Nahəwm 3:7 - Ghena ta Shala

⁷ Tagha gɛ, katehwɛ mbeli pɛtɛ nyi ketenewe ŋa, ma ke hɛ sha tetsa lewela: Ŋgwəpə Ninive keŋzla nda gɛ wa! Wa nde tezhɛ heli yite tse wa? Tema teŋ'we ka gweɗakwe ŋa mbeli tse wa?»

Nahəwm 3:7 Iomraidhean Croise

Ɛzayi 51:19

Vitsə vitsə senji ndiremi kadzete gha: beze ba'a ŋzla, ma ba'a mpa. Ama wa nde teŋgaɗe ghə yitea gha wa? Wa nde tegweɗakwe ŋa wənə wa?

Zhɛrɛmi 15:5

Ma ke Mahwətə: «Wəndə shɛ katezhɛ heli yitea gha we Zhɛrəzalɛm we? Wəndə shɛ kanehwene yitea gha we? Wəndə shɛ kateleɓe ghəa ŋkɛ ka'yɛwe ghena nyi te gha we? Gha nde neghamte ɗa, nahe na kezhɛrave ɗa wəmbə. Vatse vate ɗa 'ya te gha kezha za ŋa, kwa nza ŋkɛ leɓakwe 'ya va zhɛ heli.

Zhɛrɛmi 50:18

Vatse gɛ, wa nya ghena nya geze Mahwətə nde berete, Shala ta ka Israyɛl nya: «'Ya kateme te meghea ka Babilone ba'a te hɛɗia ŋkɛ, kala nya meghə 'ya kənəa meghea ka Asiri.

Zhɛrɛmi 51:9

Nahe n'yɛ kedzeghakɛ kambe Babilone, ama kambe ŋkɛ we. Ma tsetse ŋkɛ ne, sərəakɛ ɓəmə ŋkɛ, zhɛre geva yayata wəndə kadzete hɛɗia ŋkɛ. Kaganda ne, kewəba ghena nya te, hwa'a pelɛ ghweme ŋkɛ.

Yɛ Ŋgaɗe ghə 2:13

Meleme ta Zhɛrəzalɛm, keɗepe ghena kegeze 'ya ŋa zhɛkwa we. Wəsə shɛ kayipəte geva nza ta ŋa le we. Meleme ta Siyon nya ganyɛ, wa wəsə keyipə pa nya geze ŋa 'ya kezha gweɗakwete ŋa wa? Nahe ndiremia ŋa kenza wəbake kala ndərə. Wa nde nza kambete ŋa wa?

Nahəwm 1:1

Ghena te ghəa Ninive. Palepa ta wəsə nya nakɛ Nahəwm, nde Ɛlkosh, laka kelɛŋə.

Sofoni 2:13

Kateɗa hɛɗi nya laka bela kwa gwela ŋkɛ, katezhɛre Asiri ŋkɛ kakwəfi. Katebeze meleme ta Ninive nya ketezhɛre kaɓerama nya keghwele ghwele ŋkɛ.

Ɓela 16:34

Pɛtɛa ka Israyɛl nyi dzeyi yitea hɛ hwɛnji va lewela ta nci, kwa nza ŋkɛ ne, ma ke hɛ sha ghəa nci: «Hwɛ ɓəmə, yagha hɛɗi kandahwe ɓəmə!»

Ghena Kelɛŋə 18:10

Kaghereŋe hɛ cakeɗake, va ghazlənə va ndiremi nyi jama jama nyi te, ma ke hɛ sha tegeze: «Awema, awema. Deke mbe lerə kwetɛŋe mehate ghwə Shala te gha, gha Babilone, meleme nya wəba ba'a nya berete gɛ wa!»