Nahəwm 3:5 - Ghena ta Shala

⁵ Ma ke Mahwətə nde berete gezete: «'Ya katesate te ŋkwa yitea gha. 'Ya katekwefaŋe rewebea ŋa kasame pa kwa kema ta ŋa, kezha ncɛ nda zeweve ta ŋa ke hwelefefi. Tagha gɛ, katenewe hawe nya te gha hɛ.

Nahəwm 3:5 Iomraidhean Croise

Zhɛrɛmi 13:22

Ma kegeze na: Wa raberə seke ɗa se wəsə nya wa, a pa, tewəmbəreke kwelea fete ta ŋa ŋwasakame lekwesa ta ŋa mbeli, kaɓelahehwe ɓelahe le gha kaberete.

Zhɛrɛmi 13:26

ma 'ya perə, 'ya kateŋwasakame lekwesa ta ŋa pa kwa kema, yitea nza na mederelaŋe.

Zhɛrɛmi 50:31

Kabegeme mə le gha, Babilone nya kekele ghə, 'ya Shala Mahwətə nde berete nde geze. Nahe vəa ŋa kese tsetsenya, və nya teme 'ya te gha.

Ɛzɛkiyɛl 16:37

vatse gɛ, 'ya katetsene ka meghwateshia ŋa nyi vate ghə nyi na te, pɛtɛa mbeli nyi ɗehwe nyi na ba'a nyi ɗema nyi na. Katetseneke ŋa hɛ 'ya se te yayata ŋkwa, kateve nda zeweve ta ŋa 'ya yitea sefə ke hɛ. Pɛtɛ tenewemte zeweve ta ŋa hɛ.

Ɛzɛkiyɛl 21:3

Kategeze nda na ke hɛ kafa ghena nyi geze nda 'ya Shala Mahwətə ke ghɛa wəfe ta Nɛgɛv: 'Ya katemeha ghwə nya ketetere yɛ wəfe nyi menjaɓa le nyi keghwele ghwele ta ŋa. Katemte tse ta ghwəa shɛ we, pɛtɛ tetere mbeli ŋkɛ se kwa Nɛgɛv hwa'a pelɛ bela kwa gwela.

Ɛzɛkiyɛl 23:25

Ma va hwepe ta wənəa ɗa ne, katesərə hɛ 'ya kamene berete te gha. Katesla ŋshi ba'a yɛ sleme hɛ te gha ba'a katempə mbelia ŋa nyi ketetene hɛ le kafayɛ. Katefə ŋwale tezhili ba'a ŋwalea kwɛa ŋa hɛ, katetere mbeli nyi ketene teghweme hɛ le ghwə

Ɛzɛkiyɛl 23:29

Le zlɛ le zlɛ tenza hɛ laka gha. Pɛtɛ tefə wəshia ŋa hɛ ba'a derelɛŋe lɛŋe tesərə ŋa hɛ. Katepele zeweve mbeli yitea gwaya ta ŋa, wəshi hawe ta ŋa ba'a mefətekwəa ŋa.

Ɛzɛkiyɛl 26:3

Vatse gɛ ne, wa nya ghena nya geze Shala Mahwətə nya: 'Ya kateme te gha gɛ Tir. Katefə kweci hwelefefi 'ya kwele kwele kase kaɗa ŋa, kala gaŋkeɓe ta ndərə tedzeghəa gha hɛ.

Mishɛ 1:11

Mbeli nyi mbe Shafir, kele mə seɗa kadzete kwete hɛɗi le hawe ba'a mederelaŋe. Kazhɛne mbeli nyi mbe Sa'anan kashave mbe meleme ta nci we. Ghə yaŋgaɗe mbeli nyi mbe Bɛt-Ɛsɛl. Mba melemea shɛ kakemanakɛ ŋayɛ we.

Nahəwm 2:13

Nahe ŋeza nivɛrə kese kakese ba'a kaslekwe nda wəshi keseɗa ke ŋemalea nivɛrə ba'a ke ŋwalea nivɛrə. Nahe ŋkɛ kese kampɛafe yɛ ghweɓea ŋkɛ le sli nyi keslekwe slekwe ta wəshi keseɗa nyi keseke ŋkɛ.

Habakək 2:16

Katenza yɛ shewə va hawe, kaɗema kazləvə: sa le ŋa ŋayɛ perə yitea nza yɛ derelɛŋe lɛŋe gi! Kateŋka ŋayɛ Mahwətə kasa zlerekwe ta hwepe wənəa ŋkɛ. Tagha gɛ, katezhɛre zləvəa ŋayɛ kahawe.