŋkɛ hwa kweci hwelefefi nyi te hɛɗi lema.

Zhake 1:18

Le ɗe ta ŋkɛ ndeke ɓəmə mpi ŋkɛ laka ghena nya kaganda, kezha nza gheɓəmə te kema ta pɛtɛa wəshi nyi pate ŋkɛ.

1 Piyɛre 2:9

Ama gheyɛ ne, nahe yɛ kenza kahwelefe nya kentave geva, kaka dzeghe Shala ta meghe, kahwelefe nya kaŋa Shala. Kezha ncɛ slene ta ŋkɛ nya ganyɛ ntave ŋayɛ Shala nya kehekakɛ ŋayɛ shave mbe ŋkwesle kadzembe waŋea ŋkɛ nya ganyɛ.

Ghena Kelɛŋə 14:4

Ma mbeli nyi ne, kezhɛrete ghəa nci hɛ wale wale le mi we, nahe hɛ keyate ghəa nci wɛŋe wɛŋe. Katəkwə təkwə Zhɛgwəa təmə hɛ te yayata ŋkwa nya lə ŋkɛ. Nahe hɛ kembeɗeke geva hwa mbeli kezha nza kaka ghate kezha Shala ba'a kezha Zhɛgwə.