Nahəwm 3:19 - Ghena ta Shala

¹⁹ Ndiremi nya ɗema ghwɛ yitea ya te gha, katempi yɛ zhia ŋa we. Ma yayata wəndə nya kefate nza ta ŋa ne, kampi dzeve ŋkɛ yitea ndiremi nya te gha, kwa nza ŋkɛ wa nde sakɛma yaka va 'yaghwa mehele ta ŋa nya memene na wa?

Nahəwm 3:19 Iomraidhean Croise

Palepa ta JOB 27:23

Kampi dzeve mbeli yitea ndiremi nya te hɛ, kavɛ figwə mbeli va ŋkwa nyi se ghɛa nci te.

Ɛzayi 37:11

Gha le ghəa ŋa ne, nahe na kefate wəsə nya menete nda ka meghea kɛfia ka Asiri ke hɛɗi nyi zamte sebe hɛ te hɛ. Ma zəzə na ne, pələsə tenza na na?

Ɛzayi 37:18

Mahwətə, kaganda zamte sebe ka meghea kɛfia ka Asiri te kweci hwelefefi ba'a hɛɗia nci.

Zhɛrɛmi 10:22

Fama mə gaka nya kehende geva nya kase gi! Ndiremi nya wəba nde se laka bela kwa gwela kezha zhɛre meleme nyi mbe Zhəwda kaɓerama, kaŋkwa kewəfərə ta yɛ kelɛ gamba.»

Zhɛrɛmi 30:12

Wa nya ghena nya geze Mahwətə nya: «Zhɛrəzalɛm, katekiɗi ndiremi nya te gha we, katempi zhia ŋa we.

Zhɛrɛmi 46:11

Wəzha ta ka Ɛzhipte, dzeme Gala'ad kazele n'yi nya kenza gweɗakwete ŋa. Gəmə heha na kazele yɛ ghwɛ, wəsə shɛ kambete ŋa we.

Yɛ Ŋgaɗe ghə 2:15

Ma mbeli pɛtɛ kedzeghwa kwa hweŋkwa ne, kampi dzeve hɛ yitea ŋzla ta ŋa. Kavɛ figwə hɛ ba'a kakeɗeŋe ghə hɛ yitea gha meleme ta Zhɛrəzalɛm, ma ke hɛ: «Meleme nya se nya mbeli kaheka kaNdeɗe nya ganyɛ ba'a kaZlama ta hɛɗi lema nya tse na?»

Ɛzɛkiyɛl 25:6

Wa nya ghena nya geze 'ya, 'ya Shala Mahwətə nya: Nahe yɛ kese kampi dzeve ba'a kampereke va zlama yitea ndiremi nyi te hɛɗia Israyɛl. Ma tsagha ne, nahe yɛ kencɛte yiɗə nya yiɗə mbelia ɗa yɛ.

Zhonas 1:2

«Sate, kwiɗi kadzawa Ninive, meleme nya wəba. Zlapave nda ke mbeli nyi mbe, kwa nza nde nahe 'yaghwa mehele ta nci kesame sha 'ya.»

Mishɛ 1:9

Kwa nza ŋkɛ kampi zhi nya te Samari we, pa te Zhəwda dzete ŋkɛ, pa te mɛ degha nyi te Zhɛrəzalɛm nya nza mbelia ɗa ntsehe ŋkɛ.

Ghena Kelɛŋə 13:7

Nahe hweŋkwa kendeke nda geva kezha mpa le mbelia Shala ba'a kezha hərə hɛ. Nahe nde kekemave berete te ghəa yayata yita, yayata hwelefe, yayata ghena ba'a yayata hɛɗi.

Ghena Kelɛŋə 17:2

Nahe ka meghe nyi te hɛɗi kemenete mefətekwə le malea shɛ, nahe mbeli nyi te hɛɗi keghwəyinji va tɛa mefətekwəa nta.»

Ghena Kelɛŋə 18:20

Ghweme, zlama yitea ŋzla ta nta. Gheyɛ mbelia Shala, ka ghwene ta Yɛsə ba'a ka mɛ ŋkwa, zlama mə, kwa nza ŋkɛ nahe Shala kemehate ghwə te tewəmbəreke wəsə kwa ndiremi nya menete ŋayɛ nde.