Nahəwm 3:11 - Ghena ta Shala

¹¹ Ma gha le ŋa ŋa gɛ Ninive, katenza na keghwəyi ghwəyi va yaka ba'a katewəfərə na va hawe. Ma gha le ŋa ŋa gɛ ne, katezele ŋkwa kewəfərə na va ka jaga ta ŋa.

Nahəwm 3:11 Iomraidhean Croise

Cimə 75:8

Shala ya kande meha ghwə: kashifə kwete ŋkɛ, kave nda kwele ŋkɛ ke kwete.»

Ɛzayi 2:10

Wəfərə ŋayɛ mə hwa yɛ gela, dzembe ŋayɛ mə mbe hɛɗi kezha wəfərə va ghazlənə va Mahwətə ba'a va ɓele ta zləvəa ŋkɛ.

Ɛzayi 2:19

Katedzembe yɛ zlera mbeli ba'a katedzawa ghɛ nyi mbe hɛɗi mbeli kezha wəfərə va ghazlənə va Mahwətə ba'a va ɓele ta zləvəa ŋkɛ, vəa ŋkwa nya tesate ŋkɛ te ŋkwa kezha dake hɛɗi.

Ɛzayi 29:9

Nza mə heheɓake ba'a tikə tikə, Zhɛre mə kaka ghwələa kɛfi ba'a nza mə kaka nakɛma ŋkwa. Nza mə keghwəyi ghwəyi, ama kaɗema va tɛ, tsepe tsepe mə, ama kaɗema va ghwəyi ta wəshi kesa sa.

Ɛzayi 49:26

Katezeme nda slia geva ta nci 'ya ke ka sa ŋa yaka, katenza hɛ keghwəyi ghwəyi va mimia nci kala nya ghwəyi mbeli va tɛ nya 'yaghwa. Tagha gɛ, kateɗepe pɛtɛa wəshi nyi nza mpi hwe 'ya ya kaMahwətə nya kembele ŋa, kaShala nde berete ta Zhakob nya kembeɗe ŋa.»

Ɛzayi 63:6

Pa 'ya ŋkeɗemte mbeli le wənə le wənə, pa 'ya ghwəyimte hɛ mbe hwepe ta wənəa ɗa ba'a pa 'ya shekeyi mimia nci te hɛɗi.

Zhɛrɛmi 4:5

Zlapete mə mbe Zhəwda, pesleyi mə ghena shɛ dzeyi mbe Zhɛrəzalɛm, vɛ mə tereme te hɛɗi, tsa mə lewela le berete. Ma pe yɛ: «Tsenete mə geva kezha dzembe meleme nyi nza zli yite.»

Zhɛrɛmi 51:57

'Ya kateghwəyi mbeli nyi te ghəa ŋkɛ, ka ntsehwele ntsehwelea ŋkɛ, ka ŋgwamna ta ŋkɛ, ka meha ghwə ta ŋkɛ ba'a ka katsala kɛfia ŋkɛ. Katedzeyitea hɛnji hɛ kaghala ghala, mba hɛ katefeɗeghe we.» Nya ya kaghena nya geze Meghe nya nza sləa ŋkɛ KaMahwətə nde berete.

Zhɛrɛmi 8:14

Ma ke hɛ: «Yitea wa nza gheɓəmə didivə wa? Tsenete ɓəmə geva, dzembe ɓəmə meleme nyi nza zli yite kaneghe mte ta ɓəmə. Kwa nza ŋkɛ ne, kafɛa ɓəmə Shala Mahwətə ta ɓəmə kegaŋkəɗə, yɛmə nya nza wəsəa kwamasa hwe yasahwe ɓəmə ŋkɛ, kwa nza mə kaka beze nda ghena ke Mahwətə.

Palepa ta Ozɛ 10:8

Kateza geva sebe te kələŋə nyi mene jaɗafa nyi ka Israyɛl dzeyi hwa hɛ. Katezlere yɛ ndəŋwə ba'a yɛ gwezlembela kaja dzeyi te yɛ reghwetɛa nci. Ma ke hɛ sha tegeze vəa ŋkwa shɛ: «Yɛ ghweme, zhiɓə mə geva kənəa ghen'yɛ», «Yɛ wəmbə, dase mə geva kənəa ghen'yɛ.»

Amos 9:3

Ya hɛ wəfərənji pelɛ ghəa ghweme ta Karmɛl ne, katedzeme 'ya kazele hɛ ba'a kakese hɛ. Ya hɛ ɗe kawəfərə va ntsə ta ɗa kwa ŋkwəɗəa ndərə ne, kategeze nda 'ya ke shishi yɛmə kahale hɛ kwagha.

Mishɛ 7:17

Keləwə yatenini hɛ kala shishi ba'a kala wəshi nyi kentsehe geva dzate te hɛɗi. Kateshave hɛ le bare bare mbe ŋkwa kewəfərə ta nci sha gha Shala Mahwətə ta n'yɛ. Kateghazlənə hɛ va berete ta ŋa.

Nahəwm 1:10

Nahe hɛ kenza kala gezlere nyi tendɛaŋe tendɛaŋe, ghenci nyi kesa wəshi kesa kala ka ghwəyi ghwəyi. Kateteremte geva hɛ hɛmɗɛke ɗɛke kala vegheme nyi keghwele ghwele.

Nahəwm 2:1

Ka Zhəwda, wa nya wəndə nya kekele ghena mɛnɛfɛ ganyɛ nya kasawa pelɛ ghəa ghweme, ghena ta kwelɛŋe yazlape ŋkɛ. Mene mə yɛ gəsəkəa ŋayɛ, fə mə wəshi nyi meɗeyi nda yɛ ke Shala kase. Kwa nza ŋkɛ katezhɛne nde ndiremia mehele kaŋkeɗe seɗa ta ŋkɛ te hɛɗia ŋayɛ we, nahe sebe keza te berete ta ŋkɛ.

Ləwke 23:30

Tagha gɛ, ma ke mbeli sha tegeze nda ke yɛ ghweme: Ŋzlaghe mə geva kənəa ghen'yɛ, ba'a ke yɛ wəmbə: Wəfərəakɛ n'yɛ mə gi!

1 Saməyɛl 13:6

Ma kwa nakɛ ghəa nci ka Israyɛl kambeli nyi keza za kwa nza mbeli terasle yitea hɛ, ntake hɛ kawəfərə mbe yɛ gezlɛŋə, kwa ki, hwa kələŋə, mbe hɛɗi ba'a kwa yɛ ghwa.

1 Saməyɛl 14:11

Pa hɛ ncɛte ghəa nci bake nci pelɛ ghedəkwəa ka Filisti. Ma ke ka Filisti: «Wa nyi ka Ɛbrə nyi kesame kwa ki nyi wəfərənji hɛ.»