Nahəwm 3:9 - Ghena ta Shala

⁹ Ɛtiyopi ba'a Ɛzhipte ka se kafə nda wəshi nyi keɗema kakiɗi. Ka Pəwt ba'a ka Libi ka se kambeli nyi yite.

Nahəwm 3:9 Iomraidhean Croise

Gha ta Wəshi 10:6

Ŋwalea Sham: Kəwsh, Misrayim, Pəwt ba'a Kanan.

1 Wəshi nyi Mene Ka Meghe 1:8

Ŋwalea Sham: Kəwsh, Misrayim, Pəwt le Kanan.

2 Wəshi nyi Mene Ka Meghe 12:3

Shishak ne, te ghəa ka sewajɛ nyi nza wəmata gədəwə va hɛ 1.200, ka zleɗe gədəwəa lɛmə 60.000 ba'a ka sewajɛ kwele kwele kaɓelatema hɛ mbeli kwa sebe ta ŋkɛ same kwa Ɛzhipte: ka Libi, Səwkot ba'a ka Ɛtiyopi.

2 Wəshi nyi Mene Ka Meghe 16:8

Ashɛ ka Ɛtiyopi le ka Libi kejikəte ka sewajɛ nyi le berete, kwele kwele wəmata gədəwə le ka zleɗe gədəwəa lɛmə kwa shɛma ɓela wəka? Ndagwara nahe Mahwətə kendeke ŋa hɛ, va nya dɛŋe geva na te.

Ɛzayi 20:5

Ma tsagha gɛ ne, benake tenza mbeli nyi kevate ghə te Ɛtiyopi ba'a nyi kemene fege le kemane ta Ɛzhipte va ghazlənə ba'a shewə tenza hɛ va hawe.»

Zhɛrɛmi 46:9

Gədəwə, kwiɗi mə yitea mpa, wəmata gədəwə, hwɛ mə kahe kahe! Te kema te kema pe yɛ ka katsala kɛfi, ka Ɛtiyopi le ka Pəwt nyi keɗepe kese gelə, ka Ləwd nyi keɗepe he have!

Ɛzɛkiyɛl 27:10

Ka sewajɛ ka Pɛrse, ka Ləwd ba'a ŋa ka Pəwt ya kaka sewajɛa ŋa. Mbe gha tseɓa yɛ geləa nci ba'a kwenəa nci hɛ. Ghenci ya kaberete ta ŋa.

Ɛzɛkiyɛl 29:7

Ma kwa dɛŋate geva hɛ te gha ne, pa na ɓele ŋa. Mpahwe na n'yimte hɛ mbe bazla ba'a gwenate na tamte geva ta nci.

Ɛzɛkiyɛl 30:5

Katempə ka Ɛtiyopi, ka Pəwt, ka Ləwd, ka Arab ba'a ka Libi, pa le mbelia ɗa katempə hwa mpa.

Ɛzɛkiyɛl 31:2

«Wəndə ŋelɛ, ma pa na sha Farawon, meghea ka Ɛzhipte ba'a sha mbelia ŋkɛ nyi tipə tipə nyi: Wa yanza 'ya kayipəte ŋa le, gha nya wəba nya tse wa?

Ɛzɛkiyɛl 38:5

Kwa sebe ta nci tenza ka sewajɛa ka Pɛrse, ka Ɛtiyopi ba'a ŋa ka Pəwt, pɛtɛa nci le yɛ gelə ba'a yɛ kwenə,

Daniyɛl 11:43

Katefə mcɛləa Ɛzhipte ŋkɛ: mze kwa tere tere, mze kwa tɛawetɛa ba'a kweci wəshi ganji. Kateve ghəa nci ka Libi ba'a ka Ɛtiyopi mbe dzeve ta ŋkɛ.